वंगु घण्टाया दुने देयन्यक थप प्यम्हेसित कोरोना भाइरस (कोभिड–१९) या संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ३ हजार ३ सय ४२ म्हेसिगु परीक्षण याउगुलि प्यम्हेसित कोरोना संक्रमण पुष्टि जुगु खः।

अथेहे ४४ म्ह कोरोनामुक्त जुगु दु।

वंगु दँच्छिया दुने ७४ गु प्रेस नाप अभिव्यक्ति स्वतन्त्रता हननया घटना जुगु दु। नेपाल पत्रकार महासंघया अभिलेखीकरण जुग कथं २०७८ सालया वैशाखनिसे चैत्र मसान्त तक ७४ गु प्रेस नाप अभिव्यक्ति स्वतन्त्रता हननया घटना जुगु दु।

महासंघया महासचिव रोशन पुरीं थौं बिहीबाः न्हुगु दँया भिंतुना देछायेगु झ्वलय् वयकल विसं २०७८ साल नेपाली पत्रकारिता ख्यलय् चुनौतीपूर्ण जुगु धका धयादीगु खः।

वयकलं श्रम समस्याया वंगु दँ स्वया कम जुगुसा प्रेस व अभिव्यक्ति स्वतन्त्रताया घटनाय् कमी मजुगु धका धयादीगु खः। महासंघया कथं पत्रकारयात समाचार च्वंगु हे आधारय् ज्वनेगु, प्रसारण नाप प्रकाशनय् अवरोध, दुव्र्यवहार नाप धम्की, आक्रमण, पेशागत असुरक्षा व नीतिगत बन्देजया घटना जुगु दु धका धाउगु दु। थुगु दँय् महासंघय् २ सय २१ गु पत्रकारया श्रम समस्या खनेदुगु दु धका महासंघं धाउगु दु। वंगु दँय् ५ सय १७ गु श्रम समस्या दर्ता जुगु खः।

उकि मध्ये झण्डै ३ सय म्ह पत्रकारया समस्या समाधान जुगु दु धका महासचिव पुरीं धाउगु दु। आः ३३ वटा गु न्यायिक ल्वापु जुयाच्वंगु दु धका महासंघं धाउगु दु। महासंघया तथ्यांक कथं कोभिड १९ या महामारीइ २६ म्ह पत्रकार नाप सञ्चारकःमिपिनिगु ज्यान वंगु दु। उकि मध्ये १८ म्ह ०७८ सालय् ज्यान वंगु खः।

नेपाली कांग्रेसया महामन्त्री गगनकुमार थापां गठबन्धन व निर्वाचन न्ह्य जुुगु तालमेल नेपालया राजनीतिक संस्कृतिया लागि हितकर मजुगु धका धयादीगु दु।

न्हुगु दँया लसताय् येँ जुगु भिंतुना कालबिल ज्याझ्वलय् सम्बोधन यानादीसे थापा धाउगु दु, ‘गठबन्धन तालमेल नेपालया राजनीतिक संस्कृतिया लागि थ्व हितकर मजुगु धइगु ला दु हे धइगु थःगु न मत खः।

तर, पार्टीया निर्णय माने यानागु दु। थुगु विषय बहस यायेमाः।’ वयकलं धयादीगु दु संसदीय व्यवस्थाय् दलपि दथुइ गठबन्धन जुइफुसा थुगु संस्कृतिं नेपाःया लोकतन्त्रय् स्वास्थ्ययात बालाइ मखु धका धयादीगु खः।

गठबन्धनं कांग्रेसयात जक मखु मेमेगु दलयात न बालाकि मखु धका थापा धाउगु दु। महामन्त्री थापां बुधबाः च्वंगु कार्यसम्पादन समितिया बैठकय् न तालमेलया औचित्यय् न्ह्यसः तःगु खः।

नेपाली कांग्रेसया नेता शेखर कोइरालां पार्टी दुने न्यायपूर्ण निर्णयविरुद्ध संघर्ष यायेगु धका धयादीगु दु।

न्हुगु दँ २०७९ या लसताय् भिंतुना सन्देश जारी यासे  वयकल पार्टी दुने काखा व पाखा याउगु प्रवृत्तिविरुद्ध ल्वायेगु धका धयादीगु खः।

‘पार्टी दुने अन्यायपूर्ण निर्णय, काखा व पाखा यायेगु प्रवृत्तिविरुद्ध न जिमिसं संघर्ष यानाच्वंनागु दु’ वयकलं भिंतुना सन्देशय् धाउगु दु, ‘उम्मेदवार तय यायेत निष्पक्षताया लागि जिपि ल्वाये।’ धका धयादीगु खः।

नेकपा एमालेया अध्यक्ष केपी शर्मा ओलीं ‘ताजा जनादेश’ धालकि हे सत्ता गठबन्धनया सातू वः धका धाउगु दु।

न्हुगु दँ २०७९ या लसताय् भिंतुना सन्देश जारी याउगुलि अध्यक्ष ओलीं गठबन्धनं न्ह्याकूहे षडयन्त्र यासां न स्थानीय तहया निर्वाचनय् बिस्यू वनेगु थाय् मदु धका धाउगु दु।

निर्वाचनया सन्दर्भय् वयकलं गठबन्धनयात जनादेश धायेवं हे सातू वं धका धयादीगु खः। पूर्वप्रधानमन्त्री नाप अध्यक्ष ओलीं प्यगु पाना दु भिंतुना सन्देशय् सत्ता गठबन्धनया विरोध यासे देशयात संकटय् यकूगु द्धपः बियादीगु खः।