प्रेस काउन्सिल नेपालं पत्रकार ऋषि धमलायात २४ घण्टे स्पष्टीकरण न्यंगु दु।

प्रधानमन्त्री शेरबहादुर देउवाया भारत भ्रमणया झ्वलय् नेपाल एअरलाइन्सया जहाज दुने अमर्यादित व असभ्य क्रियाकलाप याउगु धासे काउन्सिलं प्राइम टाइम्स टेलिभिजनया पत्रकार ऋषि धमलायात स्पष्टीकरण न्यंगु दु।

प्रधानमन्त्री देउवा भारत भ्रमण क्वचायका स्वदेश लिहावयेगु झ्वलय् विमान दुने हे अनुमति मकासे व विमानया कर्मचारीपिनिगु दृष्य खिचे नाप प्रधानमन्त्रीयात नाप लाये मिले मजु धाय्क धाय्क धमलां जबरजस्ती दृश्य खिचे याना सम्प्रेषण याउगु धासे काउन्सिल अथे धाउगु दु।

पत्रकार रत्न श्रेष्ठया फोटो ब्बज्या थौंनिसे न्ह्यात थिमिया फोटो पत्रकार रत्न श्रेष्ठं कयातःगु थिमि जुइगु जात्राया फोटो ब्बज्याया उलेज्या येँ महानगरपालिकाया मेयर बिद्यासुन्दर शाक्यं छगु ज्याझ्वः दथुइ उलेज्या यानादीगु दु।

उगु ज्याझ्वलय् थिमि जुइगु थीथी जात्राया बिषय छगु पत्रकार सम्मेलन न जुगु खः। मध्यपुर थिमी नगरपालिकां थःगु ऐतिहासिक नखः ‘थिमि जात्रा’यात न विश्व सम्पदा धलय् सूचिकृत समावेश यायेगु अभियान सुरु जुगु दु।

मध्यपुर थिमी नगरपालिकाया मेयर मदनसुन्दर श्रेष्ठं मध्यपुर थिमी हनिइगु थुगु जात्रा अमूर्त कला जुगु धासे थुकियात विश्व सम्पदा सूचिइ समावेश यायेगु कथं अभियान सुरु यानागु धका जानकारी बिउगु खः। थौं मंगलबाः येँया भृकुटीमण्डपस्थित नेपाल पर्यटन बोर्डय् छगु पत्रकार सम्मेलन यासे वयकलं विश्व सम्पदा सूचिइ सूचिकृत यायेगु चैत्र ३० गतेनिसे बैशाख २ गते तक जुइगु उगु जात्राया प्रसारप्रचारया निति ग्वहालि यायेत इनाप याउगु खः।

वयकलं स्वनिगःया दक्को हे नगरपालिकाया मेयरपिन्त उगु जात्राय् ब्बति कायेत इनाप यानादीगु खः।

उगु ज्याझ्वलय् न्ववानादीसे येँ महानगरपालिकाया मेयर विद्यासुन्दर शाक्यं स्वनिगः दुनेया दक्को जात्रा ऐतिहासिक महत्वबारे न्हुगु पुस्तापिन्त जानकारी बिया दक्को जात्रा याउगु प्रवर्द्धन यायेगु अभियान संचालन यायेमाःगु अवस्था वंगु दु धका धयादीगु खः। मेयर शाक्यं ऐतिहासिक नाप धार्मिक सम्पदा याउगु प्रवर्द्धनं पर्यटन प्रवर्द्धनय् महत्वपूर्ण भूमिका निर्वाह याइगु स्पष्ट यानादीगु खः।

थिमिइ जुइगु भुयुसिन्ह जात्रा, म्ये प्वाखनिगु जात्रा व खः जात्रा तसकं लोकंह्वाःगु जात्रा खः। 

नेवाः विद्यार्थी युनियनं रत्नराज्य लक्ष्मी क्याम्पस व पद्यम कन्या क्याम्पसय् बिए तगिमय् नेपाल भाषा ब्वनामिपि मदया कक्षा मजुयाच्वंगु खँयात कया नेवाः देय् दबुयात ज्ञापन लःल्हागु दु।

विद्यार्थी युनियन अध्यक्ष रीदेन महर्जनं देय् दबुया अध्यक्ष पवित्र बज्राचार्य व उपाध्यक्ष रश्मिला प्रजापतियात उगु ज्ञापनपौ लःल्हागु खः ।

ज्ञापन पतिइ नेवाः विद्यार्थी पिनिगु मंकाः संगठन जुगु व थुकिया मुआज्जु धयागु नेवाः ब्वनामिपिन्त नेवाः हक अधिकारया बारेय् चेतना थना संगठित यानाः नेपाल भाषाया संरक्षण, प्रवद्धन यायेगु व लिसें नेपाल भाषा ब्वंकेगु क्षमता अभिवृद्धि यायेगुलिसें थीथी ज्याझ्वः यायेगु ख खँ न्ह्यब्वयातःगु दु।

अथे हे रत्न राज्यलक्ष्मी क्याम्पस, पदम कन्या क्याम्पस व यलया पाटन संयुक्त क्याम्पसय् त्रिवि नितिनियम कथं झिम्ह÷झिम्ह विद्यार्थीदत धाःसा जक नेपालभाषाया कक्षा संचालन याइगु जुयाः थ्वहे महिनाया दुने ब्वनामिपिं भर्नायाकेत छ्वया हयादित इनाप याउगु खः।

 वंगु २४ घण्टाया दुने देयन्यक थप ३३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं २ हजार ९४२ म्हेसिगु पीसीआर परीक्षण याउगुलि ३२ म्ह व २ हजार ११७ म्हेसिगु एन्टीजेन परीक्षण याउगुलि छम्हयाना ३३ म्ह संक्रमण पुष्टि जुगु दु।

अथेहे वंगु २४ घण्टाय् ८९ म्ह कोरोनामुक्त जुगु दु।

येँया चोभारय् निर्माण सम्पन्न जुइ धुकुगु सुख्खा बन्दरगाह मंगलबाःनिसे सञ्चालनय् वइगु जुगु दु।

मंगलबाः प्रधानमन्त्री शेरबहादुर देउवां बन्दरगाहया उलेज्या जुइ नेपाल इन्टरमोडल यातायत विकास समिति न धाउगु दु।

येँया सुख्खा बन्दरगाह सञ्चालनय् वये धुका समुन्द्री बन्दरगाह जुया व्यवसायीपिनिगु सामान तःपिकं येँ हे जाँच पास कायेफइगु जुगु दु।

आः उकियाना आयात व निर्यात लागत समेत कम जुइ धका व्यवसायीपिन्स धाय.उगु दु। समितिया कार्यकारी निर्देशकया कथं बन्दरगाहया उलेज्या मंगलबाः न्हिनय् २ बजेया लागि तय जुइ धुकुगु दु।

वीरगञ्जं माल वस्तु क्वबिया हया डिजिटल लकिङ याना येँ वया कन्टेनरयात बन्दरगाहय् प्रधानमन्त्रीं दुकाया बन्दरगाह सञ्चालन जुगु घोषणा याना ज्याझ्वः जुइ धका समितिं धाउगु दु।