नेपाल ओलम्पिक कमिटी (एनओसी) या अध्यक्ष जीवनराम श्रेष्ठयात ओलम्पिक काउन्सिल अफ एशिया (ओसिए) मेरिट अवार्ड छगु ज्याझ्वः दथुइ लःल्हागु दु।

यूएईया दुवईलय् जुयाच्वंगु ४० क्वःगु ओसिएया महासभाय् श्रेष्ठयात (ओसिए) मेरिट अवार्ड लःल्हागु खः। एनओसीया अध्यक्ष श्रेष्ठयात उगु ज्याझ्वलय् ओसिए मेरिट अवार्ड लःल्हागु दुवईलय् दीम्ह एनओसीया महासचिव निलेन्द्रराज श्रेष्ठं धयादिगु दु। ओसिएया महासभाय् थीथी देय्या शहरय् लिपा जुइगु एशियाली कासाःतयगु बारेय् सहलहलिसें प्रस्ततिकरण जूगु खः।

४० क्वःगु महासभाय् चिनया ह्याङझाउय् सन २०२२, जापानया आइची–नागोया २०२६, कतारया दोहा २०३० व साउदी अरवया रियाद २०३४ य् जुइगु एशियाली कासाःया आयोजकतय्सं प्रस्तुतीकरण याःगु दुसाः एशियाय् ओलम्पिक आन्दोलनयात कया नं विशेष सहलह जूगु एनओसीया महासचिव श्रेष्ठं धयादिगु दु।

अथेहे महासभाय् २०२२ य् जुइगु मेगु २ कासाःतय्गु आयोजकतपाखें प्रगति प्रतिवेदनयात कया नं सहलह जूगु दु। वइगु मार्चय् बैंकक व चोनबुरीइ ६ क्वःगु एसियाली इन्डोर व मार्सल आर्ट कासाः व डिसेम्बर २०२२ य् चीनया शान्ताउलय् ३ क्वःगु एसियाली युवा कासात जुइत्यगु दु।

४० क्वःगु ओसिएया महासभाय् ब्वति कायेत यूएईया दुवईलय् झापिं एनओसीया अध्यक्ष जीवनराम श्रेष्ठ व महासचिव निलेन्द्रराज श्रेष्ठ थौं सोमबाः स्वदेश लिहा झाइगु ज्याझ्वः दु।

येँ महागनरपालिकाया प्रवक्ता लिसें १५ वडाया अध्यक्ष ईश्वरमान डंगोलं येँ महानगरया हरेक वडाय् सार्वजनिक शौचालय दय्केगु स्वीकृत नीति दय्काः नीति कार्यान्वयन गर्ने बजेट नं दुगु तर, कार्यान्वयनय् छुं समस्या दुगु धयादीगु दु।

विश्व शौचालय दिवसया अवसरय् सरसफाईया क्षेत्रय् ज्या याइगु सरकारी व गैरसरकारी संघसंस्थां याःगु ज्याझ्वलय् नवासें प्रवक्ता डंगोलं सार्वजनिक शौचालय धयाकथं नवइ धयागु मानसिकताया हुनिं गनं नं शौचालय दय्केगु योजना वयाकथं स्थानीयं हे विरोध याइगु धयादिल। ‘तर, आः झी पुलांगु अवस्थां थहांवय्धुन। थौंकन्हय्या शौचालय प्रविधियुक्त व वातावरणमैत्री जुइ’ डंगोलया धापू खः।

ज्याझ्वलय् खानेपानी मन्त्रालयया सचिव प्रमिलादेवी शाक्य बज्राचार्य सरकारं त्वनेगु लः व सरसफाइया लागिं विनियोजन याइगु बजेट बढ्न मगाःगुलिं गाक्क ज्या याय्मफूगु धयादिल। अथे हे, काठमाडौ उपत्यका खानेपानी व्यवस्थापन बोर्डया कार्यकारी निर्देशक सञ्जीव विक्रम राणा, पब्लिक हेल्थ इन्जिनियर्स नेपाल (सोफेन) या नायः अनिलभद्र खनाल, सरसफाइ विज्ञ शरद अधिकारीलिसें नं सरसफाइया नितिं शौचालयया महत्वबारे नवानादीगु खः।

गोष्ठीइ खानेपानी तथा ढल व्यवस्थापन विभागया ढल व्यवस्थापन तथा वातावरणीय सरसफाइ शाखाया प्रमुख प्रभात श्रेष्ठं सरसफाइया वर्तमान अवस्थायाबारे ज्यापौ न्ह्यब्वयादीगु खः। गुथिया प्राविधिक सल्लाहकार प्रकाश अमात्यं सार्वजनिक शौचालयया अवस्था छ्यलेफइगु प्रविधिया बिषयस नवानादीगु खः।

येँ महानगरपालिका वडा १८य् खुल्ला शारीरिक व्यायाम स्थल स्थापना जूगु दु। पुष्पलाल पार्कय् जडान यानातःगु शारीरिक अभ्यास उपकरणया महानगरका प्रमुख विद्यासुन्दर शाक्यं उलेज्या यानादिल। ज्याझ्वलय् नवासें महानगर प्रमुख शाक्यं महानगर क्षेत्र दुनेया खुल्ला थाय्यात उपयोग यायेत स्थानीययात इनाप यानादिल।

थःपिन्सं हरेक वडाय् म्ह्वतिं छगू पार्क दयेकाः छेँ लिक्क शारीरिक अभ्यास याय्गु थाय् दय्केगु योजना न्ह्याःवनाच्वनागु शाक्यया धापू खः। व झ्वलय् वडाध्यक्ष लिसें सम्पदा तथा पर्यटन समितिया कजि न्हुच्छेकाजी महर्जनं येँया दुनेया बस्तीया वडाय् थुकथंया खुल्ला व्यायाम स्थल थ्व हे न्हापांगु जूगु धयादिल । पार्कय् दुगु उपकरण दक्वं न्यु आनन्द टे«ड हाउसं जडान यानाब्यूगु खः।

व्यायाम स्थलय् स्काइ वाकर, एअर वाकर, क्रस टे«नर, सिट अप सिङ्गल, चेस्ट प्रेस, थाइ ची स्पिनर, साइकल, हर्स राइडर, डवल स्ट्याण्डिङ् ट्वीस्टर, पुस अप बार, व्याक एक्स्टेन्सन थुज्वःगु ११ ताजि सामग्री दु।

शेयर बजाःया न्हापागु वाःया न्हापागु दिं शेयर कारोबार कम जुगु दु। शेयर कारोबार मापक नेप्से परिसूचक दोहोरो अंकं घटे जुगु दु सा शेयर कारोबार रकम व कारोबार ल्याः कम जुगु दु।

नेप्से परिसूचक ११ दशमलव ६० अंकं घटे जुया २ हजार ७ सय ५७ दशमलव ५३ अंकय् कुहावंगु दु। ‘क’ वर्गया कम्पनीपिनिगु कारोबार माप याइगु सेन्सेटिभ इन्डेक्स न ३ दशमलव ७५ अंकं घटे जुगु दु।

परिसूचक नाप आइतबाः कारोबार तक कम जुगु दु। न्हिच्छि यकं जुगु ५४ हजार ६६४ कारोबार जक जुगु दु। ७८ लाख ९४ हजार ४८६ कित्ता शेयर किनबेच जुगुलि कारोबार रकम ४ अर्ब ३५ करोड ७३ लाख ९ हजार ३१९ रुपैयाँय् रोके जुगु दु।

देयन्यक थप २३८ म्ह कोरोना संक्रमण वंगु २४ घण्टाया देयन्यक थप २३८ म्हेसित कोरोना संक्रमण पुष्टि जूगु दु।

७ हजार ८ सय ४५ म्हेसिगु पीसीआर परीक्षण याउगुलि २३२ म्ह व १ हजार २ सय ७८ म्हेसिगु एन्टीजेन परीक्षण याउगुलि खुम्हयाना २३८ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणं छम्ह सीउगु दु। आइतबाः थपे जुगु नाप नेपालय् कोरोना संक्रमित जूपि ९ लाख १४ हजार ३३३ म्ह थ्यंगु दु।

अथेहे आःतक ११ हजार ४९६म्ह सी धुकुगु दु सा ८ लाख ३५९ म्ह संक्रमणमुक्त जुइ धुकुगु दु।