शेयर बजाः थौं नेप्से ३० दशमलव ५१ अङ्कं घटे जुया २ हजार ८ सय ३ दशमलव ६३ विन्दुइ कुहावंगु दु।

थौं व्यापार, उत्पादन व लगानीबाहेक मेगु दक्को समूहया शेयर घटे जुगु दु। निर्जीवन बीमा समूहया शेयर दकलय् अप्पो २ सय ६६ अङ्कं घटे जुगु दु।

अथेहे जीवन बीमाया शेयर १०९, विकास बैंकया शेयर १२२, होटल व पर्यटनया शेयर ७८ व मेमेगु समूहया शेयर ७६ अङ्कं घटे जुगु दु। थौं शेयर बजाः घटे जूसा कारोबार रकम धासा तहावंगु दु।

२२९ गु कम्पनीया १ करोड ६१ लाख कित्ता शेयर ८ अर्ब ३ करोड रुपैयाँया कारोबार जूगु दु। दकलय् अप्पो नेपाल बङ्गलादेश बैंकया २८ करोड रुपैयाँ बराबरया शेयर किनबेच जुगु खः।

हिमालय ऊर्जा विकास कम्पनीया शेयर दकलय् अप्पो ६ दशमलव २१ प्रतिशतं घटे जुगु दु। समग्र बजार घटे जूसा कर्पाेरेट डेभलपमेन्छ बैंक व निफ्राया शेयर सकारात्मक सर्किटय् वःगु दु।

दुरुया भाः छगु लितरय् छक्वलं झीतका थकायेत्यःगु दु। आः छगु लितरउा ७६ रुपैयाँ जुयाच्वंगुलि आः झीतका थकाया ८६ रुपैयाँ थ्यनिइगु जुगु दु।

राष्ट्रिय दुग्ध विकास बोर्डं दुरुया भाः छगु लिटरय् झीतका थकायेगु निति कृषि तथा पशुपन्छी विकास मन्त्रालययात सिफारिस याउगु खः।

राष्ट्रिय दुग्ध विकास बोर्डया प्रवक्ता डा. बालक चौधरीं छगु लिटरय् झीतका थकायेगु लागि कृषि तथा पशुपन्छी विकास मन्त्रालययात सिफारिस याउगु दु धका धाउगु दु।

थ्व स्वया न्ह्यः २०७३ सालय् लिटरं खुतका थकाउगु खः।

प्रेस चौतारी नेपाल काठमाडौं जिल्ला समितिया अध्यक्षय् मुकुन्द भुसाल सर्वसम्मत जूगु दु।

मंगलबाः कुन्हु जुगु न्यक्वःगु अधिवेशनं भुसालया नेतृत्वय् ३९ म्ह सदस्यीय न्हुगु कार्यसमिति सर्वसम्मत जूगु खः। उगु कार्यसमितिइ उपाध्यक्षय् श्रीराम तिवारी, समावेशी उपाध्यक्षय् सुभद्रा धिताल व सचिवय् लक्ष्मण शर्मा ल्यउगु खः।

अथेहे सह–सचिवय् पुष्पा अपधकारी व जीपी पौडेल व कोषाध्यक्षय् रामचन्द्र कार्की ल्यउगु दु।

अथेतु, सदस्यय् रामेश्वर ढकाल, श्रीकृष्ण ढकाल, केशव घिमिरे, सुजित पुडासैनी, आशीष केसी, शर्मिला सुवेदी, सावित्री बस्नेत, सावित्री लुईंटेल, विकल सापकोटा, चिलराम भण्डारी व चेतनारायण पण्डित, राजाराम न्यौपाने, राजेन्द्र तामाङ, सुशील पुरी, जनक पोखरेल, प्रवेश पाण्डे, मेनुका कार्की, मिना अर्याल, रूपचन्द्र महर्जन, रुपा निरौला र विनोद ढकाल, कमल पन्थी, भरत बुढाथोकी, उत्सव बजगाईं, रुपा घिमिरे, सुव्रत मनु, विपिन पोखरेल, मेनुका श्रेष्ठ, सुवास थापा, विनोद दंगाल व राजकुमार सिलवालपिन्त ल्यउगु खः।

जोगबनी नाका जुया भारतं नेपालय् प्रवेश याइपि मनूतयेत कोरोना–१९ विरुद्धया खोप कयातःगु खोप कार्ड व पीसीआर परीक्षण नेगेटिभ रिपोर्ट अनिर्वाय याउगु दु।

जिल्ला प्रशासन कार्यालय मोरङं भारतय् तसकं फैलै जुयाच्वंगु कोरोना संक्रमणयात स्वया खोप कार्ड व ४८ घण्टा दुने कोरोना परीक्षणया रिपोर्ट अनिर्वाय याउगु दु। जिल्ला कोरोना व्यवस्थापन समितिया बैठकं कोरोना फैलै जुइगु जोखिमया कारण सीमाय् भारतीय बजार जोगबनीइ नियन्त्रण यायेत्य.गु खः।

कोरोना संक्रमणया जोखिमयात स्वया तत्काल स्वास्थ्य सुरक्षा व सतर्कता कया आमनागरिकपिन्त सचेत यायेगु निर्णय जुगु धका मोरङया सहायक प्रमुख जिल्ला अधिकारी महेशराज तिम्सिनां धाउगु दु।

लुँया भाः थौं तोलां प्यसः थहावंगु दु।

थौं प्यसः थहावना तोलाया ९२ हजार रुपैयाँ न कारोबार जुगु दु धका नेपाल सुनचाँदी व्यवसायी महासंघ न धाउगु दु।

अथेहे वहः तोलां न्यातका थहावंगु दु।

वहः तोलां न्यातका थहावना १ हजार २ सय ३५ रुपैयाँ कारोबार जुगु दु धका महासंघं धाउगु दु।