बझाङय् भुखाय् ब्बःगु दु।

थौं सुथय् ६ बजे जुया ३ मिनेटय् भुखाय् ब्बःगु दु धका राष्ट्रिय भूकम्प मापन केन्द्रया सहायक प्राविधिक राजेश शर्मा न जानकारी बिउगु दु।

जिल्लाया सैनापसेला धइगु थासय् केन्द्रविन्दु जुया ४.१ म्याग्नेच्युटया भुखाय् ब्बःगु दु धका धाउगु दु।

पोखराय् चुनाबी तालमेलया विषय सत्ता गठबन्धन दलपि दथुइ कचवं जुगु दु।

जनता समाजवादी पार्टी (जसपा) न सिट बाँडफाँट जुगुलि थःपिन्त सम्मानजनक उपस्थिति मजुसा थःपि याकचा हे ल्वायेगु धका धाउगु दु। म्हिगः पोखराय् सत्ता गठबन्धनया नेतापि बैठक च्वंगु खः।

भागबण्डा मिले मजुइ वं अंक बैठक निष्कर्षविहीन जुगु खः। सिट बाँडफाँटया प्रस्तावय् असन्तुष्टि जूसे जसपाया केन्द्रीय सदस्यपि गण्डकी प्रदेशया उपाध्यक्ष आमोद कुमार थापा बैठक दथुइ हे त्वता वंगु खः।

छु ई न्ह्यः जक डा. बाबुराम भट्टराई व हिसिला यमी पोखरा वना एमालेया उपमहासचिव पृथ्वीसुब्बा गुरुङयात नापलाना वैशाख ३० गते निर्धारित स्थानीय तह निर्वाचनया विषय छलफल याउगु खः।

नेकपा एमाले न कन्ह्यः सोमबाः सचिवालयया बैठक सःतूगु दु।

च्यासलय् तुलसीलाल स्मृति भवनय् कन्ह्यः सोमबाः बहनि ६ बजे सचिवालय बैठक सःतूगु दु धका प्रचार विभाग प्रमुख पृथ्वीसुब्बा गुरुङं धाउगु दु।

सचिवालय बैठक च्वने न्ह्यः केन्द्रीय कार्यालयया बैठक च्वनेत्यःगु दु। केन्द्रीय कार्यालय बैठक सोमबाः सुथय् ११ बजे च्वनेत्यःगु दु।

स्थानीय चुनाव केन्द्रीत एजेण्डाय् छलफल यायेत सःतूगु धका प्रचार प्रमुख गुरुङं धाउगु दु।

मुटुया चाल नियन्त्रणय् वयवं शताब्दीपुरुष नाप संस्कृतिविद् सत्यमोहन जोशीयात आईसीयू केयरपाखे डिलक्स सुइटय् सारे याउगु दु।

थःगु छेँय् हे छाती स्याना मछिउगुलि किस्ट अस्पताल बिहिबाः भर्ना जुगु खः। अस्पताल निर्देशक प्रा.डा. सुरज बज्राचार्यया कथं आः शताब्दीपुरुष जोशीया पिसाबसम्बन्धी संक्रमण खनेलुगु नाप मुटु मनावंगु, मुटुया चालसम्बन्धी श्वासप्रश्वास नलीइ फाइब्रो ब्रोङ्कएक्टेसी समस्या खनेदुगु खः।

प्रा.डा. मिलेशजंग सिजापति, प्रा. डा. रामभक्त कोजुया नेतृत्वय् थीथी विधाया चिकित्सक संलग्न जूया जोशीया उपचार जुयाच्वंगु दु धका अस्पताल प्रशासनं धाउगु दु।

आः शताब्दीपुरुष जोशीया अवस्था सुधारन्मुख जुगु दु धका डा. बज्राचार्य न जानकारी बिउगु दु।

सत्तारूढ गठबन्धनपि नेपाली कांग्रेस व जनता समाजवादी पार्टी (जसपा) वीरगन्ज महानगरपालिकाय् पर्साया दक्को स्थानीय तहमा याक याकं हे चुनाव ल्वाइगु जुगु दु।

केन्द्रं गठबन्धन यायेगु निर्णय वइगु वैशाख ३० गते जुइगु स्थानीय तहया निर्वाचनय् कांग्रेस व जसपा मित्रवत् प्रतिस्पर्धा यायेगु निर्णय जुगु दु ।

कांग्रेस पर्साया सभापति जनार्दन सिंह क्षेत्री व जसपाया पर्सा अध्यक्ष रामनरेश यादव दथुइ वइगु निर्वाचन जिल्लाया १४ गु हे पालिकाय् मित्रवत प्रतिस्पर्धा यानावनेगु सहमति यासे ल्हाचिं तःगु दु।

स्थानीय नेता व कार्यकर्ताया मनोभावनाया कदर यासे प्रतिस्पर्धा यायेगु निर्णय जुगु सहमति पत्रय् उल्लेख याउगु दु।

पर्साया मधेस प्रदेशय् छगु जक महानगरपालिका वीरगन्ज, स्वगू नगरपालिका व झीगु गाउँपालिका दु।