येँया मरुसतः (काष्ठमण्डप)य् तयातःगु गोरखनाथ मूर्ति विवाद अदालत थ्यंगु दु।

अधिवक्ता संजय अधिकारीं मरुसतःपाखें चिइकूगु मूर्ति पुनःस्थापना यायेत माग यासें सर्वोच्च अदालतय् रिट दायर याःगु खः।अधिकारीं दायर याःगु मुद्दाया पेशी माघ २ गते आइतवाःया नितिं क्वःछ्यूगु दु । पुनःनिर्मित मरुसतःया छ्यलिया थ्यंमथ्यं दथु भागय् दूगु गोरखनाथ व प्यंगू कुनय् दूगु गणेद्यःया मूर्ति न्हूगु तःगु दु।

तर, व ज्यां प्राचीन स्मारक संरक्षण ऐन मिचेजूगु, धार्मिक आस्थाय् घाःपाः लाकूगु, सम्पदा संरक्षणसम्बन्धी अन्तर्राष्ट्रिय कानून मिचेजूगु, संवैधानिक मौलिक हक हनन जूगु दाबी यासें अधिकारीं अदालतय् मुद्दा दायर याःगु खः । मरुसतः दुने गोरखनाथ व गणेद्यःया मूर्ति तज्याःगु धासें पुनःनिर्माण समितिं न्हूगु मूर्ति हयेधुंकाः थुकिया समर्थन व विरोध निगुलिं जूगु दु।

गुलिंसिनं पुलांगु मूर्ति तज्याःगु व उज्वःगु मूर्ति पूजा यायेमज्यूगु मान्यता दूगुलिं न्हूगु हःगुयात पायछि धाःगु दु।

गुलिं स्थानीय व संरक्षणकःमिपिन्सं धाःसा पुलांगु मूर्ति हे तयेमाःगु धारणा तःगु दु ।पुरातत्व विभागया कथं भुखाय् लिपा पूर्णरुपं क्षतिग्रस्त मरुसतः दुने मूर्तित तज्याःगु अवस्थाय् लुयावःगु खः। गुलिंसिनं मरुसतः पुनःनिर्माण लिपा उगु मूर्तियात हे लितहयेमाःगु माग यायेधुंकाः न्हूगु मूर्ति तयेमाःगु पक्षय् दूगु देगः पुनःनिर्माण समिति मछिंगु अवस्थाय् लाःगु दु।

प्राचीन स्मारक संरक्षण ऐन २०१३ कथं सरकारया स्वीकृति विना प्राचीन स्मारकया सम्पदायात थुनेगु, चिइकेगु, हिलेगु विरुप यायेगु थेंजाःगु ज्या याये दइमखु । पुरातात्विक वस्तुयात नष्ट याःसा, थुनाब्यूसा, विरुप याःसा, खुया यंकूसा वा अनधिकृत रुपं चिइकूसा वा हिलेगु ज्या याःसा वा छुं नं कथं हानी नोक्सानी याःसा उज्वःगु पुरातात्विक वस्तुया बिगो कथंया रकम असुल उपर यानाः न्याद्वः तका दांनिसें छगू लख तकातक जरिवाना वा न्यादँतक कैद वा निगुलिं सजाय जुइगु व्यवस्था दु।

लुँ तोलां थौं न्यासः बढे जुगु दु। लुँ तोलां थौं न्यासः बढे जुया ९२ हजार ५ सय रुपैयाँ थ्यंगु दु धका नेपाल सुनचाँदी व्यवसायी महासङ्घं धाउगु दु।

अथेहे थौं वहः तोला न नीतका थहावंगु दु। वहः तोला नीतका थहावना १२ सय ५५ रुपैयाँ न कारोबार जुगु दु धका महासङ्घं धाउगु दु।

नेकपा एमाले कैलालीया इन्चार्ज नाप पूर्व वन तथा वातावरण मन्त्री नारदमुनी राना न कोरोना संक्रमण पुष्टि जुगु दु।

प्रतिनिधिसभा सदस्य तक जुयादीम्ह पूर्वमन्त्री रानायात बिहीबाः सुथय् कोरोना संक्रमण पुुष्टि जुगु धका वयकःया निजी सचिवालयं धाउगु दु।

रानाया स्वकीय सचिव कमल रानां स्वास्थ्यमा समस्या खनदेयवं बिहीबाः सुथय् परीक्षण याउगुलि संक्रमण पुुष्टि जुगु जानकारी बिउगु दु। वयकःया कथं कोरोना पुष्टि जुइवं राना आः होम आइसोलेसनय् च्वना च्वंगु दु।

रानां थःगु सम्पर्कय् दुपिन्स न कोरोना परीक्षण यायेत इनाप याउगु दु धका वयकःया निजी सचिवालयं धाउगु दु।

सञ्चार तथा सूचना प्रविधि मन्त्री ज्ञानेन्द्रबहादुर कार्कीें कोरोना भाइरस संक्रमण नियन्त्रणया लागि सरकारं ज्या यानाच्वनागु दु धका धाउगु दु।

लिपागु इलय् कोरोना संक्रमण तसकं फैलै जुगुलि सरकारया प्रवक्ता मन्त्री कार्की न कोरोना नियन्त्रणया लागि सरकारं दक्को संयन्त्र परिचालन याये धुकागु दु धाउगु दु।

वयकलं नागरिकया जीवन रक्षाप्रति सरकार संवेदनशील दु धका धाउगु दु। मन्त्री कार्कीं धाउगु दु, नागरिकया जीवन रक्षाया लागि सरकार प्रतिवद्ध दु । खोप अभियान तीब्र कथं न्ह्याकागु दु।

वयकलं कोरोना संक्रमणपाखे बचे जुइत स्वास्थ्य मापदण्ड अपने यायेत न इनाप याउगु दु।

 वाःया लिपागु दिं थौं बिहीबाः शेयर बजारय् उच्च अंकं सुधार जुगु दु। म्हिगः बुधबाः ३० अंकं घटे जुगु शेयर बजाः थौं बिहीबाः ५४ अंक स्वया अप्पो बढे जुगु दु।

नेप्से परिसूचक ५४ दशमलव १२ अंकं थहावना २ हजार ८ सय ५७ दशमलव ७५ अंक बढे जुगु दु। शेयर कारोबार रकम धासा घटे जुगु दु। बुधबाः ८ अर्ब स्वया अप्पो शेयर कारोबार जुगुलि बिहीबाः ७ अर्ब न मथ्यंगु दु।

न्हिच्छियक करिब ६६ हजार कारोबारपाखे २२४ कम्पनीया १ करोड १६ लाख कित्ता हाराहारीया शेयर किनबेच जुगु खः। उकिइ कारोबार रकम ६ अर्ब ६६ लाख ९७ हजार रुपैयाँ स्वया अप्पो शेयर कारोबार जुगु खः।