युवा नेता राजेन्द्र लिङ्देन राष्ट्रिय प्रजातन्त्र पार्टी, राप्रपाया न्हूम्ह नायः जूगु दु ।

राप्रपाया म्हिगः क्वचाःगु महाधिवेशनं युवा नेता लिङ्देनयात निर्वाचित याःगु खः । लिपांगु मत परिणामय् लिङ्देनं कमल थापायात निसःक्व मतं ल्यूनय् लाकूगु खः । कुल ३द्व ८सः व ७३क्व मत कुदुवंगुलिइ लिङ्देनयात १८सः व १७क्व मत चूलाःगु खःसा थापायात १६सः व १७क्व चूलाःगु खः ।

४सः व ३१क्व मत बदर जूगु राप्रपाया निर्वाचन समितिं धागु दु । लिङ्देन त्याःगुनाप राप्रपाया नेतृत्व युवा पुस्ताय् थ्यंगु दु । मेमेपिं पदाधिकारीतय्गु न मतगणना क्वचायेधुंकूगु दु । थ्वहेकथं न्वकू पदय् विक्रम पाण्डे, बुद्धिमान तामाङ व ध्रुबबहादुर प्रधान अले मिसा न्वकुलिइ रोशन कार्की त्याःगु दु ।

अथेहे महामन्त्रीइ धवल शमशेर राणा, भुवन पाठक व कुन्तीकुमारी शाही त्याःगु दु । उखय् , नायः पदय् बूम्ह कमल थापां थः बूगु स्वीकार यानाः नवनिर्वाचित नायः राजेन्द्र लिङ्देनयात भिंतुना देछानादीगु दु ।

तर थापां थःत बुकेत निर्मल निवासं भूमिका म्हितूगु द्वपं बियादीगु दु । मतगणना क्वचाःगुनाप थौं सुथय् ट्वीट यानाः पुलांम्ह जुजु ज्ञानेन्द्र शाहयात भिंतुना बियाः जुजुया भलो जुइमा धकाः कामना यानादीगु दु ।

थापां २०६३ सालंनिसें जुजु पक्षय् ज्या यानावयागु जूसां आः वयाः उकिया प्रतिफल चूलाःगु धकाः उल्लेख यानादीगु दु ।

निर्वाचन आयोगया मतदाता नांधलः मुंकेगु विशेष ज्याझ्वः २०७८ अन्तर्गत मंसीर १७ गतेनिसें झिंन्यान्हुतक मतदाता नांधलः मुंकेगु व दर्ता ज्याझ्वः न्ह्याकेगु विषय किपू नगरपालिकाय् सहलह ज्याझ्वः जूगु दु।

उगु सहलह ज्याझ्वलय् किपू नगरपालिकाया मेयर रमेश महर्जन, उपमेयर सरस्वती रिजाल खड्का, प्रमुख प्रशासकीय अधिकृत कृष्णप्रसाद सापकोटा नापं थीथी राजनीतिक दलया प्रतिनिधि, उपस्थिति दूगु खः।

उगु सहलह ज्याझ्वलय् किपू नगरपालिकाय् मतदाता नांधलखय् नां दर्ता छूट जूपिं दु वा मतदाता नांधलखय् नां दर्ता यायेत योग्यता पूवंगु दु, इमिसं किपू नगरपालिका ज्याकू दुने मतदाता नांधलः मुंकेगु व दर्ता टोली न्ह्यःने माःगु भ्वँलिसें उपस्थितजुइ नां दर्ता याकेत सकल किपू नगरवासीपिन्त इनाप याःगु खः।

मेयर महर्जनं थुगु ज्याझ्वःया प्रचार प्रसारया नितिं नगरपालिकाया थीथी वडा माइकिङ लिसें थीथी महिला समूह व सम्बन्धित नागरिकपिनिगु सहभागिताय् ¥याली ज्याझ्वः यायेगु लिसें सर्वदलीय बैठक च्वनाः ज्याझ्वः न्ह्याकेगु जानकारी नं बियादीगु दु। 

अन्तर्राष्ट्रिय अपाङ्गता दिवस किपूलिइ न छगु ज्याझ्वःयासे हःगु दु। किपू नगरपालिकाया ग्वसालय् ३० क्वःगुअन्तर्राष्ट्रिय अपाङ्गता दिवसया लसाताय् किपूलिइ अपाङ्गता जूपिन्त मनूपिन्त थीथी सहायता सामग्री व उपकरण हस्तान्तरण याउगु दु।

कृष्ण क्याटरिङय् जुगु उगु ज्यााझ्वलय् किपू नगरपालिकाया उप–मेयर नाप अपाङ्गता समन्वय समितिया संयोजक सरस्वती खड्कां ज्याझ्वःया उलेज्या यानादीगु खः।

ज्याझ्वलय् किपू नगरपालिकाया प्रमुख प्रशासकीय अधिकृत कृष्णप्रसाद सापकोटा, लेखा शाखा प्रमुख प्रविणजंग शाहीपिन्स ह्वील चियर, यूस्टिक, हियरिङ्ग मेशिन व उगु मेशिनय् तइगु ब्याट्री, कमोड टेबल निःशुल्क हस्तान्तरण याउगु खः।

राष्ट्रिय प्रजातन्त्र पार्टीया उपाध्यक्षय् विक्रम पाण्डे विजयी जुगु दु। २५ सय २१ मत हया विजयी जुगु खः।

अथेहे ध्रुव बहादुर प्रधान १८ सय १४ मत व बुद्दिमान तामाङ १९ सय ४४ मत हया निर्वाचित जुगु खः। मिसा उपाध्यक्षय् रोशन कार्की विजयी जुगु दु। कार्की न १५ सय ८९ मत हया विजयी जुगु खः। उपि कमल थापा पक्षपाखे निर्वाचित जुगु खः।

महामन्त्रीइ धवल शमशेर राणा विजयी जुगु दु। राणां २२ सय २१ मत हया निर्वाचित जुगु खः। महामन्त्रीइ भुवन पाठक १७ सय ५ हया विजयी जुगु खः। पाठक कमद थापा प्यानलयाम्ह खः।

मिसा महामन्त्रीइ कुन्ती शाही २ हजार ८ मत हया विजयी जुगु दु। शाहीं अभिनेत्री रेखा थापायात पराजित याउगु खः। रेखा थापा १६ सय ४० मत हःगु खः।

राष्ट्रिय प्रजातन्त्र पार्टी (राप्रपा)या निवर्तमान अध्यक्ष कमल थापां पार्टीया महाधिवेशनय् निर्मल निवास हस्तक्षेप याउगु द्धपः बिउगु दु।

नवनिर्वाचित अध्यक्ष राजेन्द्र लिङ्देनयात भिंतुना बिउसे थापां सामाजिक सञ्जाल फेसबुकय् च्वंगु दु, “पार्टीया आन्तरिक प्रतिस्पर्धाय् निर्मल निवासं नाङ्गो हस्तक्षेपया भत्सर्ना दु।

लिङ्देनयात पूर्व जुजु ज्ञानेन्द्रं साथ बियाच्वंगु धका धाउगु दु। उकियात थापां असन्तुष्टि प्वकूगु खः।

नकतिनि हे सार्वजनिक मत जुगु परिणाम कथं थापायात अध्यक्षय् राजेन्द्र लिङ्देनं पराजित याउगु खः।