बेलायत, फ्रान्स व जर्मनीं परमाणु वार्ता हाकनं न्ह्याके मफुत धाःसा इरानयात प्रतिबन्ध तयेगु ख्याच्वः ब्यूगु दु।

स्वंगू देसं संयुक्त राष्ट्र संघयात यदि इरानं थःगु परमाणु कार्यक्रमयात कयाः अगस्टया अन्त्यतक वार्ता मन्ह्याकल धाःसा उकियात हाकनं प्रतिबन्ध तयेगु खँ धाःगु बीबीसीं जानकारी ब्यूगु दु।

“ई–थ्री”या नामं नं म्हस्यूगु बेलायत, फ्रान्स व जर्मनीं इरानं वार्ता हाकनं मन्ह्याकूसा “स्न्यापब्याक संयन्त्र” न्ह्याकेत तयार दुगु धाःगु दु। स्न्यापब्याक संयन्त्र छगू थुज्वःगु प्रावधान खः गुकी इरानं आणविक सम्झौताया शर्त उल्लंघन याःगु खनेदत धाःसा सन् २०१५ न्ह्यःया संयुक्त राष्ट्र संघं तःगु फुक्क कडा प्रतिबन्ध स्वतः हे हाकनं लागू जुइ।

बेलायत, फ्रान्स व जर्मनीं अगस्टया अन्त्यतक वार्ता थप यायेगु प्रस्ताव तयागु धाःगु दुसा इरानं धाःसा छुं लिसः बिउगु मदुनि।वंगु महिनाय् इरानं थप वार्ताया निंतिं थःपिं तयार दुगु खँ धाःगु खः। तर थुकी आःया प्रतिबन्ध चीकेगु व देय्यात नागरिक आणविक कार्यक्रमयात मान्यता बीगु शर्तत तःगु दु।

इरानं सन् २०१५ य् “ई–थ्री” – अमेरिका, रुस व चीनलिसे आणविक सम्झौता यायेधुंकाः आणविक कार्यक्रमय् तयातःगु प्रतिबन्ध चीकूगु खः। थ्व सम्झौता अक्टोबरय् क्वचाइगु जूगु दु।

इराकय् क्लोरिन ग्यास लिक जुया ६०० म्ह तीर्थयात्री अस्पतालय् भर्ना इराकय् क्लोरिन ग्यास लिक जुया ६०० म्ह स्वयां अप्वो तीर्थयात्री अस्पतालय् भर्ना जुइमाःगु दु।

लः प्रशोधन केन्द्रय् क्लोरिन त्वने धुंकाः सासः ल्हायेत समस्या वया ६०० म्ह स्वयां अप्वो शिया तीर्थयात्रीतय्त छुं ईया निंतिं अस्पतालय् भर्ना याःगु अधिकारीपिन्त उद्धृत यासें अल जजीरा समाचार एजेन्सीं जानकारी ब्यूगु दु। मध्य व दक्षिणी इराकया निगू शिया पवित्र शहर नजफ व कर्बलाया दथुइ च्वंगु सतकय् उगु घटना जूगु खः।

थुगुसी लखौं शिया मुस्मां तीर्थयात्रीतय्सं कर्बलाया तीर्थयात्रा याइगु अनुमान याःगु दु।मेखे तीर्थयात्रीया सुरक्षाया जिम्मेवारी कयातःगु सुरक्षाकर्मीं धाःसा कर्बला–नजफ सतकया छगू वाटर स्टेशनपाखें क्लोरिन लिक जूगु धाःगु दु । दशकौंया द्वन्द्व व भ्रष्टाचारया कारणं इराकया आपालं पूर्वाधार जीर्ण अवस्थाय् लानाच्वंगु दु।

वंगु जुलाई महिनाय् पूर्वी क्षेत्रया कुट सहरया छगू सपिङ मलय् मिँ च्यानाः सच्छिम्हसिबें अप्वः मनूत सीगु खः । उकी मध्ये आपालं मनूत चःबिइ हे सीगु अधिकारीपिन्सं धाःगु दु।

हमासं संचालन यानाच्वंगु स्वास्थ्य मन्त्रालयं गाजाय् कुपोषणया हुनिं थप ११ म्ह मनूत सीगु जानकारी ब्यूगु दु।थ्व नापं कुपोषणया हुनिं सीपिनिगु ल्याः २१२ म्ह थ्यंगु दुसा उकी मध्ये ९८ म्ह मस्त खः।

स्वास्थ्य मन्त्रालयया कथं लिपांगु २४ घण्टाय् इजरायलया सैन्य अभियानय् ३८ म्ह मनूत सीगु दु। ४९१ म्ह घाःपाः जूगु दु। गाजाय् सीपिनिगु ल्याः अप्वया वनाच्वंगु दु। गुंलागा पारु ११४५, सावन २४ आईतवाःगाजाय् कुपोषणं सीपिनिगु ल्याः २१२ म्ह थ्यन हमासं संचालन यानाच्वंगु स्वास्थ्य मन्त्रालयं गाजाय् कुपोषणया हुनिं थप ११ म्ह मनूत सीगु जानकारी ब्यूगु दु।

थ्व नापं कुपोषणया हुनिं सीपिनिगु ल्याः २१२ म्ह थ्यंगु दुसा उकी मध्ये ९८ म्ह मस्त खः। स्वास्थ्य मन्त्रालयया कथं लिपांगु २४ घण्टाय् इजरायलया सैन्य अभियानय् ३८ म्ह मनूत सीगु दु। ४९१ म्ह घाःपाः जूगु दु। गाजाय् सीपिनिगु ल्याः अप्वया वनाच्वंगु दु।

इजरायलया प्रधानमन्त्री बेन्जामिन नेतान्याहुं थःगु सरकारं गाजायात पूर्ण नियन्त्रणय् कायेगु योजना दूगु धाःगु दु।फक्स न्यूजयात बिउगु अन्तर्वार्ताय् नेतान्याहुं सुरक्षा सुनिश्चित यायेत, हमासयात चीकेत व हमास विरोधी नागरिक प्रशासनयात सत्ताय् हयेत थ्व पलाः आवश्यक जूगु धाःगु दु। तर हमासं थःगु व्यक्तिगत फाइदाया निंतिं बन्धकतय्गु ज्यान जोखिमय् लाकूगु द्वपं ब्यूगु दु।

संयुक्त राष्ट्र संघं थुज्वःगु सैन्य अधिग्रहणं गाजाया सर्वसाधारण व इजरायली बन्धकया निंतिं “विनाशकारी लिच्वः” लाइगु चेतावनी ब्यूगु दु।इजरायली संचार माध्यमया कथं नेतान्याहुं गाजा शहर व शरणार्थी शिविरयात नियन्त्रणय् कायेगु, थ्यंमथ्यं छगू लाख बासिन्दायात दक्षिणपाखे यंकेगु व अनंलि निगूगु चरणया आक्रमणलिसें मानवीय ग्वाहालि विस्तार यायेगु योजना दयेकूगु दु।आः इजरायली सेनां गाजाया थ्यंमथ्यं स्वब्वय् छब्व नियन्त्रणय् काःगु दु।

गाजा मानवीय प्रतिष्ठानपाखें ग्वाहालि थ्यंकेगु ज्याय् पंगः वःगु दु, सम्झौता जूगु दुसा सलंसः मनूत सीगु दु।गाजा स्वास्थ्य मन्त्रालयया कथं अक्टोबर ७ तारिखय् हमासं इजरायलय् आक्रमण यानाः थ्यंमथ्यं १२०० मनूत सीगु व २५१ म्ह बन्धक दयेकूगु युद्धय् कम्ती नं ६१ हजार १५८ म्ह मनूत सीगु दु।

इजरायलया प्रधानमन्त्री बेन्जामिन नेतान्याहुं थःगु सरकारं गाजायात पूर्ण नियन्त्रणय् कायेगु योजना दूगु धाःगु दु।फक्स न्यूजयात बिउगु अन्तर्वार्ताय् नेतान्याहुं सुरक्षा सुनिश्चित यायेत, हमासयात चीकेत व हमास विरोधी नागरिक प्रशासनयात सत्ताय् हयेत थ्व पलाः आवश्यक जूगु धाःगु दु। तर हमासं थःगु व्यक्तिगत फाइदाया निंतिं बन्धकतय्गु ज्यान जोखिमय् लाकूगु द्वपं ब्यूगु दु।

संयुक्त राष्ट्र संघं थुज्वःगु सैन्य अधिग्रहणं गाजाया सर्वसाधारण व इजरायली बन्धकया निंतिं “विनाशकारी लिच्वः” लाइगु चेतावनी ब्यूगु दु।इजरायली संचार माध्यमया कथं नेतान्याहुं गाजा शहर व शरणार्थी शिविरयात नियन्त्रणय् कायेगु, थ्यंमथ्यं छगू लाख बासिन्दायात दक्षिणपाखे यंकेगु व अनंलि निगूगु चरणया आक्रमणलिसें मानवीय ग्वाहालि विस्तार यायेगु योजना दयेकूगु दु।आः इजरायली सेनां गाजाया थ्यंमथ्यं स्वब्वय् छब्व नियन्त्रणय् काःगु दु।

गाजा मानवीय प्रतिष्ठानपाखें ग्वाहालि थ्यंकेगु ज्याय् पंगः वःगु दु, सम्झौता जूगु दुसा सलंसः मनूत सीगु दु।गाजा स्वास्थ्य मन्त्रालयया कथं अक्टोबर ७ तारिखय् हमासं इजरायलय् आक्रमण यानाः थ्यंमथ्यं १२०० मनूत सीगु व २५१ म्ह बन्धक दयेकूगु युद्धय् कम्ती नं ६१ हजार १५८ म्ह मनूत सीगु दु।