येँ महानगरपालिकाय् अय्न मतगणना सुरु जुगु मदुनि।

थौं सुथय् ८ बजेनिसे मतगणना सुरु जुइ धका धासा आःतक मजुनि। स्वतन्त्र उमेदवारया प्रतिनिधि तयेगु विषय चान्ह्य तक न विवाद जुयाच्वंगु खः।

महानगरपालिकाया वडा नम्बर १ व ३२ या मतगणना सुरु जुइ धका धाउगु दु।

बुढानीलकण्ठ नगरपालिकाया वडा नं. १ य् नेकपा एमालेया उम्मेदवार सुरेन्द्र लामा निर्वाचित जुगु दु।

लामां ८४५ मत हया निर्वाचित जुगु खः। वयकःया निकटतम प्रतिस्पर्धी कांग्रेसया उत्तमकुमार खड्कां ४७३ मत हःगु खः।

थौं शुक्रबाः जुगु स्थानीय तह निर्वाचनय् ६४ प्रतिशत मतदान जुगु दु।

प्रमुख निर्वाचन आयुक्त दिनेश थपलियां ६४ प्रतिशत मतदान जुगु प्रारम्भिक अनुमान याउगु दु। यक्को मतदातापि दुसा अपेक्षा याउगु कथं कम जक मत कुहावःगु दु धका प्रमुख आयुक्त थपलियां धाउगु दु।

स्थानीय तह निर्वाचनया झ्वलय् थौं शुक्रबाः कम्ती न २५ गु मतदान केन्द्रय्  मतदान स्थगित जुगु दु।

निर्वाचन आयोग स्रोतया कथं आःतक २५ मतदान गु थासय् मतदान स्थगित जुगु दु धका सूचना आयोगं धाउगु दु। स्थगित जुगु थासय् याकन हे निर्वाचन यायेगु तयारी सुरु यायेगु धका आयोगया छम्ह अधिकारीं धाउगु दु।

रौतहटया यमुनामाई गाउँपालिकाय् मतपेटिका लुटे याउगु दु। यमुनामाई गाउँपालिका वडा नम्बर १ या चिकना जेठरहिया ‘क’ मतदान स्थल व वडा नम्बर २ य् छगु मतदान स्थलय् मतपेटिका लुटे याना यकूगु दु।

यमुनामाईय् जनता समाजवादी पार्टी, नेपाली कांग्रेस व नेकपा एमालेया कार्यकर्ता दथुइ पटक–पटक ल्वापू जुगु खः रौतहटया यमुनामाई गाउँपालिकाय् मतपेटिका लुटपाट याउगु खः। यमुनामाई गाउँपालिकाया वडा नम्बर १ चिकना जेठरहिया ‘क’ मतदान स्थल व वडा नम्बर २ या छगु मतदान स्थलय् मतपेटिका लुटे याउगु खः।

यमुनामाईय् जनता समाजवादी पार्टी, नेपाली कांग्रेस व नेकपा एमालेया कार्यकर्ता दथुइ पटक–पटक झडप जुगु खः । तर मतदान स्थलय् हुलदंगा यासे मतदान केन्द्र कब्जा कया मतदान यासे व बाँकी दुगु मतपत्र खुया मतपेटिका तोडफोड तक यानाबिउगु खः।