भारतया उपराष्ट्रपति जगदीप धनखरं थःगु स्वास्थ्ययात प्राथमिकता बियाः व चिकित्सकया सल्लाह कथं पदं राजीनामा बिइगु निर्णय यानादीगु दु।

उपराष्ट्रपति धनखरं  थःगु व्यक्तिगत स्वास्थ्य व ध्यान बीगु निर्णय याःगु समाचार एजेन्सी एएनआईं जानकारी ब्यूगु दु।धनखरं राष्ट्रपति द्रौपदी मुर्मुयात सम्बोधन यानाः थःगु राजीनामा पौ छ्वःगु दुसा उकी थःगु स्वास्थ्यया ख्यालः यानाः व चिकित्सकया सल्लाह पालना यानाः तत्काल प्रभावं उपराष्ट्रपति पदं राजीनामा बीगु निर्णय याःगु न्ह्यथनातःगु दु।

वय्कलं थःगु पौय् राष्ट्रपति व प्रधानमन्त्रीया लिसें मन्त्रिपरिषदं थःगु कार्यकालय् अमूल्य ग्वाहालि याःगुलिं सुभाय् देछानादीगु दु।धनखरं सन् २०२२ य् उपराष्ट्रपतिया पदभार ग्रहण याःगु खःसा वय्कःया कार्यकाल सन् २०२५ य् क्वचाइगु खः, तर समाचारय् स्वास्थ्यया कारणं थ्व महत्वपूर्ण निर्णय यायेमाःगु खँ न्ह्यथनातःगु दु।धनखरं राजीनामा बिइ धुंकाः उपराष्ट्रपति पदया नितिं न्हूगु निर्वाचन जुइत्यंगु दु।

समाचारय् उपराष्ट्रपतिया सचिवालयं थुकिया बारे जानकारी ब्यूगु खँ नं न्ह्यथनातःगु दु।

रुसया राष्ट्रपति भ्लादिमिर पुटिनं युक्रेननाप शान्ति वार्ता यायेत तयार दु धका धाःगु दु।

वयकलं अन्तर्राष्ट्रिय समुदायनाप संबादय् रुसी पक्ष वार्तापाखे द्वन्द्व समाधान यायेत इच्छुक दु धइगु सङ्केत ब्यूगु दु धका समाचारसंस्था रोयटर्स न धाःगु दु। राष्ट्रपति पुटिनं थः न्ह्यावलय् शान्तिपूर्ण समाधानया पक्षय् दु धका धयादीगु खः।

यदि युक्रेन व पश्चिमी देय् वार्ताया लँपुइ वनेत थः तयार दु धका धाःगु दु। थुगु धापू न रूस–युक्रेन युद्ध क्वचायकेगुलि कूटनीतिक कुतः यायेत हाकन सङ्केत क्यगू दु।अय्न, युक्रेनया सरकार व वयागु ग्वहालिमि पश्चिमी देय् कडा सर्तय् जक वार्ता यायेगु अडानय् दु।

थ्व स्वया न्ह्यः ट्रम्पं रुसयात युद्धविराम यायेगु सहमत यायेत व मेगु प्रतिबन्ध सामना यायेत ५० दिं ई ब्यूगु खः। युक्रेनय् लगातार हमला याना च्वंगु धासे ट्रम्पं लिपागु इलय् पुटिननाप तंचाःगु खः। स्वदँ न्ह्यः न्ह्यागु रुस–युक्रेन युद्धय् आःतक तधःगु मानवीय व भौतिक क्षति जुइ धुकुगु दु।

अमेरिकाया राष्ट्रपति डोनाल्ड ट्रम्पं इरानया आणविक केन्द्र अमेरिकां याःगु बम विस्फोटं ‘पूर्ण रुपं ध्वस्त’ जुगु दु धका धाःगु दु।

अन्तर्राष्ट्रिय समाचार एजेन्सी एएफपीया कथं ट्रम्पं थःगु ट्रुथ सामाजिक प्लेटफर्मय् थःगु दाबी दोहोरे याःगु दु, ‘इरानया स्वंगू हे आणविक केन्द्र पूर्ण रुपं नष्ट जूगु दु वा नष्ट जूगु दु।

जुन २२ य् अमेरिकां इरानया विवादास्पद आणविक कार्यक्रमय् हवाई आक्रमण याःगु खः। थ्व आक्रमणं तेहरानया दक्षिणय् च्वंगु फोर्डोय् च्वंगु युरेनियम संवर्धन केन्द्रया लिसें इस्फाहान व नातान्जय् च्वंगु आणविक केन्द्रयात नं तःधंगु क्षति याःगु खः।

इरानया आणविक व सैन्य पूर्वाधार विरुद्ध इजरायलं याःगु अभियानया छगू ब्व कथं जूगु थ्व बम विस्फोटयात अमेरिकां दँ दँतकया आणविक हतियार दयेकेगु गोप्य कुतःयात “नकआउट”या रुपय् काःगु खः। इरानं थःगु नागरिक आणविक शक्ति कार्यक्रमयात हतियार दयेकेगु कुतः मयाःगु खँ धाःगु दु।

ट्रम्पं पूर्ण सफलताया दाबी याःसां नं अमेरिकाया छुं छुं संचार माध्यमं लिक जूगु गुप्तचर सुचंया हवाला बियाः थ्व आक्रमणं इरानया फुक्क आणविक व सैन्य पूर्वाधार स्यंके मफुगु दाबी याःगु दु।

क्यानडाया फरवार्ड ओलिभिया स्मिथ हलिमयया हे दकलय् थिकेम्ह फुटबलर जूगु दु। बिहीवाः आर्सनलं स्मिथयात आःतक हे दकलय् अप्पोे कीर्तिमानी रकम पूला थःगु टिमय् दुकागु दु।

आर्सनलं स्मिथयात १ मिलियन पाउन्डय् प्यदँया निति अनुबन्ध याःगु दु। थ्व स्वया न्ह्यः अमेरिका व इंग्लिस क्लब चेल्सीया रक्षक नाओमी गिर्मा दकलय् अप्पो ध्यवां अनुबन्धित याःगु खः।

क्लबं वंगु जनवरीइ गिर्मायात ९ लाख पाउन्डय् दुकाउगु खः। २० दँया कीर्तिमान रेकर्ड तम्ह स्मिथं सन् २०२२ य् क्यानेडियन क्लब अर्थ टोरोन्टो निट्रोसपाखे व्यवसायिक फुटबलमा डेब्यु याम्ह खः।

अमेरिकाया राष्ट्रपति डोनाल्ड ट्रम्पं ची चीधंगु अफ्रिकी व क्यारिबियन मुलुकपाखें आयात जुइगु सामानय् १० प्रतिशत स्वयां अप्वो कर लगे यायेगु धयादीगु दु। दक्वं देसय् छगू हे दर लागु यायेगु धाःम्ह ट्रम्पं थ्व दर १० प्रतिशतसिबें भचा च्वय् जूगु एसोसिएटेड प्रेसया जानकारी ब्यूगु दु।

वय्कलं म्होतिं नं १०० गू देय्या सामानय् थ्व कर लगे यायेगु योजना दूगु धयादीगु दु।अमेरिकाया वाणिज्य मन्त्री हावर्ड लुटनिकं थुगु शुल्कं अप्वो लिच्वः लाइगु सम्भावना दूगु देय्त अफ्रिका व क्यारिबियन जुइगु धयादीगु दु।

थ्व महिना न्ह्यः राष्ट्रपति ट्रम्पं थ्यंमथ्यं निगू दर्जन देय् व युरोपेली संघयात पौ छ्वयाः अगस्ट १ निसें लागू जुइगु न्हूगु शुल्कया जानकारी ब्यूगु खः।

उगु इलय् शुल्क घोषणा याःगुलिं अमेरिकाया वित्तीय बजारय् उथलपुथल जूगुलिं ट्रम्पं ९० न्हुया वार्ता अवधिया घोषणा याःगु खः। उगु ई जुलाइ ९ कुन्हु क्वचाइ।