किपू नगरपालिकाया वडा १० या भवन किपू नगरपालिकाया मेयर रमेश महर्जन व काठमाडौं जिल्ला समन्वय समितिया प्रमुख शिवसुन्दर राजवैद्य मंकाः कथं उलेज्या याउगु दु।

किपू नगरपालिका १० वडाया वडाध्यक्ष अमन महर्जनया सभाध्यक्षताय् जुगु उगु वडा भवन उलेज्या ज्याझ्वलय् मेयर रमेश महर्जन व शिवसुन्दर राजवैद्य उप– मेयर नापं प्रवक्ता सरस्वती रिजाल खड्का विशेष पाहाँ कथं उपस्थित जुयादीगु खः।

उगु वडा भवन ०७५÷०७६ सालपाखे उपभोक्ता समितिपाखें मुक्कं इस्टिमेट ५० लखया याःगु खःसा १८,७७,०००÷– तका दां उपभोक्ता समितियात भुक्तानी यानागु खँया जानकारी बियादिगु खः।

अथेहे, ०७७÷०७८ पाखे ९६,९६,७०७÷– तका टेण्डरपाखें इस्टिमेट याःगु खःसा ५९,७०,७४४÷– तका कबूल जूगु खः धकाः वडाध्यक्ष महर्जनं जानकारी बिसें आः वडा भवन तयारी अवस्थाय् निर्माण ज्या क्वचाःगु जानकारी बियादीगु खः।

थौं देय् या थीथी थासय् वाः वया हिमपात जुइगु सम्भावना दु। थौं सुथय् सुदूरपश्चिम प्रदेश, कर्णाली प्रदेशलगायत मेमेथु प्रदेशया पहाडी भू–भागमा वाः वउगु दु।

थौं चान्ह्यनिसे देय् या थी थी थासय् वाः वयेगु सुरु जुगु दु। प्रदेश १, वाग्मती प्रदेश, गण्डकी प्रदेश, कर्णाली प्रदेश व सुदूरपश्चिम प्रदेशया छू थासय् वाः वइगु सम्भावना दु।

पहाडी नाप हिमाली भू–भागय् हिमपातया सम्भावना दु धका विभागं धाउगु दु।

नेपाल आयल निगमं हाकन पेट्रोलियम पदार्थया भाः थकाउगु दु।

पेट्रोल व डिजेल÷मचिकनय् साविक स्वया को स्वतका थकाउगु दु। आः पेट्रोल छगु लिटरय् १३९ रुपैयाँ व डिजेल÷मचिकं १२२ रुपैयाँ थ्यकूगु दु।

आन्तरिक हवाई ईन्धनय् छगु लिटरय् न्यातका थकाना १०६ रुपैयाँ थ्यकूगु दु। अन्तर्राष्ट्रियपाखे हवाई इन्धनय् १०० अमेरिकी डलर थकाना ९९५ अमेरिकी डलर कायम यायेगु निर्णय निगमं याउगु दु।

लिपागु पटक वंगु २०७८ कात्तिक २४ गते जक मूल्य समायोजन याउगु खः।

कांग्रेसया महामन्त्री विश्वप्रकाश शर्मायात कोरोना भाइरसया संक्रमण पुष्टि जुगु दु।

शर्मा सार्वजनिक कार्यक्रमय् सतर्कता मतयाउगु लिच्वः कथं थःत संक्रमण जुगु धका आत्मालोचना तक यानादीगु दु।

लक्षण खनेखुगुलि शर्मा न मेडिसिटी अस्पतालय् परीक्षण याउगु खः। परीक्षण लिपा थः सपरिवार नाप संक्रमण पुष्टि जुगु शर्मा न जानकारी बिउगु दु।

शर्मा नाप च्याला न्ह्यः न कोरोना संक्रमित जुगु खः।

सरकारं कोरोना भाइरसया परीक्षणय् शुल्क समायोजन याउगु दु।

बुधबाः जुगु नियमित पत्रकार सम्मेलनय् स्वास्थ्य तथा जनसंख्या मन्त्रालयया सहप्रवक्ता डा. समीरकुमार अधिकारीं पीसीआर परीक्षणय् शुल्क समायोजन जुगु दु धका धाउगु दु।

आः सरकारी प्रयोगशालाय् पीसीआर परीक्षण यायेवलय् ८ सय रुपैयाँ पुलेमाः धका धाउगु दु। थ्व स्वया न्ह्यः सरकारी प्रयोगशालाय् पीसीआर परीक्षण यायेगु इलय् १ हजार रुपैयाँ पुलेमाः।

अथेहे आः निजी प्रयोगशालाय् पीसीआर परीक्षण यायेगु इलय् १ हजार ५ सय रुपैयाँ जुगु दु धका सहप्रवक्ता अधिकारीं जानकारी बिउगु दु।

थ्व स्वया न्ह्यः निजी प्रयोगशालाय् पीसीआर परीक्षण यायेगु इलय् २ हजार रुपैयाँ कायेगु याः।