नेपाल राष्ट्रिय खड्गी समाज येँ जिल्ला समितिं नायः खि बाजं प्रशिक्षण छगु ज्याझ्वः  दथुइ येँ महानगरपालिकाया उपमेयर हरिप्रभा श्रेष्ठ खड्गी न उलेज्या यानादीगु दु।

उगु ज्याझ्वलय् नायः खि बाजं ’प्रशिक्षक प्रशिक्षण, नायः गुरुजु’ पुरोहित व खड्गी  महिला सशक्तिकरणया लागि कानुनी आधारभूत प्रशिक्षण याइगु ज्या याइगु जुगु दु।

उगु ज्याझ्वलय् मूपाहाँ येँ महानगरपालिकाया उपमेयर हरिप्रभा श्रेष्ठ खड्गी, अध्यक्ष सुबास शाही, प्रथम उपाध्यक्ष पुष्पराज शाही, उपाध्यक्ष रिकेश शाही, दिपा शाही, सचिव प्रतिक खड्गी, कोषाध्यक्ष अजित शाहीपिनिगु न उपस्थिति दुगु खः।

पोखरा महानगर मेयरया निति एमालेपाखे झीनिम्हेसिगु दाबी याउगु दु।

अथेहे, उपमेयरय् ११ म्हेसिया दाबी पेस याउगु दु। एमाले पोखरा महानगर कमिटीं मंगलबाः ग्वसाः ग्वःगु उम्मेदवार सिफारिस यायेत जुगु भेलाय् अथे दाबी पेस याउगु खः।

मेयरया लागि एमाले केन्द्रीय सदस्य नाप प्रदेश सांसद कृष्ण थापा, राजीव पहारी, भीम कार्की, मिना गुरूङ, रस्मी आचार्य, जिल्ला उपसचिव दर्शन लामा, पूर्व नगर अध्यक्ष दीपक पौडेल, बालासिंह काउचा मगर, चिनाकुमारी गुरूङ, डा. विश्वकल्याण पराजुली, व्यवसायी पुष्पराज अधिकारी, पुष्पज्वति ढुङ्गाना व महानगर अध्यक्ष दीलिप न्यौपानेपिन्स दाबी पेस याउगु खः।

अथेहे, उपमेयरया लागि व्यवसायी संजिवबहादुर कोइराला, वडाध्यक्ष शोभामोहन पौडेल, वामदेव ढुंगाना, टिकाराम पंगेनी, तेजनारायण अधिकारी, देवका पहारी, जीवन आचार्य, बलराम गायक, हरिमाया गुरुङ, जिल्ला समन्वय समितिया प्रमुख बैनबहादुर क्षेत्री, प्रेस चौतारीया सुष्मा पौडेलपिन्स दाबी पेस याउगु खः।

आकांक्षीपि सहमति मजूसा निर्वाचन प्रक्रियापाखे उम्मेदवार सिफारिस यायेगु एमाले न तयारी याउगु दु।

छु ईनिसे स्वनिगलय् फोहर व्यवस्थापनया ज्या सुरु जूसा व स्वया न्ह्यः मुना च्वंगु दक्को फोहरयात वाना छ्वयेगु थासये थ्यकिइगु निति अय्न छु ई काइ धका धाउगु दु।

तारकेश्वर नगरपालिकाया मुड्खु–तीनपिप्लेच्वपिन्स सतक कालोपत्रे यायेत लिबाकूगुलि ढिला जुगुलि स्वनिगलय् फोहर व्यवस्थापनया लागि सिसडोल वनेत रोके यानातःगु खः।

सोमबाःनिसे फोहरको गाडी सिसडोल वनेगु सुरु जूसा ताःईनिसे रोके जुगु फोहर व्यवस्थापन जुइत छु ईकाइ धका येँ महानगरपालिकां धाउगु दु। स्थानीय व ठेकेदार कम्पनी दथुइ सतक मर्मतया ज्या तत्काल यायेगु सहमति जुगुलि सोमबाःनिसे फोहर यके धुकुगु दु।

फागुन लिपागु वाःनिसे सिसडोल व बञ्चरेडाँडाया स्थानीयपिन्स छवाः फोहोर वान्छयेत रोके याउगु खःसा वंगु १८ चैतनिसे अवरोध यानाच्वंगु खः।

च्यादँ न्ह्यःनिसे शैलुङ कन्स्ट्रक्सनया ठेक्का कया नुवाकोट वनेगु लँ पासाङल्हामु राजमार्ग सतक आःतक दयकूगु मदुनि। ईलय् हे ज्या मजुगुलि स्वनिगःया  १८ स्थानीय तहया फोहर व्यवस्थापन जुइ मफुगु खः।

न्हिन्हि स्वनिगःपाखे १ हजार २०० मेट्रिक टन फोहर सिसडोलय् व्यवस्थापन जुया वयाच्वंगु खः।

नेपाली कांग्रेसं भरतपुर महानगरपालिकाया वडा सभापतिपिन्स महानगरपालिकाय् छु न पदय् गठबन्धन मयायेत पार्टी नेतृत्वयात खबरदारी याउगु दु।

जिल्ला पार्टी कार्यालय भरतपुरय् उपलब्ध २७ म्ह वडासभापतिपिनिगु बैठकं महानगरपालिकाया मेयर, उपमेयर, वडाअध्यक्ष व वडासदस्यपि दक्को पदय् हे पार्टीयाउम्मेदवार यायेमाःगु निर्णय याउगु दु।

यदि गन तालमेल यात धासा अ न स्वतन्त्र उम्मेदवारी बिइगु चेतावनी बिउगु दु।

सेयर बजारया कारोबारय् थौं मंगलबाः न तसकं कुहावंगु दु।

सोमबाः ४४ अंक  स्वया अप्पो सेयर बजार परिसूचक कुहावंगु खःसा थौं नेप्से मंगलबाः ३४ अंक स्वया अप्पो कुहावंगु दु ।

नेप्से २४०० विन्दु स्वया कुहावये धुकुगु दु। थौं नेप्से ३४.७९ अंकं कुहावंया २३८५.०१ विन्दुइ थ्यंगु दु। नेप्से १.४४ प्रतिशतय् कुहावंगु खः।

२३७ गु कम्पनीया ३७ लाख ८३ हजार कित्ता सेयर १ अर्ब ५२ करोड रुपैयाँ बराबरया खरिद–बिक्री जुगु दु धका नेपाल स्टक एक्सचेन्ज न धाउगु दु।

थौं १३ कम्पनीया सेयर भाः थहावंगु खःसा १७७ कम्पनीया सेयर भाः कुहावंगु दु।