भारतय् ४० दिं लिपा कोरोना सक्रमित म्हो जुया वःगु दु ।

वगु २४ घण्टाय् १ लाख ९५ हजार ८१५ म्हेसित कोरोना सङ्क्रमण पुष्टि जुगु दु। छु दिं न्ह्यः न्हि प्यगु लाख स्वया अप्वो कोरोना सङ्क्रमण पुष्टि जुगुलि छु दिं न्ह्यःनिसे सङ्क्रमण पुष्टि जूपि म्हो जुया वंगु धका भारतीय स्वास्थ्य मन्त्रालयं धागु दु।

लच्छि न्ह्यः ८१ दशमलव ७ प्रतिशत कोरोनामुक्त जुया वंगुलि आः ८८ दशमलव ७ प्रतिशत थ्यंगु दु। लच्छि न्ह्यः १७ दशमलव १७ प्रतिशत सक्रिय सङ्क्रमितपि दुगुलि आः घटे जुया १० दशमलव १७ प्रतिशतय् क्वहा वंगु दु।

सङ्क्रमण पुष्टि जूपि म्हो जूसा सीपिनिगु ल्याखय् धासा सुधार मजू धका भारतीय सञ्चारमाध्यमं धागु दु। वंगु २४ घण्टाय् ३४९८ म्ह कोरोना सङ्क्रमणपि सीगु दु।

भारतय् कोरोना भाइरस (कोभिड–१९) या संक्रमणं सीपि स्वंगु लाख स्वया अप्वो थ्यंगु दु।

भारतया स्वास्थ्य तथा परिवार कल्याण मन्त्रालयया कथं आःतक कोरोना संक्रमणं सीपि ३ लाख २ हजार ५४४ म्ह थ्यंगु दु।

वंगु २४ घण्टाय् जक भारतय् कोरोना संक्रमणं सीपि ४ हजार ४५४ म्ह थ्यंगु दु। उगु हे इलय् २ लाख २२ हजार न्हुपि कोरोना संक्रमित थपे जूगु दु।

थ्व नाप आःतक भारतय् कोरोना संक्रमितपि २ करोड ६७ लाख स्वया अप्वो थ्यंगु दु। भारतय् कोरोना सक्रिय संक्रमितपि २७ लाख २० हजारय् क्वहा वंगु दु।

भारतय् मिखाँ स्यकिइगु ‘कालो ढुसी’पाखे संक्रमित जूपि करिब ९ हजार मनूत पिहा वंगु दु।

सामान्य हिसाबं दुर्लभ खनेदुगु संक्रमणयात म्यूकर माइकोसिस धाइ। यक्को हे जोखिम माने यानातःगु थुगु संक्रमणपाखे सीपि ५० प्रतिशत दु ।

गुलि मनूतयेत मिखा लिकया बचे यागु दु। अयन लिपागु इलय् भारतय् म्यूकर माइकोसिसया यक्को थे संक्रमित व स्वया न्ह्यः हे कोरोना भाइरस (कोभिड–१९) पाखे संक्रमित जुइ धुकुपि खः ।

डाक्टरपिन्स कोरोनाया संक्रमितपिनिगु उपचारया लागि प्रयोग जुइगु स्टेरोइड वासःया कारण थुगु किसिमया समस्या जुगु धका धागु दु । थुकिइ विशेष याना चिनी ल्वय् दुपि बिरामीपि जोखिम जुइ धका विशेषज्ञपिन्स धागु दु।

डाक्टरपिनिगु कथं कोरोना संक्रमणमुक्त जूपि १२ निसे १८ दिं लिपा थज्यागु समस्या व धका धागु खः। म्यूकर माइकोसिसया संक्रमितपि मध्ये बच्छि महाराष्ट्र व गुजरातय् खनेदुगु खः।

भारतय् १५ गु मेमेगु राज्यय् न च्याम्ह निसे ९०० संक्रमित पिहा वंगु दु। भारतय् निरन्तर कोरोनाया संक्रमितपि इन्दौरया यसवन्तराव अस्पतालय् छगु वाः दुने जक म्यूकर माइकोसिसया च्याम्ह संक्रमितपि दुगु खःसा आः अन १८५ म्ह थ्यंगु दु।