प्रधानन्यायाधीश चोलेन्द्रशम्शेर जबरायात न कोरोना भाइरस (कोभिड–१९) या संक्रमण पुष्टि जुगु दु।

राणा सशस्त्र प्रहरीया एपीएफ अस्पतालय् भर्ना जुगु दु। सोमबाः सुथय जक पीसीआरया लागि स्वाब बिउगु खः। आः निमोनिया तक खनेदुगु दु।

प्रधानन्यायाधीश जबराया स्वास्थ्य स्थिर दु धका डा. प्रविण नेपालं जानकारी बिउगु दु।

नेकपा एमालेया झीक्वःगु राष्ट्रिय महाधिवशनय् अध्यक्ष नाप छु पदाधिकारी व केन्द्रीय सदस्यपिनिगु लागि मतदान सुरु जुगु दु।

थौं मंगलबाः सुथय् ४ बजे निसे सुरु जुगु मतदानय् सुरु हे अध्यक्षया उम्मेदवारपि केपी शर्मा ओली व भीम रावलपिन्स मतदान याउगु खः। निर्वाचन आयोगया कथं आः अध्यक्ष, उपाध्यक्ष व सचिव नाप न्ह्यगू क्लस्टरया केन्द्रीय सदस्यपिनिगु लागि चुनाव जुयाच्वंगु दु।

अध्यक्षय् केपी शर्मा ओली व भीम रावल नाप खुम्ह उपाध्यक्षया जागि अष्टलक्ष्मी शाक्य, घनश्याम भुसाल, युवराज ज्ञवाली, रामबहादुर थापा, विष्णु पौडेल, सुरेन्द्र पाण्डे व सुवास नेम्वाङपिनिगु उम्मेदवार दुगु खः। अथेहे न्ह्यम्ह सचिवया लागि गोकर्ण विष्ट, छविलाल विश्वकर्मा, टंक कार्की, टोपबहादुर रायमाझी, पद्मा अर्याल, भीम आचार्य, योगेश भट्टराई, रघुवीर महासेठ व लेखराज भट्टपि चुनावी मैदानय् दु। केन्द्रीय सदस्य खुलापाखे ८४ सदस्यया लागि चुनाव जुइत्यंगु दु।

प्रदेश १ य् खुला खुम्ह व मिसापि स्वम्ह सदस्यया लागि चुनाव जुइत्यंगु दु। सुदूर पश्चिम प्रदेशय् मिसा स्वम्ह सदस्यया लागि चुनाव जुइ। दलित खुला च्याम्ह, थारु खुला न्याम्ह व लिउने लाउगु क्षेत्र खुला स्वम्ह सदस्यया लागि न चुनाव जुइत्यंगु दु धका निर्वाचन आयोगं धाउगु दु।

चितवनय् जुयाच्वंगु झीक्वःगु राष्ट्रिय महाधिवेशनय् नेकपा (एमाले) या न्हुगु नेतृत्वया लागि आः बहनि ९ बजेनिसे मतदान जुइगु दु।

एमाले केन्द्रीय निर्वाचन आयोगया कथं मतदान बहनि ९ बजे निसे १४ गते सुथय् १ बजे तक जुइ। अथेहे मतदान सम्पन्न जुइवं हे १४ गते हे मतगणना याइगु, उगु हे दिं निर्वाचन परिणाम घोषणा, प्रमाणपत्र वितरण व शपथ ग्रहण याइगु ज्याझ्वः दु धका निर्वाचन आयोगं पिहाउगु सूचनाय् उल्लेख यउागु दु।

महाधिवेशनय् केन्द्रीय निर्वाचन आयोगं प्रकाशनया प्रारम्भिक चरणय् उम्मेदवारपिनिगु सूचीइ छु समूहय् निर्विरोध व अप्वो समूहय् निर्वाचन जुगु खने दु। पदाधिकारी अन्तर्गत अध्यक्ष, उपाध्यक्ष व सचिवय् निर्वाचन जुइगु खने दु। छम्ह अध्यक्षया निम्हेसिगु उम्मेदवारी लागु दु सा खुम्ह उपाध्यक्षया लागि न्ह्यम्ह व न्ह्यम्ह सचिवया लागि गुम्हेसिगु उम्मेदवारी लाउगु दु।

खुला ८४ म्ह केन्द्रीय सदस्यय् ८५ म्हेसिगु उम्मेदवारी लागु दु। प्रदेश १ य् खुला सदस्यया लागि खुम्ह सदस्यया लागि गुम्हेसिगु उम्मेदवारी बिउगु खः। अथेहे, वाग्मती प्रदेशय् खुम्ह सदस्यया लागि च्याम्ह, कर्णाली प्रदेशय् खुम्ह सदस्यया लागि न्ह्येसिगु व सुदूरपश्चिम प्रदेशय् खुम्ह सदस्यया लागि गुम्हेसिया उम्मेदवारी बिउगु खः। सुदूरपश्चिमय् स्वम्ह सदस्यया खुम्हेसिगु उम्मेदवारी बिउगु खः।

नेकपा एमाले चित्तवनया सौराहाय् जुयाच्वंगु झीक्वगु महाधिबेसनय् जनजाती खुल्लाय् न सर्वसहमति जुगु दु।

येँ महानगरपालिकाया मेयर विद्यासुन्दर शाक्य, नाप बागमती प्रदेशया सांसदपि केशव स्थापित व डा. अजय क्रान्ति शाक्य न निर्वाचित जुगु दु।

अथेहे मेपि सदस्यपि अइन्द्र सुन्दर नेम्वाङ, खगेन्द्र राई, पासाङ शेर्पा, यज्ञराज सुनुवार, डम्बरसिंह सम्बाहाम्फे, टेकबहादुर बलम्पाखी, कमलजंग राई, दावा लामा, लिलबहादुर थापा, गोकुल घर्ती मगर, दलबहादुर राना, हरि राजवंशी,जमिन्द्रबहादुर घले, सिपी घर्तिपि न निर्वाचित जुगु दु।