सिवाईसी नेपाल लघुवित्त वित्तीय संस्था लिमिटेडं थौंनिसें प्राथमिक सार्वजनिक निष्काशन (आईपीओ) खुल्ला याउगु दु।

कम्पनीइ प्रतिकित्ता १०० रुपैयाँया ३ करोड ९५ लाख ३३ हजार ६०० बराबरया ३ लाख ९५ हजार ३३६ कित्ता साधारण शेयर निष्काशन यासे बिक्री खुला याउगु खः।

कम्पनीइ कूल निष्काशनमध्ये ५ प्रतिशत अर्थात् १९,७६६ कित्ता शेयर सामूहिक लगानी कोष व जारी पूँजीया ० दशमलव ५ प्रतिशत अर्थात ६,०८२ कित्ता कर्मचारीयात सुरक्षित यानाः ल्यः दुगु ३ लख ६९ हजार ४८८ कित्ता शेयर सर्वसाधारणया निति खुल्ला याउगु खः।

सर्वसाधारणपिन्स न्यूनतम १० कित्तानिसें अधिकतम १,००० कित्ता शेयरया निति आवेदन बिइफइगु धका कम्पनीइ धागु दु। अथेहे निष्काशन याउगु शेयर न्यायेगु लागि बैशाख ६ गतेतक आवेदन बियफइगु व अबलेंतक मागकथं आवेदन मवसाः बैशाख १६ गतेतक निष्काशन खुला जुइगु कम्पनीइ धागु दु।

बोडेया बिस्काः जात्राय् बुद्धकृष्ण श्रेष्ठं गुक्वःगु पटक म्ये प्वाखःकूगु दु।

\म्ये प्वाःखकिइगु झ्वलय् पाचो गणेद्यःया फल्चाय् जात्राया नाइके नकःमि न ४९ दँया श्रेष्ठयात म्ये प्वाखकूगु खः।

लच्छि न्ह्यःनिसे चिकनय् डुबे याना तःगु १० इन्च ताहाकःगु मुलुं म्ये प्वाखकूगु खः। महादीप ज्वना १ घण्टा देय् चाःहिला हाकन बोडेया महालक्ष्मी द्यःया थाय् वना मुलू लिकाय धुका जात्रा क्वचाइगु खः।

बुद्धकृष्णं म्ये प्वाखकिइगु जात्राय् थ्व दकलय् लिपागु पकत धका थ्व स्वया न्ह्यः हे धाये धुकुगु खः।

 नेपाली कांग्रेसं यल महानगर समितिं मेयरया लागि न्ह्यम्हेसिगु नां सिफारिस याउगु दु।

समितिं वर्तमान मेयर चिरिबाबु महर्जननाप मेपि खुम्हेसिगु नां केन्द्रय् छ्वंगु दु।

कार्यसमितिं मेयर चिरिबाबुनाप शुभानन धाख्वा, भरतलाल न्याछ्यो, प्रेमकृष्ण महर्जन, राजेश महर्जन, गीता सत्याल व अनन्तप्रकाश श्रेष्ठया नां सिफारिस याउगु दु।

मध्यपुरथिमिइ थौं शुक्रबाः तजिक ३२ गु खट नाप सिन्दुर जात्रा हःगु दु।

थिमिया बालकुमारीइ ३२ गु खत नाप चिलाग ज्वना देय् चाहिलेगु परम्परा दुगु खः।

थौंया जात्राय् मध्यपुरथिमि नगरपालिकाया मेयर मदनसुन्दर श्रेष्ठनाप मेमेपि  जनप्रतिनिधि पिनिगु न सहभागिता दुगु खः ।

नेपाःया राजधानी येँ, अले येँया नं राजधानी कथं न्यूरोडयात काइ । येँया राजधानी कथं कयातःगु व हे न्यूरोडय् फोर नाइन बागलुङ ज्वेलर्सया औपचारिक शुभारम्भ जूगु दु ।

थौं न्यूरोडया महर्जन कम्प्लेक्सय् फोर नाइन बागलुङ ज्वेलर्सया औपचारिक उलेज्या याःगु खः।

फोर नाइन बागलुङ ज्वेलर्सया प्रोप्राइटर अमिर सुनारया अबुजु चितवनया बागलुङ ज्वेलर्सया प्रोप्राइटर टिकाराम सुनारं रिवन चानाः पसःया उलेज्या यानादिल ।

लुँइ २४ क्यारेटया शुद्धताया ग्यारेन्टी बियातःगु पसःया नारा ‘शुद्धता जिमिगु प्रतिवद्धता’ तयातःगु दु ।

करीब १० दँ न्ह्यः चितवनय् बागलुङ ज्वेलसं नामं पसः चायेकाः व्यवसाय न्ह्याकूम्ह अमीर बिचाः यानाकथं व्यापार मजुइवं वयां लिपा कतार वंगु खः ।

कतार वनाः अन १६ ला सेक्युरिटी गार्डया ज्या यानादिल ।

व धुंकाः नेपाः लिहां वयेधुंकाः वयकलं कतार वने न्ह्यः चायेकूगु बागलुङ ज्वेलर्सयात नं न्हूगु ढङ्गं न्ह्याकादिल सा हाकनं चितवनय् हे फोर नाइन बागलुङ ज्वेलर्सया नामं मेगु तिसा पसः नं चायेकादीगु खः ।

आः येँय् थःगु व्यवसाय विस्तार यायेगु झ्वलय् न्यूरोडय् नं पसः न्ह्याकागु अमीरया धापू खः ।

पसःया शुभारम्भया लसताय् तिसा दयेकेगु ज्यालाय् ५० प्रतिशत छुटया सुविधा ब्यूगु दु । थ्व छुटया सुविधा वइगु वैसाख १५ गतेतक्क दइगु प्रोप्राइटर अमीरं धयादिल ।