Display Style:
Column Style
साइप्रसय् नःगु मिं कजय् कायेत ग्वहालिया अपिल
बछलागा दशमी ११४१, असार २० गते आइतबाः
साइप्रसय् तसंक न्यनावंगु मिं कजय् कायेत अन्तर्राष्ट्रिय ग्वहालिया नितिं अपील याःगु दु ।
साइप्रसय् आःतकया हे दकले बाँमलागु व तसकं मिं नःगु अधिकारीपिन्सं धाःगु दु । तीव्र गतिइ न्यनाच्वंगु फय्या कारणं मिं नयावंगु दु ।
दक्षिणी लिमासोल जिल्लाया जंगलय् मिं नःगु हुनिं अनया थीथी गाँया वासिन्दायात सुरक्षित थासय् यंकूगु दु । दर्जनौँ छेँ त मिं नयाँ ध्वस्ता जूगु दु । तर आःतक मानविय क्षति धाःसा जूगु मदुनि ।
साइप्रसय् वंगु छुं वानिसें तसकं तांन्वया च्वंगु दु । तापक्रम ४०गू डिग्री सेल्सियस तक्क थ्यंगु दु । विज्ञतय्सं जलवायु परिवर्तनया प्रभावया कारण आकस्मिक लिसें खराब मौसमी गतिविधि न्हापा सियां अप्वःगु जुइगु धासें चेतावनी बिउगु दु ।
आप्रावासीतय्गु डुंगा दुर्घटना जुयाः ४३म्ह सीत
बछलागा दशमी ११४१, असार २० गते आइतबाः
अफ्रिकां युरोप वनाच्वंगु आप्रावासीतय्गु डुंगा दुर्घटना जुयाः ४३म्ह मनूत मन्त ।
लिबियाया जुवारा बन्दरगाहलं भुमध्य सागर पार याःगु डुंगा ट्युनिशियाय् दुर्घटना जूगु खः ।
सछि व २७म्ह आप्रावासीत दुगु डुंगां ८४म्हेसित उद्धार याःगु दु । दुर्घटनाय् लानाः यक्व धइथें मिसात व मस्त सीगु दु ।
दुर्घटनाय् सुडान, बंगलादेश व इजिप्टया नागरिकत लाःगु धागु दु । इन्जिनय् खराबी वयाः डुंगा दुर्घटना जूगु प्रारम्भिक अनुसन्धानं क्यंगु दु ।
भारतय् कोरोनां सीपि ४ लाख थ्यनं
लहानान्युज | बछलागा नवमी ११४१, असार १९ सनिवाः
भारतय् कोरोनाया कारण सीपि ४ लाख थ्यंगु दु।
विश्व स्वास्थ्य संगठनया कथं भारतय् कोरोनाया कारण सीपि ४ लाख ३१२ म्ह थ्यंगु दु।
वंगु २४ घण्टाय् भारतय् ८५३ म्ह संक्रमितपि सीगु दु। अथेहे ४६ हजार ६१७ म्ह संक्रमितपि थपे जुगु दु।
भारतय् ३ करोड ४ लाख ५८ हजार २५१ म्ह कोरोना संक्रमण जुइ धुकुगु दु।
अमेरिकाय् शक्तिशाली साइबर आक्रमण
लहानान्युज | बछलागा नवमी ११४१, असार १९ सनिवाः
अमेरिकाय् शक्तिशाली साइबर आक्रमण जुगु दु। झण्डै निसः व्यवसायपि प्रभावित जुगु दु।
साइबर सुरक्षा कम्पनी हन्ट्रेस ल्याब्सया कथं ह्याकरं मायामीया मुख्यालय च्वंगु प्रविधि कम्पनी कसेयायात निशाना दयकूगु खः। वया लिपा कर्पोरेट सफ्टवेयर प्रणालीपाखे र्यानसमवेयर आक्रमण फैलै जुगु खः।
कसेयां भीएसए नांया थःगु प्रविधिइ सम्भावित आक्रमण जुइफु धासे उकिया अनुसन्धान जुयाच्वंगु व थः ग्राहकपिन्त सर्भर बन्द यायेत धागु धका बीबीसीं उल्लेख यागु दु।
रुसपाखे वपि फिरौती उठे यायेत साइबर हमलाकारीपिनिगु समूह रीभीलं आक्रमण यागु जुइफु धका हन्ट्रेस ल्याब्सं दाबी यागु खः। सन् २०१९ य् टेक्सासया स्थानीय सरकारय् जुगु संगठीत गमलाय् रीभील जिम्मेवार जुगु दाबी यानावया च्वंगु खः।
ट्रम्पयात कर छलेयाःगु द्वपं
बछलागा अष्टमी ११४१, असार १८ शुक्रवाः
पूर्व अमेरिकी राष्ट्रपति डोनाल्ड ट्रम्पयात कर छलेयाःगु द्वपं लाःगु दु ।
पूर्व राष्ट्रपति ट्रम्पया कम्पनी व उगु कम्पनीया वित्त प्रमुख एलेन वेसलवर्गं कर छले याःगु द्वपं लाःगु बीबीसीं न्ह्यथंगु दु । उगु कम्पनीं थ्यंमथ्यं ३गू मिलियन डलर कर छले याःगु द्वपं लाःगु खः ।
अमेरिकी अधिकारीतये कथं ट्रम्पया कम्पनीं वंगु १५ दँ निसें अवैध भुक्तानीपाखें कर छली यानावःगु दु । तर कम्पनीया कानुनी सल्लाहकार तकं दूम्ह वेसलवर्गं कर छले मयानाःगु दाबी यानादीगु दु ।
ट्रम्पया होल्डिङ कम्पनीं होटल व गल्फ क्लब लिसेंया थी थी फर्मत संचालन यानावःगु दु । उगु कम्पनीयात थी थी अपार्टमेन्टह बालं काःगु धलः व कर्मचारीको सेवा सुविधा बिस्तारया खँय् कर धलःखय् स्पष्ट मयाःगु द्वपं लाःगु अनया अधिकारीतयेसं न्ह्यथंगु दु ।
ट्रम्पया कम्पनीयात कर छलेयाःगु द्वपं लाःगु नापं सरकारी अधिकारीतयेसं अनुसन्धान न्ह्यागु जानकारी बिउगु दु ।
