Display Style:
Column Style
भारतया मुम्बई शहरया भीडभाड जुइगु क्षेत्रय् कोराना परीक्षण अनिवार्य यात
चिल्लाथ्व नवमी, ११४१, चैत्र ८ आइतबाः
भारतया मुम्बई शहरया भीडभाड जुइगु क्षेत्रय् कोराना परीक्षण अनिवार्य याःगु दु । संक्रमितया ल्याः अप्वया वनेधुंकाः मुम्बईया स्थानीय सरकारं थ्व व्यवस्था याःगु खः ।
सपिङ सेन्टर, रेल स्टेशन थुज्वःगु क्षेत्रय् कन्हय्निसें व्यापक ¥यापिड टेष्ट याइगु धाःगु दु । परीक्षण यायेत अस्वीकार याइम्हेसित कारवाहीया तकं व्यवस्था जूगु अधिकारीतय्सं न्ह्यथंगु दु ।
मुम्बईलय् लिपांगु २४ घौ दुने करिब ३द्वः कोरोना संक्रमित अप्वःगु दु । भारतन्यंक धाःसा म्हिगः करिब ४१द्वः कोरोना संक्रमित अप्वःगु खः । थुगु ल्याः लिपांगु प्यला दुनेया हे अप्वः खः ।
भारतय् न्हिं ३०द्वः संक्रमित अप्वःगु म्हिगः स्वन्हुगु दिं खः । भारतय् कोरोनाया हुनिं सीपिनिगु ल्याः १ लख ५९द्वः थ्यंगु दु ।
पाकिस्तानय् बलात्कारया द्वपं लाःपिं निम्हेसित मृत्युदण्डया सजायँ न्यंकल
चिल्लाथ्व नवमी, ११४१, चैत्र ८ आइतबाः
पाकिस्तानया छगू अदालतं बलात्कारया द्वपं लाःपिं निम्हेसित मृत्युदण्डया सजायँ न्यंकूगु दु ।
लाहोरया पूर्वी शहरस्थित छगू विशेष अदालतं अविद मेहली व शाफ्कत अली नांया निम्ह मिजंतय्त फ्रेन्च मुलया पाकिस्तानी मिसायात बलात्कार याःगु द्वपनय् मृत्युदण्डया सजायँ न्यंकूगु खः ।
चान्हसिया इलय् पेट्रोल मालाजूम्ह उम्ह मिसायात उमिसं निम्ह मचाया न्ह्यःने बलात्कार यानाः लुटपाट तकं याःगु खः । सन् २०२० या डिसेम्बर ९ तारीखय् जूगु घटनायात कयाः पाकिस्तानय् तच्वःगु विरोध जूगु खः ।
ब्वज्याय् कुहांवःपिन्सं पीडितयात न्याय व देशय् महिला सुरक्षाया माग याःगु खः । पाकिस्तानय् वंगु डिसेम्बरय् जक बलात्कारविरुद्धया न्हूगु कानुन पास जूगु खः ।
२४ घण्टाया दुने भारतय् ४३ हजार स्वया अप्वो सङ्क्रमण पुष्टि
शोभा श्रेष्ठ | चिल्लाथ्व अष्टमी ११४१, चैत्र ८ आईतवाः
भारतय् कोरोना सङ्क्रमणया दर अस्वाभाविक थहा वःगु दु। वःगु २४ घण्टाय् जक भारतय् ४३ हजार ८१५ म्हेसित सङ्क्रमण पुष्टि जुगु दु ।
थ्व धइगु सन् २०२१ या लिपा आःतक या हे दकलय् अप्वो जुगु धका भारतीय सञ्चारमाध्यमं धाःगु दु। थ्व नाप भारतय् जम्मा सङ्क्रमितपि १ करोड १५ लाख ९८ हजार स्वया अप्वो जुइ धुकुगु दु ।
भारतया केन्द्रीय स्वास्थ्य मन्त्रालयया कथं वःगु २४ घण्टाय् जक २३ हजार ६५३ म्ह कोरोनामुक्त जुया डिस्चार्ज जुगु दु।
वःगु २४ घण्टाय् जक भारतय् १९६ म्हेसिगु ज्यान वःगु दु । थ्व नाप आःतक १ लाख ५९ हजार ७९० म्ह स्वया अप्वो सी धुकुगु दु ।
प्रधानमन्त्री इमरान खान कोरोना संक्रमित
लहनान्युज | चिल्लाथ्व नवमी, ११४१, चैत्र ८ आइतबाः
पाकिस्तानया प्रधानमन्त्री इमरान खानयात कोरोना संक्रमण जूगु दु । प्रधानमन्त्री इमरान खानया विशेष सहयोगी फैजल सुल्तानया कथं म्हिगः वय्कया कोभिड परीक्षण रिर्पोट पोजेटिभ वःगु धाःगु दु ।
वय्कलं निन्हु न्ह्यः जक कोरोनाविरुद्धया खोप कयादिगु खः । कोरोनाया संक्रमण जुसेंलि प्रधानमन्त्री खान होम आइसोलेशन च्वनादीगु दु ।
इमरानयात चिनियाँ खोप सिनोभ्याक व सिनोफार्मया न्हापांगु डोज बिउगु खः । पाकिस्तानय् लिपांगु लाय् सङ्क्रमित पिनिगु ल्या अप्वःसेंलि छुं सहरय् आंशिक लकडाउन तकं यानादिगु खः ।
पाकिस्तानय् लिपांग्ु दिं सङ्क्रमित पिनिगु ल्याः अप्वःगु व चिन्तित याःगु व स्वंगूगु झ्वःया खतरा जूगु प्रधानमन्त्री खानको धयादिगु खः ।
पाकिस्तानय् आःतक्क खुगु लखः १५द्वः मनुतय्गु कोरोना पुष्टि जुइधुंकूगु दु धाःसा १३द्वः व न्हेसः सिबें अप्वः मनुत सिइधुंकुगु दु ।
जापानय् म्हिगः ६.९ रेक्टर स्केलया भुखाय् ब्बल
लहनान्युज | चिल्लाथ्व अष्टमी ११४१, चैत्र ८ आईतवाः
जापानय् मौसम विज्ञान निकायं म्हिगः शनिवाः ६.९ रेक्टर स्केलया भुखाय् ब्बःगुलि सुनामी वये फइगु चेतावनी बिउसे उत्तरपूर्वी सामुद्रिक तटीय क्षेत्रया च्वपिन्त सचेत च्वनेत धाःगु दु।
सुरूइ ७.२ रेक्टर स्केल कम्पन जुगु अनुमान याःगु खःसा जापानी अधिकारीं ६.९ रेक्टर स्केलया पुष्टि जुगु धका धाःगु खः।
अमेरिकी भूगर्व विभागं जापानय् शनिवाः वःगु भुखाया धक्का ७.० रेक्टर स्केल खः धका धाःगु खः।
स्थनीय ई कथं शनिवाः सनिलया ६ बजे जुया ९ मिनेट वःगु इलय् महशुस याःगु धका केन्द्रबिन्दु मियागी क्षेत्रया प्रशान्त महासागरीय क्षेत्रया जमिन सतहपाखे करिब ६० किलोमिटरया गहिराइ दुगु जापानी मौसम विज्ञान निकायं धाःगु खः ।
