वंगु २४ घण्टाया दुने देयन्यक थप ६७३४ म्हेसित कोरोना भाइरस (कोभिड–१९) या संक्रमण पुष्टि जूगु दु।

देयन्यक १४ हजार १४ म्हेसिगु नमुनाया पीसीआर परीक्षण याउगुलि ५७४७ म्हेसित व ६७३४ म्हसिगु नमुना एन्टीजेन परीक्षणय् ९८७ म्हेसित संक्रमण पुष्टि जूगु खः।

स्वास्थ्य तथा जनसंख्या मन्त्रालयया कथं ५४७ म्हेसित संक्रमणमुक्त जूगु दु सा स्वम्ह सीउगु दु।

संस्कृति, पर्यटन तथा नागरिक उड्डयन मन्त्री प्रेम आलेयात कोरोना भाइरसया संक्रमण पुष्टि जूगु दु।

आलेया निजी सचिवालयया कथं मन्त्रीयात कोरोना पुष्टि जुगुलि सोमबाःया लागि निर्धारित कार्यक्रम स्थगित याउगु दु।

सर्वोच्च अदालतया न्यायाधीश मीरा खड्कालिसें २४म्हेसित कोरोना पुष्टि जूगु दु ।

सर्वोच्च अदालतया प्रवक्ता बाबुराम दाहालया कथं न्यायाधीश खड्का, मुख्य रजिष्ट्रार लालबहादुर कुँवरलिसें २४म्हेसित कोरोना पुष्टि जूगु खः । कोरोना जूगु आशंकाय् ३० कर्मचारीं परीक्षण याकूगुलिइ अप्वःसित लक्षण खनेदुगु प्रवक्ता दाहालं धयादिल ।

न्यायाधीश, मुख्य रजिष्ट्रारलिसें कर्मचारीयात कोरोना संक्रमण पुष्टि जुइधुंकाः सर्वोच्चया न्हियान्हिथंया ज्या प्रभावित जूगु दु । प्रवक्ता दाहालया कथं कोरोनां संक्रमित जूपिं कर्मचारीया ल्याः अप्वःगुलिसें कन्ट्याक्ट ट्रेसिङय् लाःपिन्त परीक्षण याकेत व लिच्वः मवःतल्ले सजग जुइत धाःगु दु ।

कर्मचारीयात कोरोना पुष्टि जूगुलिसें पेशी व्यवस्थापननिसें रिट निवेदन दर्ता, रुजुलिसेंया ज्याय् समस्या जूगु दु । आइतबाः स्वाब ब्यूपिनिगु रिपोर्ट वयेधुंकाः जक कर्मचारीया व्यवस्थापन गुकथं यायेगु धइगु विषयस सहलह जुइगु जूगु दु ।

नेपाल बार एसोसिएसनय् आबद्ध थीथी वरिष्ठ अधिवक्ता व अधिवक्तातय्त नं कोरोना संक्रमण पुष्टि जूगु दु । वरिष्ठ अधिवक्ताद्वय हरिहर दाहाल व कृष्णप्रसाद भण्डारीलिसें २० स्वयां अप्वःसित कोरोना संक्रमण पुष्टि जूगु खः ।

सरकारं नारा जुलुस यायेत बन्देज तःगु जूसां सर्वोच्च अदालत परिसरय् नेपाल बार एशोसिएसन, सर्वोच्च अदालत बारलिसें नं वंगु ७८न्हु न्ह्यःनिसें आन्दोलन यानाच्वंगु दु ।

पौष शुक्ल पुन्हिनिसे माघ शुक्ल पुन्हितक विधिपूर्वक याना स्वस्थानी व्रत थौैंनिसे सुरु जुगु दु।

स्वस्थानी व्रतया न्हापागु दिं सक्वया शालिनदीइ व्रत च्वनिइपि थ्यःगु दु। समितिया कथं थुगु पटक नित्य पूजाआजा नाप धार्मिक विधि जक पूरा याना माधव नारायणया व्रत च्वनिइगु व्यवस्था मिले याउगु दु।

अथेहे व्रत च्वनिपिन्स पूर्ण खोप कयातःगु कार्ड क्यना निमोनिया जुगु ÷मजुगु एक्स–रे कायेगु व्यवस्था तक याउगु दु।

नेपाल टेलिकमं माघ ३ गते निसे लागु जुइगु कथं विन्टर अफर हःगु दु। कम्पनीं न्हापा हे उपलब्ध याना वयाच्वंगु अटम अफरयात ग्राहकपिनिगु रुचि कथं परिमार्जन याना थप आकर्षक दयेका विन्टर अफर उपलब्ध यायेत्यनागु खः धका टेलिकमं धाउगु दु।

अफर अन्तर्गत कम्पनी हे उपलब्ध याना वयाच्वंगु २८ दिंया लागि रु. ५९९ काये फइगु “याउक अनलिमिटेड प्रिपेड ५९९” जक उपलब्ध जुयाच्वंगु आः “याउक अनलिमिटेड प्रिपेड ७९९”, “याउक अनलिमिटेड प्रिपेड ९९९” व “याउक अनलिमिटेड प्रिपेड १४९९” प्याक तक उपलब्ध याये त्यंगु खः।

थुकिइ ग्राहकपिन्त अनलिमिटेड भ्वाइस कल व निश्चित डाटा (न्हिन्ह् िक्रमशः १ जीबी, २ जीबी व ४ जीबी) लगायतया सेवा उपलब्ध यायेत्यंगु दु। डाटा प्याक सिधसा अतिरिक्त शुल्क बिना हे इन्टरनेट चले याये फइगु सुविधा थुगु प्याकया मुख्य विशेषता खः। दकं प्रिपेड कम्बो प्याकय् थप सुविधा उपलब्ध यायेत्यंगु दु।

थुकिइ रु. २९९ य् आः २८ दिं तक चले याये जिइक १५० मिनेट अन–नेट भ्वाइस कलया नाप २० गु एसएमएस छ्वये फइगु व २ जीबी डाटा समेत चले याये फइ।