नेवाः विद्यार्थी युनियनया अध्यक्ष रिदेन महर्जनया अबु सुभ महर्जन मन्त।

मदुम्ह सुभ महर्जन ६६ दँयण््वंगु बुधबाः मदुगु खः।

वंगु २४ घण्टाय् देयन्यक थप २६० म्हेसित कोरोना सक्रमण पुष्टि जूगु दु।

८ हजार ६० म्हेसिगु पीसीआर परीक्षण याउगुलि २२७ म्ह व ३ हजार ८ सय ३८ म्हेसिगु एन्टीजेन परीक्षण याउगुलि २३ म्ह याना २६० म्ह कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् दने छम्ह सीउगु दु सा ३४९ म्ह संक्रमणमुक्त जूगु दु।

सरकारले राष्ट्रिय परीक्षा बोर्डया अध्यक्षय् महाश्रम शर्मायात नियुक्त याउगु दु।

थौं शुक्रवाः मन्त्रिपरिषदया निर्णय जुगु कथं नेपाल सरकारया प्रवक्ता नाप सञ्चार तथा सूचना प्रविधिमन्त्री ज्ञानेन्द्रबहादुर कार्की नं सरकारं राष्ट्रिय परीक्षा बोर्डया अध्यक्षय् महाश्रम शर्मायात नियुक्त यायेगु निर्णय जुगु जानकारी बिउगु दु।

अथेहे सरकारं क्रिसमस ’डे’ या लसताय् कन्ह्यः पुस १० गते शनिवाः सार्वजनिक बिदा बिइगु निर्णय जुगु दु धकाधाउगु दु।

अमेरिकाया न्युयोर्कय् च्वना च्वंपिं नेवाः तयेगु छगू संस्था नेवाः नखः या प्यक्वगु दँमुन्ज्या व न्हू ज्यासना पुचः ल्यःज्या क्वचाःगु दु।

अन च्वना वया च्वंपिं नेवाःत दथुइ यःमरी पुन्ही हंसे नेवाः नखः  न्यूयोर्कया मूछ्याञ्जे डा. नरेश मान शाक्यजुं जूममाध्यमं न्ह्याका दिगु दँमुन्ज्याया सभाध्यक्षताय् नखःया नायः बिष्णु मान प्रधानं याना दिगु खःसा मूपाहाँ नखःया संस्थापक नायः बीरेन्द्र प्रधानं ब्वति कयादीगु खः। उगु मूःज्याय् सकल ब्वतिकामिपिन्त न्वकूः बज्राचार्यं लसकुस याना दिगु खःसा नखःया संस्थापक नायः भाजु बीरेन्द्र प्रधान, संस्थापक छ्याञ्जे संजय शिलाकार व सल्लाहाकार राज कुमार श्रेष्ठजुं तःमुज्या सुथं लायेमा धका भिंतु्ना देछादिगु खः।

न्हुगु ज्यासना पुचलय् नायः महेन्द्र बीर बज्राचार्य, न्हापाम्हः मून्वकू डा. नरेशमान शाक्य, ल्युमूनकीं श्रुति अमात्य, मू–छ्याञ्जे तुलसी नारायण चित्रकार, छ्याञ्जे संगीता मुखिया छोंचू, दाँभरी सलोनी वन्त श्रेष्ठ, ल्यु–दाँभरी मेनी श्रेष्ठ पिन्त सर्वसम्मतं ल्यःगु खः । ज्यासना पुचलय् मू–दुजः कथं नम्रता प्रधान, दिपक कुमार प्रधान, महेन्द्र कुमार बज्राचार्य, संजन प्रधान, राधिका श्रेष्ठ, अभिषेक छोंचू व शोभना शाक्यपिन्त सर्वसम्मतं  ल्यःगु खः।

नखःयागु बिधान कथं निर्वतमान नायः बिष्णुमान प्रधान नखःया सल्लाहाकार जुयादीगु खः । नेवाः परम्परा, कला व संस्कृति म्वाःका तयेगु व न्ह्यःने न्ह्याःकेगुया नितिं सन् २०११ य् न्युयोकय् नेवाः नखः न्यूयोर्क निस्वःगु खःसा थ्व संस्थापाखेँ अमेरिकाय् नेवाःसमुदाय च्वन्ह्याकेगु नितिं थी थी ज्याःझ्वत न्ह्याःका वया च्वंगु दु।