जर्मनीइ छम्ह मनूख यःयःथे छुरा प्रहार यायेवं स्वम्हेसिगु ज्यान वंगु दु। अथे हे प्यम्ह घाःपा जूगु दु।

पश्चिमी जर्मनीया औद्योगिक शहर सोलिन्जेन स्थापना जूगु ५ सय ५० दँया ज्याझ्वलय् उगु घटना जूगु खः। आक्रमणकारी आः तक बिस्यू वनाच्वंगु दु। बिल्ड वेबसाइटया कथं छम्ह मनूखं न्यासि वनाच्वपिन्त अथे छुरा क्यकूगु खः।

प्रहरीं आक्रमणकारीयात माला च्वंगु दु। प्रहरीं ४० गः सामरिक गाडी छ्यला उम्ह मनूयात मालेगु ज्या यानाच्वंगु दु। आक्रमणकारी सूलाच्वंगु शङ्काय् प्रहरीं फ्रोनहोफ बजारय् घेरा तःगु दु। अधिकारीं सर्वसाधारणतय्त छेँ त्वःता बिस्यु वनेत इनाप याःगु दु।

अन सतक अवरुद्ध जुयाच्वंगु दु। सोलिन्जेनया मेयर टिम कुर्जबाचं थःपवत धःगु आतङ्क व दुःखय् लानाच्वंगु दु धका धयादीगु खः।दक्को मिले जूया शहरया दँमुज्या हना च्वनागु इलय् थज्यागु दुःख फयेमाःगु दु धका धयादीगु खः।

स्वन्हु तक उत्सव कथं हनेगु तयारी दुगु व न्हि २५ हजार म्ह महोत्सवय् ब्बति काइगु भलसा कयातःगु खः। उगु घटना दक्को ज्याझ्वः स्थगित जूगु दु।

राष्ट्रपतिया निति स्वतन्त्र उम्मेदवार रोबर्ट एफ केनेडी जुनियरं उम्मेदवारी लितकाःगु दु।

केनेडी जुनियरं अमेरिकाया एरिजोनाय् जूगु चुनावी ¥यालीयात सम्बोधन यायेगु झ्वलय् थःगु उम्मेदवारी लित कयागु व थःम्हेसिया ट्रम्पयात समर्थन यानागु धका घोषणा याःगु दु धका बीबीसीं धाःगु दु।उगु ¥यालीइ केनेडी व ट्रम्प निम्हेसिया न सम्बोधन याःगु खः।

केनेडी जुनियर अमेरिकी सिनेटर रोबर्ट एफ केनेडीया काय् व पूर्व राष्ट्रपति जोन एफ केनेडीया काय्ता खः।

• Read more about nrb

दुबईलय् याक एण्ड यति क्लब एभरेष्टया बिशाल हलय् ३० क्वःगु अन्तर्राष्ट्रिय बिश्व आदिवासी जनजाति दिवस थीथी जातिया नँसा, भेष भूषा प्रदर्शन व भिंतुना कालकिल यायेगु ज्याझ्वः जुगु खः।

मौलिक संस्कृति खनेदुगु प्याखँ हुले ज्या न जुगु खः। थुगु दँय् विश्व आदिवासी दिवसया लसताय् ११ गु जातिय संस्थाया मंकाः संस्था नेपाल आदिवासी जनजाति महासंघ (नेफिन) नं ग्वसाः ग्वंगु खः। विक्रम लिम्बुया सभाध्यक्षताय् जुगु उगु ज्याझ्वलय् मूपाहाँ कथं नेपाली राजदूतावास अबुधावीया श्रम कन्सुलर दीनबन्धु सुवेदी झायादीगुलि थीथी संघ संस्थाया प्रतिनिधि, व्यवसायी, बुद्धिजीवी, समाजसेवी व पत्रकारतयेगु ब्बति दुगु खः।

उगु ज्याझ्वलय् स्थानीय कलाकारतयेगु विविध सांगीतिक न्ह्यब्बयेगु नाप मिष्टर एण्ड मिस इन्डिजिनियस कासा न जुगु खः। उगु कासाय् छगु संस्था छम्ह मिसा व छम्ह मिजंपिन्स ब्बति काःगु खः। उकिइ मध्ये नेवाः पुचः युएईपाखे मिसाय् सलिना शाहि व मिजंपाखे नवराज श्रेष्ठं ब्बति काःगु खः।

मिस इन्डिजिनियस युएई–२०२४या उपाधि शेर्पा किदुक युएईया टासी डोल्मा शेर्पा न त्याकूगु खःसा मिस्टर इन्डिजिनियस युएई–२०२४ या उपाधी नेपाल मगर संघ शाखा युएईया होम रजाली मगरं त्याकूगु खः, नेवाः पुचः युएईया निवर्तमान अध्यक्ष, प्रमुख सल्लाहकार नाप साँस्कृतिक संयोजक लक्ष्मण श्रेष्ठ व मिसापाखे केन्द्रीय सदस्य एलिना श्रेष्ठया हुं खः।

प्रतिमा (जोशी) बज्राचार्यं सचिका चिना म्ये हाःगु खः।

अमेरिकी राष्ट्रपति जो बाइडेनं सोमवाः सिकागाय् जूगु पार्टीया अधिवेशनं थःम्हेसिया फुगु थाय् तक देय् या निति दक्को ज्या यानागु धका धयादीगु खः।

डेमोक्र्याटिक उम्मेदवार कमला ह्यारिसयात पार्टीया जिम्मेवारी लःल्हायेगु ज्या जुगु खः।उगु ज्याझ्वलय् उपराष्ट्रपति ह्यारिसयात वइगु नोभेम्बरय् जुइगु निर्वाचनया निति भिंतुना न देछानादीगु खः।

बाइडेनं धयादीगु दु डोनाल्ड ट्रम्पयात सङ्केत यासे ’थः पद त्वःत्यइगु इलय् छु न समस्या मदु’धका धयादीगु खः। सन् २०२० य् जूगु अमेरिकी राष्ट्रपतीय निर्वाचनय् तत्कालिन राष्ट्रपति ट्रम्पं निर्वाचनय् धाँधली जूगु धका धयादीसे पद वनेगु इलय् क्यंगु व्यवहारं गुलि अमेरिकी रिपब्लिकन पार्टीया नेतापि तक लय्मतागु धका धयादीगु खः।

’जित राजनीति यः तर जिं देय् यात मतिना याना,’ बाइडेन न राष्ट्रपतीय उम्मेदवारपाखे यानागु त्याग अमेरिकाया हितया निति जुगु धका धयादीगु खः। वयकलं राजिनामा फ्वपि डेमोक्र्याट्सया भावनायागु सम्बोधन यानादी, ’जि जिगु पार्टी व देय् च्युता दु व नेतृत्वय् मखुम्ह मनू मवयेमा धका दक्को नाप तंचायेगु मखु उमित सुभाय् दु धका धयादूगु खः।’