कोरोना भाइरस महामारी जुया च्वंगु इलय् भारतया थीथी न्याःगु राज्यय् बर्ड फ्लुया संक्रमण खनेदुगु दु । भारतीय सञ्चारमाध्यमया कथं आःतक हिमाचल, हरियाणा, राजस्थान, केरल व मध्यप्रदेशय् एचफाइभ एन वान एभिएन इन्फ्लुएन्जा भाइरस अथे धइगु बर्ड फ्लु संक्रमण पुष्टि जुगु दु । थ्व ल्वय् जंगली व छेँय् लहिना तःपिच पंक्षी तयेत  संक्रमित जुइगु खः विशेषयाना छेँय् लहिना तइपि पंक्षी तयेत अप्वो घातक खनेदु ।

मानव स्वास्थ्यया लागि थ्व भाइरस जोखिमयुक्त माने याइ। सोमवाः जक हिमाचलया काँगडा जिल्ला अन्तर्गत पोङ ड्याम ताल आरक्ष क्षेत्रय् सीपि झीं च्यास आप्रवासी हेँय् पिन्त बर्ड फ्लुया संक्रमण पुष्टि जुगु दु धका धाःगु दु। संक्रमण पुष्टि जुइवं आरक्ष प्रशासनं पर्यटक नाप स्थानीयपिन्त न प्रवेशय् रोक लगे याःगु दुु।

अथेहे काँगडा जिल्लाया फतेहपुर, देहरा, जवाली, इन्दोरा लगायतका क्षेत्रय् खा, हेँय् व खेँय् उत्पादन खरिद बिक्री व निकासी यायेगु प्रतिबन्ध लगे याःगु दु। थ्व स्वया न्ह्य मध्यप्रदेशया इन्दोरय् सीपि न्यय् म्ह स्वया अप्वो क्वायाते परीक्षण याःगुलि उगु भाइरस पुष्टि जुगु दु। अथेहे राजस्थान, केरल, हरियाणा थीथी थासय् सीना च्वगु चखुचा तयेके न वर्ड फ्लु पुष्टि जुग दु ।

वःगु वाः दुने जक दिल्ली सिथय् हरियाणा छगु लाख स्वया अप्वो खा हेँय्पिं बर्ड फ्लुया हे कारण सीगु धका धका भारतीय सञ्चारमध्यमं धाःगु दु।

कोरोना भाइरस संक्रमण अप्वोया वःगुलि बेलायतया प्रधानमन्त्री बोरिस जोन्सन न हानं देयन्यक लकडाउन घोषणा याःगु दु।

लकडाउन घोषणा याना अन च्वपि मनू तयेत छेँय् च्वनेत इनाप याःगु दु । बीबीसीया कथं बेलायतय् फेब्रुअरी महिना तक लकडाउन याइगु अनुमान याःगु दु। प्रधानमन्त्री जोन्सनं देशवासीपिन्त सम्बोधन यासे गथे संक्रमण अप्वोया वना च्वंगु दु, थुकिइ स्पष्ट सिइद अझ झीसं यक्को मेहनत याये माःनि। थुकियाना देयन्यकं लकडाउन लागु याये माःगु दु धाःसे मजि मगाक्का छेँय् न पिहा मवयेत इनाप याःगु खः।

बेलायतय् कोरोना भाइरसविरुद्धय खोप अक्सफोर्ड (एस्ट्राजेनेका लगे याये धुकुगु दु। देय् दुने हे स्थापना याःगु खोप केन्द्रपाखे न्याःगु लाख स्वया अप्वो खोप बिइगु धका बेलायत सरकारं धाःगु दु।

भारतया औषधि नियामक निकाय न कोभिड १९ विरुद्धया निगु खोप आपत्कालीन रूपय् प्रयोग यायेगु अनुमति बिःगु दु। अक्सफोर्ड विश्वविद्यालयं एस्ट्राजेनेया कम्पनीनाप मिले जुया विकास याःगु कोभिसिल्ड व भारतय् विकसित जुगु उगु को–भ्याक्सिनयात आपत्कालीन प्रयोगया लागि अनुमति बिःगु दु ।

ड्रग्स कन्ट्रोलर जनरल अफ इण्डिया (डीसीजीआई) नं कोभिसिल्ड खोप ७० दशमलव ४२ प्रतिशत प्रभावकारी जुगु धका भारतीय सञ्चार माध्यम जानकारी बिःगु दु। डीसीजीआईया निर्देशक डाक्टर बीजी सोमानी नं को–भ्याक्सिन सुरक्षित जुगु व प्रतिरक्षा क्षमता बल्लाकेत सक्षम जुगु धका धाःगु दु। थ्व स्वया न्ह्यः शुक्रवाः जक सिरम इन्स्टिच्युटया कोभिशिल्ड खोपयात न स्वीकृति बिइ धुकुगु खः ।

विज्ञ समूह न खोपयाःगु सुरक्षा व प्रतिरक्षाया तथ्याङ्क मूल्याङ्कन यासे सार्वजनिक हितया लागि आपत्कालीन स्थितिइ प्रतिबन्धित उपयोगया लागि अनुमति बिइत सिफारिस याःगु खः। मेमेगु खोपया परीक्षण न जारी जुयाच्वंगु दु धका बीबीसी न उल्लेख याःगु दु। भारतं थुगु दँय् जक ३० करोड मनू तयेत खोप बिइगु योजना दयेका तःगु दु। 

इजरायलं १० लाख स्वया अप्वो मनू तयेत कोरोना भाइरसविरुद्धया खोप बिइत्यःगु दु।

थ्व मेगु देशया तुलनाय् दकलय् अप्वो खः धका बीबीसीं धाःगु दु । इजरायलय् ११ दशमलव ५५ प्रतिशत मनूत थुगु खोप ज्याझ्वलय् सहभागी जुइ त्यगु खः। अथेहे बहराइनय् ३ दशमलव ४९ व बेलायतय् एक दशमलव ४७ प्रतिशत मनू तयेत खोप बिइ त्यःगु खः धका अक्सफोर्ड विश्वविद्यालयं धाःगु दु। अथेहे भारत सरकारं न्हापागु चरणय् कोरोना भाइरसविरुद्ध झण्डै स्वगु करोड मनू तयेत निःशुल्क खोप बिइ त्यःगु दु।

भारतया स्वास्थ्यमन्त्री हर्ष वर्धनं नयाँदिल्लीइ खोप अभियानय् पूर्वतयारी अवलोकन यायेगु झ्वलय् न्हापागु चरणय् स्वगु करोड स्वास्थ्यकर्मी व कोभिड महामारीइ फ्रन्टलाइनय् च्वना ज्यायापिन्त खोप बिइ त्यःगु दु। भारत सरकारं थ्व स्वया न्ह्यः वइगु जुलाई महिनाया दुते ३० करोड स्वया अप्वोसित खोप बिइगु घोषणा याःगु खः।

कोरोना सङ्क्रमणमुक्त जुपि ६ करोड न्ह्यने थ्यःगु दु ।

हलियकं २१८ देशय् फैलै जुइ धुकगु थुगु कोरोना भाइरसपाखे च्यागु करोड ४३ लाख ७९ हजार स्वया अप्वोसित कोरोना सङ्क्रमण जुगुलि न्याःगु करोड ९६ लाख ३९ हजार स्वया अप्वो सक्रमितमुक्त जुगु दु ।

कोरोना सङ्क्रमणपाखे आःतक १८ लाख ३५ हजार स्वया अप्वोसिगु ज्यान वने धुकुगु दु सा निगु करोड २९ लाख स्वया अम्वोसित सक्रिय सङ्क्रमित जुया च्वंगु दु।