शेयर बजाः कारोबार जुइगु थौं लिपागु दिं बिहीवाः शेयर बजाः परिसूचक नेप्से झन्डै ५० अङ्कं घटे जुगु दु।

नेप्से थौं ४९ दशमलव शून्य ३ अङ्कं घटे जुया २ हजार ५ सय ८४ दशमलव ६१ विन्दुइ कुहावंगु दु। थौं दक्को समूहया शेयर घटे जुगुलि विकास बैंक, बीमा, फाइनान्स, माइक्रोफाइनान्स व मेमेगु समूहया शेयर तसकं कुहावंगु दु।

थौं २ सय ३१ कम्पनीया ७९ लाख ३२ हजार कित्ता शेयर ३ अर्ब ४१ करोड रुपैयाँया कारोबार जुगु दु। दकलय् अप्वो महालक्ष्मी विकास बैंकया १२ करोड ४३ लाख रुपैयाँया शेयर किनबेच जुगु दु।

कर्पोरेट विकास बैंक व मैलुङ खोला जलविद्युत् कम्पनीया शेयर साढे ६ प्रतिशत स्वया अप्वो घटे जुगु दु। समग्र बजाः घटे जूसा साम्लिङ पावर व न्यादी हाइड्रोया शेयर १० प्रतिशतं बढे जूगु दु।

थुगु वाः आइतवाः, सोमवाः व मङ्गलवाः घटे जुगु नेप्से बुधवाः सामान्य थहावंगु खः। तर वाःया लिपागु दिं झन्डै ५० अङ्कं घटे जुगु खः। समग्र धायेगु खःसा थुगु वाः दुने नेप्से १५० अङ्क स्वया अप्वो घटे जुगु खः।

वंगु २४ घण्टाया दुने देयन्यक थप ३१५ म्हेसित कोरोना भाइरस संक्रमण पुष्टि जुगु दु।

९ हजार ५ सय ११ म्हेसित पीसीआर परीक्षण याउगुलि २९८ म्ह व १ हजार ८ सय ९२ म्हेसिगु एन्टिजेन परीक्षण याउगुलि १७ म्ह याना ३१५ म्हेसित कोरोना भाइरसया संक्रमण खनेदुगु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणपाखे खुम्ह सीउगु दु सा २०१ म्ह कोरोनामुक्त जुगु दु।

प्रधानन्यायाधीश चोलेन्द्रशम्शेर जबरां थः शुक्रबाः अस्पतालं निवास लिहावनेगु जुगुलि सर्वोच्च अदालतया न्यायाधीशय् बिदा मच्वनेगु जानकारी बिउगु दु।

सर्वोच्च अदालतया न्यायाधीशपिनिगु भेलाय् छम्ह न्यायाधीशपि नाप टेलिफोनय् खँ ल्हाये झ्वलय् जबरां थःगु स्वास्थ्य अवस्था सुधार जुगुलि शुक्रबाः हे निवासय् वनेगु जानकारी बिउगु दु। कोरोना संक्रमण जुगुलि वंगु सोमबाः निसे प्रधानन्यायाधीश जबरा बलम्बुस्थित सशस्त्र प्रहरी बल अस्पतालय् भर्ना जुगु खः।

विहीबाः न्यायाधीशपिनिगु छलफलया झ्वलय् न्यायाधीश हरिकृष्ण कार्कीं प्रधानन्यायाधीश जबरायात फोन याउगु खः। नेपाल बार एशोसिएसनं धाउगु दु प्रधानन्यायाधीश जबरा थः न्हिन्हि ज्यायायेगु असमर्थ जुगुलि स्वतः कामू प्रधानन्यााधीशया पद क्रियाशील याये माmगु माग याउगु खः। बारं प्रधानन्यायाधीश जबराया राजीनामा मवतले सर्वोच्च अदालत परिसरय् धर्ना जारी दु धका धयावयाच्वंगु खः। प्रधानन्यायाधीश जबरा इजलासय् संलग्न जुलकि उगु इजलास तक बहिस्कार यायेगु चेतावनी बिउगु खः।

सत्तारुढ गठबन्धनया शीर्ष नेतापिन्स प्रधानन्यायाधीश चोलेन्द्र शम्सेर जबरायात विदाय् च्वना कार्यवाहक प्रधानन्यायाधीश तोके यायेत सुझाव बिउगु दु।

थौं बिहीबाः सुथय् प्रधानमन्त्री निवास बालुवाटारय् च्वंगेु गठबन्धनया बैठकं ताःईनिसे अदालतय् अवरोध जुयाच्वंगु व प्रधानन्यायाधीश विरामी जुगुलि तत्काल कार्यवाहक प्रधानन्यायाधीश तोके यायेत सुझाव बिउगु दु।

बैठक लिपा सरकारया प्रवक्ता नाप सञ्चारमन्त्री ज्ञानेन्द्रबहादुर कार्कीं धाउगु दु, ‘प्रधानन्यायाधीश विरामी जुगुलि तत्काल कार्यवाहक प्रधानन्यायाधीश तोके याना सर्वोच्च अदालतया ज्या न्ह्याकयेत सुझाव बिइगु गठबन्धनं निष्कर्ष पिकाउगु दु।’ प्रधानन्यायाधीश जबरा कोरोना संक्रमित जुया अस्पतालय् भर्ना जुगु दु।

जबरा थीथी विवादय् मुछे जुगुलि राजीनामा फ्वसे कानून व्यवसायपि आन्दोलन यानावयाच्वंगु खः। सत्ता गठबन्धनया बैठकय् प्रधानमन्त्री शेरबहादुर देउवा, माओवादी केन्द्रया अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीया अध्यक्ष माधवकुमार नेपाल, जनता समाजवादीया अध्यक्ष उपेन्द्र यादव, राष्ट्रिय जनमोर्चाया दुर्गा पौडेल लगायत नेता पिनिगु सहभागी दु।

राष्ट्रपति विद्यादेवी भण्डारी थौं बिहीबाः लुम्बिनी वनेगु ज्याझ्वः दु।

लुम्बिनी बौद्ध विश्व विद्यालयया ग्वसालय् त्रियान प्रज्ञा सम्मेलन समारोह व विश्व विद्यालयया पुस्तकालय भवन उलेज्याय् ब्बति कायेगु निति राष्ट्रपति लुम्बिनी वने त्यंगु खः।

राष्ट्रपति थौं न्हिनय् १ बजे सम्मेलनय् सहभागी जुइगु ज्याझ्वः दु धका विश्व विद्यालयया उपकूलपति हृदयरत्न बज्राचार्यं धाउगु दु।

व स्वया न्ह्यः राष्ट्रपति भण्डारीं थौं हे कपिलवस्तुया बाणगंगास्थित कैलाश आश्रमय् निरीक्षण याइगु ज्याझ्वः दु।