वाःया न्हापागु दिं थौं आइतबाः सेयर कारोबार मापक नेप्से परिसूचक दोहोरो अंकं घटे जुगु दु।

नेप्से परिसूचक ३० दशमलव ८९ अंकं घटे जुया २५ सय १३ दशमलव ४१ अंकय् कुहावंगु दु।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ६ दशमलव ४४ अंकं घटे जुगु दु।

अथेतु कारोबार रकम न कुहावंगु दु। थौं कारोबार रकम डेढ अर्ब न मथ्यंगु दु।

न्हिच्छियक जुगु २८ हजार ११३ कारोबारपाखे २२५ धितोपत्रया ३२ लाख ५३ हजार ८१६ कित्ता सेयर किनबेच जुगु दु।

उगु कारोबार रकम १ अर्ब ४६ करोड ७ लाख ७३ हजार ७२९ रुपैयाँया जुगु।

वंगु २४ घण्टाया दुने देयन्यक थप २३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ५ हजार ८४७ म्हेसित पीसीआर परीक्षण याउगुलि २३ म्ह व १ हजार ६२ म्हेसित एन्टीजेन परीक्षण याउगुलि छम्हेसित न कारोना सक्रमण पुष्टि जुगु मदु।

अथेहे वंगु २४ घण्टाय् ६६ म्ह कोरोनामुक्त जुगु दु।

पाहांचः¥हे जात्राया झ्वलय् येँया असनय् द्यः ल्वाकीगु जूगु दु ।

असनय् द्यः ल्वाकीगु जात्राय् सहभागी जुइमाःगु लुँमधि भद्रकाली तेबहाः, वटु भद्रकाली वटु व कंग अजिमा यट्खा यानाः स्वखःया गुथियारपिनि सहभागी जुगु खः।

किपा नातीकाजी महर्जन 

महाविहार संघया निक्वःगु तःमुँज्याय अध्यक्षय् शुभकाजी शाक्ययात सर्वसम्मतं कथं ल्यःगु दु।

अथेहे न्हू ज्यासना पुचलय् प्रथम उपाध्यक्ष अमीररत्न शाक्य, द्वितिय उपाध्यक्ष गौतमरत्न शाक्ययात ल्यःगु खः।

मूछ्यान्जे संघरत्न शाक्य, छ्यान्जे राजेश शाक्य, दाँभरीं चैतन्यराज शाक्य, ल्यु दाँभरीं दिलिपरत्न शाक्ययात ल्यउगु खः।

दुजलय् विजयरत्न असंबरे, रोशन शाक्य, चन्द्रलोक शाक्य, मणिकर शाक्य, तिर्थ शाक्य, दुर्गादेवी शाक्य,लेखरत्न शाक्य, आनन्दरत्न शाक्य, अमीर कुमारी शाक्य, सुरेश शाक्य व अनित शाक्य पिन्त सर्वसम्मतं ल्यःगु खः।

येँ महानगरपालिकाया मेयर विद्यासुन्दर शाक्ययात छगु ज्याझ्वः दथुइ शाक्य महाविहार संघं हंगु दु।

येँ महानगरपालिकां ऐतिहासिक, पुरातात्विक, ज्याय् महत्वपूर्ण बहाः, बही, देगः, सतः, फल्चा थे जाःगु मूर्त सम्पदा पुनर्निर्माणया ज्या याउगुलि संघया खुक्वःगु साधारण सभा व निक्वःगु महाधिवेशनय् मेयर शाक्ययात सम्मन याउगु। सम्मान लिपा थःगु खँ तयेगु झ्वलय् मेयर शाक्यं येँ च्वंगु भाषा, संस्कृति, सम्पदा झीसं मयासा सुना याइ धका धयादीगु खः। वयकलं धयादीगु दु, ‘थनाया मूर्त, अमूर्त सम्पदा, संस्कृतिया संरक्षण नाप प्रवर्द्धनय् आः महानगरपालिकां निरन्तर याना वनेगु जुइ।’

येँ महानगरपालिकां २५ हजारनिसे ग्वाहालि यानागु गुँला बाजं आः २ लाख थ्यंगु दु धका धयादीसे येँया म्हसिका कथं काष्ठमण्डप न धका धयादीगु खः तयार जुइ धुकुगु खः।

उगु ज्याझ्वलय् बागमती प्रदेश सभाया सदस्य अजयक्रान्ती शाक्य व राजेश शाक्य, गुठी संस्थानया अध्यक्ष किरण शाक्य, लुम्बिनी विकास कोषया सदस्य सचिव सानुराजा शाक्य, २५ वडाया अध्यक्ष नीलकाजी शाक्यपिनिगु न उपस्थिति दुगु खः। संघया अध्यक्ष शुभकाजी शाक्यया सभाध्यक्षताय् जुगु उगु ज्याझ्वलय् मोति रत्न शाक्य व पुष्पराजन शाक्ययात ध्रुवतारा सिरपा नं देछागु खः ।