क्रोएसियाया राष्ट्रपतियात नाप मन्त्रिपरिषदया अधिकांश सदस्यपिन्त कोरोना भाइरसविरुद्धया खोप बिःगु दु।

सञ्चारमाध्यमपिन्त फोटो व भिडियो खिचे याये मिले जुइक सार्वजनिक रुपं उमित खोप बिःगु खः। खोपप्रति आम नागरिक पिनिगु विश्वास व आकर्षण अप्वोकेगु लागि सार्वजनिक रूपं उच्च पदाधिकारीपिन्त खोप बिःगु खः। बिहीवाः उमित खोप बिइ धुका क्रोएसियाय् कोरोना विरुद्धया खोप बिइगु आम अभियान हे सुरु जुगु दु । तर, खोप बिइगु झ्वलय् वःगु डिसेम्बर २७ निसे हे सुरु जुगु खः।

कुल ४२ लाख जनसङ्ख्या दुगु देय् तत्काल २० हजार म्हेसित खोप बिइगु सरकारया योजना दु । दक्को खोप बिइ मफुसा प्राथमिकता निर्धारण याना  प्राथमिकता सूचीइ दुपिन्त सुरुइ खोप बिःगु खः। क्रोएसियाया प्रधानमन्त्री अन्ड्रेज प्लेन्कोभिक व मेपि मन्त्रीपि थ्व स्वया न्ह्यःहे कोरोना भाइरसपाखे सङ्क्रमित जुइ धुकुगु दु ।

महामारी फैलै जुइवं क्रोएसियाय् आःतक कोरोना भाइरसपाखे निगु लाख स्वया अप्वो सङ्क्रमित जुगु दु सा प्यद्धः स्वया अप्वो मनूत सी धुकुगु दु।

अमेरिकी कंग्रेसं राष्ट्रपतिया चुनावय् जो बाइडेन हे त्याःगु सुनिश्चता याःगु दु। अमेरिकी संसदया मंकाः बैठकं राष्ट्रपतिया जो बाइडेन नाप उपराष्ट्रपति पदय् कमला ह्यारिस त्याःगु प्रमाणित याःगु दु।

संसद् नं प्रमाणित यायेवं बाइडेनयात जनवरी २० य् शपथ ग्रहणया लागि लँ चाःगु दु। संसदय् एरिजोना व पेन्सिल्भेनिया इलेक्टोरल मतया बारेय् रिपब्लिकन पार्टी न विरोध यायेवं निगु तिहाइ न पारित मयाःगु खः। थ्व स्वया न्ह्यः ट्रम्प समर्थकपिन्स प्रदर्शनया कारण संसद् मंकाः बैठक छु ई रोके याःगु खः । थुगु प्रदर्शनया झ्वलय् प्यम्हेसियो ज्यान वःगु खःसा झीम्ह मल्याक घाइते जुगु खः।

जर्जियाय् डेमोक्रेटिक उम्मेदवारपि त्यायेवं अमेरिकी सिनेटय् डेमोक्रेट्स व रिपब्लिकन्सया समान जुगु खः। सिनेटय् सच्छिम्ह सदस्य दु, आः निगु हे पार्टीया सदस्य ५०–५० म्ह दु। थ्व स्वया न्ह्यः अमेरिकी सिनेटय् रिपब्लिकन्सया बहुमत दु। थ्व स्वया न्ह्य अमेरिकी सिनेटया छगु पुचलं जब तक मतदानय् कथित धाँधली जुगु बारेय् जाँच याइगु छगु आयोग गठन जुइ मखु उवलय् जो बाइडेनया जित प्रमाणित जुगु माने जुइ मखु धका धाःगु खः।

कोरियाली रेलमार्ग अनुसन्धान संस्थान ‘कोरेल’ न विश्वय् दकलय् अप्वो द्रुतगति चले जुइगु रेलया सफल परीक्षण सम्पन्न जुगु दु।

‘कोरेल’या लिपाःगु रेल संस्करण हाइपरट्युब रेल प्रतिघण्टा एक हजार किलोमिटरया दरं ब्बाय् वःगु रेलया सफल जुगु ‘कोरेल’ न धाःगु दु। हाइपरट्युब कोरियाया हाइपरलुप रेलया न्हुगु संस्करण खः। कोरिया सरकारं हाइपरट्युब प्रोजेक्टया लागि सन् २०१७ निसे ज्या न्ह्याकूगु खः। वःगु सेप्टेम्बरय् उगु अवधारणाया न्हापागु सफलता कथं प्रतिघण्टा ७१४ किलोमिटरका दरं ब्बाये वनेत सफल जूगु खः।

न्हुगु घोषणा कथं आः न्हापा खनेदुगु दक्को ‘फल्ट’ समाधान यासे प्रतिघण्टा एक हजार किलोमिटर स्वया अप्वोे गतिइ ब्बाय् वने फइगु रेल प्रणालीया सफल परीक्षण सम्पन्न जुगु धका कोरेलं धाःगु दु। दक्षिण कोरियां विकास याःगु उगु रेलया गति युरोपनिसे एसिया तक ताःहाकःगु दूरीया उडान याइगु विमान स्वया याकन जुगु धका दाबी याःगु दु।

युरोपनिसे एसियातक ताःहाकःगु दूरीया उडान याइगु विमानया गति प्रतिघण्टा ८०० निसे एक हजार किलोमिटर तक जुइ। संस्थानं उगु प्रविधियात थप परिष्कृत यासे यंकेगु व सन् २०२२ तक ट्रयाक व पूर्ण सवारीया विकास यायेगु धका धाःगु दु।अथेहे, सन् २०२४ तक उगु रेल सञ्चालनय् हयेगु सरकारया तयारी दु ।

उगु रेल सञ्चालनय् वलकि कोरियाया राजधानी सउलपाखे बुसान नाप देय्या न्ह्यागू न थासय् ३० मिनेट दुने फइगु जुगु दु। 

कोरोना भाइरस महामारी जुया च्वंगु इलय् भारतया थीथी न्याःगु राज्यय् बर्ड फ्लुया संक्रमण खनेदुगु दु । भारतीय सञ्चारमाध्यमया कथं आःतक हिमाचल, हरियाणा, राजस्थान, केरल व मध्यप्रदेशय् एचफाइभ एन वान एभिएन इन्फ्लुएन्जा भाइरस अथे धइगु बर्ड फ्लु संक्रमण पुष्टि जुगु दु । थ्व ल्वय् जंगली व छेँय् लहिना तःपिच पंक्षी तयेत  संक्रमित जुइगु खः विशेषयाना छेँय् लहिना तइपि पंक्षी तयेत अप्वो घातक खनेदु ।

मानव स्वास्थ्यया लागि थ्व भाइरस जोखिमयुक्त माने याइ। सोमवाः जक हिमाचलया काँगडा जिल्ला अन्तर्गत पोङ ड्याम ताल आरक्ष क्षेत्रय् सीपि झीं च्यास आप्रवासी हेँय् पिन्त बर्ड फ्लुया संक्रमण पुष्टि जुगु दु धका धाःगु दु। संक्रमण पुष्टि जुइवं आरक्ष प्रशासनं पर्यटक नाप स्थानीयपिन्त न प्रवेशय् रोक लगे याःगु दुु।

अथेहे काँगडा जिल्लाया फतेहपुर, देहरा, जवाली, इन्दोरा लगायतका क्षेत्रय् खा, हेँय् व खेँय् उत्पादन खरिद बिक्री व निकासी यायेगु प्रतिबन्ध लगे याःगु दु। थ्व स्वया न्ह्य मध्यप्रदेशया इन्दोरय् सीपि न्यय् म्ह स्वया अप्वो क्वायाते परीक्षण याःगुलि उगु भाइरस पुष्टि जुगु दु। अथेहे राजस्थान, केरल, हरियाणा थीथी थासय् सीना च्वगु चखुचा तयेके न वर्ड फ्लु पुष्टि जुग दु ।

वःगु वाः दुने जक दिल्ली सिथय् हरियाणा छगु लाख स्वया अप्वो खा हेँय्पिं बर्ड फ्लुया हे कारण सीगु धका धका भारतीय सञ्चारमध्यमं धाःगु दु।

कोरोना भाइरस संक्रमण अप्वोया वःगुलि बेलायतया प्रधानमन्त्री बोरिस जोन्सन न हानं देयन्यक लकडाउन घोषणा याःगु दु।

लकडाउन घोषणा याना अन च्वपि मनू तयेत छेँय् च्वनेत इनाप याःगु दु । बीबीसीया कथं बेलायतय् फेब्रुअरी महिना तक लकडाउन याइगु अनुमान याःगु दु। प्रधानमन्त्री जोन्सनं देशवासीपिन्त सम्बोधन यासे गथे संक्रमण अप्वोया वना च्वंगु दु, थुकिइ स्पष्ट सिइद अझ झीसं यक्को मेहनत याये माःनि। थुकियाना देयन्यकं लकडाउन लागु याये माःगु दु धाःसे मजि मगाक्का छेँय् न पिहा मवयेत इनाप याःगु खः।

बेलायतय् कोरोना भाइरसविरुद्धय खोप अक्सफोर्ड (एस्ट्राजेनेका लगे याये धुकुगु दु। देय् दुने हे स्थापना याःगु खोप केन्द्रपाखे न्याःगु लाख स्वया अप्वो खोप बिइगु धका बेलायत सरकारं धाःगु दु।