नेपाल कम्युनिस्ट पार्टी (एकीकृत समाजवादी)या अध्यक्ष माधवकुमार नेपाल न कोरोना भाइरस संक्रमित जूगु दु।

शंका वना स्वाब परीक्षण याउगुलि कोरोना संक्रमण पुष्टि जुगु दु धका पार्टीया प्रचार विभाग प्रमुख जगन्नाथ खतिवडां जानकारी बिउगु दु।

कोटेश्वरस्थित निवासय् आराम यानाच्वंगु दु धका धाउगु दु। अध्यक्ष नेपालया स्वास्थ्य अवस्था सामान्य दु।

अथेहे, एकीकृत समाजवादीया उपमहासचिव विजय पौडेल न कोरोना संक्रमित जुगु खः।

स्वनिगःलय् कोरोना संक्रमण अप्वःगुलिसें स्थानीय प्रशासनं वंगु चान्हय्निसें स्मार्ट लकडाउन लागू याःगु दु ।

मंगलबाः स्वनिगःया प्रमुख जिल्ला अधिकारीतयेस मुँज्यां चान्हय्निसें हे ‘स्मार्ट लकडाउन’ लागू यायेगु निर्णय याःगु खः । जिल्ला प्रशासन ज्याकु काठमाडौं नं स्मार्ट लकडाउनया नितिं १८गू आदेश जारी याःगु दु ।

अथेहे यलः व ख्वपः प्रशासन ज्याकुथिं नं बिस्कं बिस्कं विज्ञप्ति पिकाना आदेश जारी याःगु दु । स्थानीय प्रशासनतयेसं सर्वसाधारणयात म्वाःमदयेकं छेँ नं पिहाँमवयेत व सार्वजनिक थासय् वनिबलय् अनिवार्य मास्क तयेत धाःगु दु ।

कोभिड महामारी सम्बन्धि स्वास्थ्य मापदण्ड अनिवार्य पालना यायेत, भौतिक दुरी कायम यायेत व साबुं लखं इलय्बिलय् ल्हा सिलेत नं प्रशासनं इनाप याःगु दु ।

अथेहे माघ ७ गते निसें सिनेमाघर व पार्टी प्यालेस लिसेंया सार्वजनिक थासय् वनिबलय् अनिवार्य खोप कार्ड क्यनेत नं इनाप याःगु दु । खोपकार्डया किपाः कया मोबाइलय् तःसा नं जिइगु व्यवस्था याःगु दु ।

अथेहे २५ म्ह सिवें अप्वः ममुनेत नं इनाप याःगु दु । वासः लिसेंया ज्वलं व सेवा आपूर्तिइ कृतिम अभाव सिर्जना याइपिं, भाः थकायेगु याःसा कानून कथं कारवाही यायेृगु नं आदेशय् उल्लेख यानातःगु दु ।

सरकारं थ्वयान्ह्यः हे माघ १५ गते तक्कया नितिं ब्वनेकु यायेधुंकुगु दु  ।

संस्कृति पर्यटन तथा नागरिक उड्डयन मन्त्री प्रेमबहादुर आले च्वनावंगु गाडी दुर्घटना जुगु दु।

मंगलबाः धनगढीपाखे महेन्द्रनगरपाखे वयाच्वंगु आलेया गाडी सुदूरपश्चिमया भूमि व्यवस्था तथा कृषि सहकारी मन्त्रालयया सुप प्र ०१००१ झ ३३३ गाडी विपरीत दिशापाखे वंगु बा ४ च १३७७ को गाडी नाप न्याना दुर्घटना जुगु धका प्रहरीं धाउगु दु।

जिल्ला ट्राफिक प्रहरी कार्यालय कैलालीया प्रमुख प्रहरी निरिक्षक दुर्घटनाय् छु न मानवीय क्षति मजुगु धका जानकारी बिउगु दु।

भेषनारायण दाहालं बतास समूह न नारायणहिटी दरबार संग्रहालय क्याफ्टेरिया दयकयेगु निति जग्गा भाडाया बिषय विवाद जुइवं राजीनामा बिउगु दु।

संस्कृति, पर्यटन तथा नागरिक उड्डयन मन्त्रालयं छानबीन समिति न कारबाहीया सिफारिश यायेवं दाहालं मंगलबाः राजीनामा बुझे याउगु खः।

कोरोना भाइरसया तेस्रो लहर फैलै जुगु कारण काभ्रेया पनौति नगरपालिका–७ त्रिवेणीघाटय् झीनिदँय् जुइगु मकर मेला स्थगित जुगु दु।

थौं जिल्ला कोभिड व्यवस्थापन समिति(डीसीएमसी)या बैठकं माघ लच्छियकं जुइगु मेला मयायेगु निर्णय याउगु दु।

डीसीएमसीया संयोजक नाप प्रमुख जिल्ला अधिकारी उद्धव केसीया अध्यक्षताय् च्वंगु बैठकं जिल्ला दुने छु न सार्वजनिक थासय् जुइगु भेला नाप महोत्सव मयायेत मेला आयोजक समितिं इनाप याउगु दु।

सरकारं छु न किसिमया मेला नाप महोत्सव मयायेत व २५ म्ह स्वया अप्पो भेला मजुइत इनाप याउगुलि स्नानया लागि भीडभाड मयायेत व स्नानय् सहभागी जुइत स्वास्थ्य मापदण्ड पूर्ण पालना यायेगु कथं व्यवस्था मिले यायेगु निर्णय जुगु दु धका डीसीएमसीं धाउगु दु।