अमेरिकाया लोकंह्वाम्ह टेलिभिजन प्रस्तोता ल्यारी किङ थौं मन्त । ८७ दँया ल्यारी किङ अमेरिका लस एन्जलसय् सेडारस सिनाइ मेडिकल सेन्टरय् मदुगु खः धका बीबीसी धाःगु खः।

मदुम्ह ल्यारी कोरोना सङ्क्रमण मदुगु धका उल्लेख धाःगु दु। ल्यारी किङं थःगु खुगु दशकया व्यवसायीक जीवनय् प्रतिनीधित्व यासे अमेरिकाया दक्को राष्ट्रपतिपि नाप हलिउड कलाकारपि व कासमि नाप याना ५० हजार स्वया अप्वोसिगु अन्तरवार्ता कयादीगु दु ।

ल्यारी किङं लगातार २५ दँ सीएनएनय् प्रत्यक्ष खँल्हाबलहा यायेगु ज्याझ्वः सञ्चालन याःगु खः । यक्वो थे अन्तरवार्ताय् सकरात्मक चर्चा वयाच्वम्ह किङं स्वदँ न्ह्यः छगु अन्तरवार्ताय् थःम्हेसिया न्ह्यावलय् न्यनिइगु, सिइकेगु व न्ह्यावलय् सधैँ सयेका बालाकगुलि कारण व्यवसायिक सफलता वःगु धका उल्लेख यानादीगु खः ।

अमेरिकी राष्ट्रपति जो वाइडेन नं विश्व स्वास्थ्य संगठन डब्ल्यूएचओ नाप या सम्बन्ध निरन्तरता बिइगु धका धयादीगु दु।

वयकलं राष्ट्रपतिया रूपय् कार्यभार क्वबिगु न्हापागु दिं हे छगु आदेश जारी यासे डब्ल्यूएचओ नाप या सम्बन्धयात निरन्तरता बिइगु निर्णय याःगु खः। थ्व स्वया न्ह्यः निवर्तमान राष्ट्रपति डोनाल्ड ट्रम्पं डब्ल्यूएचओ नाप सम्बन्ध अन्त्य यायेगु घोषणा याःगु खः।

थुगु कदमयात वाइडेनं ट्रम्पयाःगु गल्तीया रुपय् भिंकुगु कथं काःगु दु। वःम्ह राष्ट्रपतिया निर्णययात भिंकूगुलि डब्ल्यूएचओया प्रमुख टेड्रोस अधानोम गेब्रेयसं सुभाय् बिःगु। विश्वन्यकं स्वास्थ्य महामारी जुया च्वंगु इलय् डब्ल्यूएचओ नाप मेरिकाया सहकार्य अत्यावश्यक जुगु सः ल्ह्वना च्वग्ु इलय् अमेरिकां हाकनं सम्बन्धयात स्वागु धका धाःगु दु।

विश्व स्वास्थ्य संगठन (डब्ल्यूएचओ) नं कोरोना भाइरस (कोभिड–१९) या न्हुगु प्रकार (भेरियन्ट) कम्ती न ६० देशय् फैलै जुइ धुकुगु दु धका धाःगु दु ।

वःगु वाःया दुने थप १० गु देशय् न्हुगु प्रकारउा कोरोना फैलै जुइ धुकुगु दु धका डब्ल्यूएचओ न धाःगु दु । डब्ल्यूएचओ न बुधवाः बिःगु जानकारी कथं बेलायतपाखे फैलै जुगु थुगु न्हुगु प्रकारया कोरोनाया कारण विश्वन्यक कोरोना संक्रमण खनेदुगु धका धाःगु खः। आःतक कोरोनापाखे विश्वन्यक २० लाख मनूत सी धुकुगु दु। डब्ल्यूएचओया कथं बेलायतय् खनेदुगु थुगु न्हुगु प्रकारया कोरोना दक्षिण अफ्रिकापाखे न फैलै जुया आः विश्वया २३ गु देशय् फैलै जुइ धुकुगु दु ।

डब्ल्यूएचओया कथं वःगु वाः दुने विश्वन्यक कोरोनाया कारण ९३ हजार मनूत सी धुकुगु दु । छगु वाः दुने थुगु भाइरसं सीपि आःतकया हे दकलय् अप्वो खः । थुगु वाःया दुने जक ४७ लाख मनू कोरोना संक्रमण खनेदुगु दु। बेलायतय् लुगु थुगु न्हुगु प्रकारया कोरोनां साधारण प्रकारया तुलनाय् ५० निसे ७० प्रतिशत तक अप्वो संक्रामक जूगु विशेषज्ञपिन्स धाःगु दु ।