वैशाख ३० गते जुइगु स्थानीय तह निर्वाचनय् नेपाली कांग्रेसं पर्साय् छु न दलनाप सहकार्य मयायेगु निर्णय याउगु दु।

जिल्लाय् १४ गु पालिकाय् कांग्रेस याकचा हे प्रतिस्पर्धा यायेगु सक्षम दुगु निष्कर्ष पिकास्ये पार्टीया अगुवा नेता–कार्यकर्तापिनिगु बैठकं गठबन्धन मयायेगु निर्णय याउगु दु।

बुधबाः नेपाली कांग्रेसया केन्द्रीय सदस्यपि रमेश रिजाल, अजय चौरसिया, पूर्वमन्त्री सुरेन्द्र प्रसाद चौधरी, निवर्तमान पर्सा सभापति अजयकुमार द्विवेदी, पूर्व पर्सा सभापति राजेन्द्रबहादुर अमात्य, मधेश प्रदेशका खानेपानी नाप उर्जा विकासमन्त्री ओमप्रकाश शर्मा, पर्सा जिल्ला सभापति जनार्दन सिंह क्षेत्री लगायत जिल्लाया प्रमुख नेतापिनिगु बैठकं उगु निर्णय याउगु खः।

नेकपा (माओवादी केन्द्र) न चुनावी प्रचार सामग्रीइ प्रयोग याउगु नेपाल विद्युत् प्राधिकरणया कार्यकारी निर्देशक कुलमान घिसिङया फोटो हटे याउगु दु।

माओवादी अध्यक्ष पुष्पकमल दाहाल प्रचण्डं थःगु सामाजिक सञ्जालय् तःगु प्रचार सामग्रीइ कुलमान याउगु फोटो न प्रयोग याउगु खः।

कुलमानया फोटो प्रयोग जुगुलि यक्को आलोचना जुगलि प्रचण्डं थःगु सामाजिक सञ्जालय् तयातःगु प्रचार सामग्री हटे याउगु दु।

नेपाल विद्युत् प्राधिकरणया कार्यकारी निर्देशक कुलमान घिसिङं न चुनावी प्रचार सामग्रीइ थःगु फोटो हटे यायेत माओवादीयात इनाप याउगु खः।

आः उगु  पोष्ट हटे याना थःगु जक तस्वीर दुगु सामग्री तःगु दु।

नेपाली कांग्रेसया केन्द्रीय सदस्य आरजु राणा देउवां निर्वाचन आयोगं संविधानयात न्ह्यूगु द्धपः बिउगु दु।

निर्वाचन आयोगं स्थानीय तहया प्रमुख उपप्रमुख वा अध्यक्ष उपाध्यक्ष मध्ये छु न छगु पदय् जक उम्मेदवारी दर्ता यातकी मिसा हे दयकेमाःगु बाध्यकारी व्यवस्था मयाउगु धका असन्तुष्टि प्वकूगु दु।

वयकलं आयोगं संविधानयात न्ह्यूउगु धका द्धपः बिउगु खः। वयकलं थःगु फेसबुकय् च्वयादीगु दु, ‘नेपाःया संविधानया धारा ३८(४) यात न्ह्युइगु अधिकार निर्वाचन आयोगयात मदुगु धइगु बारे निर्वाचन आयोगयात अवगत यासे प्रमुख निर्वाचन आयुक्त व निर्वाचन आयोगया मेमेपि सदस्यपिन्त नेपाःया संविधानयात तसकं सम्मान यासे थुगु निर्णय भिंकेत इनाप यानागु दु।’

नेता आरजु च्वयादीगु दु संविधानया धारा ३८(४) य् च्वयातःगु दु, ‘राज्यया दक्को निकायय् मिसापिनिगु समानुपातिक समावेशी सिद्धान्तया आधारय् सहभागी जुइगु हक दु।’

प्रधानमन्त्री शेरबहादुर देउवा लैनचौरय् भारतीय दूतावासय् वना राजदूत बिनयमोहन क्वात्रायात बिदाइ ज्याझ्वलय् थ्यंगु दु।

म्हिगः बहनि गठबन्धन बैठक लिपा हे बालुवाटारं तःपिक देउवा भारतीय दूतावासय् वंगु खः। भारतीय विदेश सचिवय् बढुवा जूया दिल्ली लिहावनेत्यम्ह क्वात्रायात बिदाइ यायेत ग्वसाः ग्वंगु रात्रीभोजय् सहभागी जुइत देउवा दूतावासय् वःगु खः।

उगु रात्रीभोजय् पूर्व प्रधानमन्त्री नाप माओवादी अध्यक्ष प्रचण्ड, नेकपा एकीकृत समाजवादीया अध्यक्ष माधवकुमार नेपाल न सहभागी जुगु खः।

रात्रीभोजय् एमाले अध्यक्ष नाप पूर्व प्रधानमन्त्री केपी शर्मा ओलीयात ब्वनातःगु खःसा प्रोटोकलया कारण दूतावास मवःगु खः। क्वात्राय् हे बालकोटय् वना ओलीयाके बिदाइ भेट यावंगु धका धाउगु दु।

एमालेपाखे उपाध्यक्ष शुभाष नेम्वाङ दुतावासय् उगु भ्वँजय् सहभागी जुगु खः।

नेकपा माओवादी केन्द्रं थःगु चुनावी पोस्टरय् नेपाल विद्युत् प्राधिकरणया कार्यकारी निर्देशक कुलमान घिसिङया किपा न तःगु दु।

पार्टी अध्यक्ष पुष्पकमल दाहाल प्रचण्डया आधिकारिक फेसबुक पेजय् थौं बुधबाः सार्वजनिक याउगु डिजिटल पोस्टरय् प्रचण्ड, अर्थमन्त्री जनार्दन शर्मा व प्राधिकरणया कार्यकारी निर्देशक घिसिङया तस्बिर दुगु खः।

डिजिटल पोस्टरय् ‘अँध्यारोबाट उज्यालोतर्फको यात्रा’, ‘लोडसेडिङ अन्त्य एउटा फड्को, अब पालो निःशुल्क बिजुलीको’ च्वयातःगु खः।

निर्वाचन आचारसंहिताय् सरकारी कर्मचारीपि छु न राजनीतिक दल वा उम्मेदवारया पक्ष वा विपक्षय् प्रचारप्रसारय् संलग्न यायेगु रोक लगे याउगु खः।