ऐतिहासिक कमलपूखु पुननिर्माण सम्पन्न जुगु दु।

थौं छगु ज्यााझ्वः येँ महानगरपालिकाया मेयर विद्यासुन्दर शाक्यंं कमलपूखुया उलेज्या जुइ धका महानगरपालिकां जानकारी बिउगु दु।

कमलपूखु पर्यटकीय स्थल जुइगु धका मेयर शाक्यं दावी यानादीगु दु। आकाशे लः मुकां व लः शुद्धिकरण यायेगु योजनां पूखु पुननिर्माण जुगु धका धयादीगु खः।

न्हापा बेबारिसे व फोहोर जुयाच्वंगु पूखु आः परम्परागत, सांस्कृतिक व पर्यकटीय स्थल जुइगु धका मेयर शाक्यं दाबी यानादीगु दु।

राष्ट्रपति विद्यादेवी भण्डारीनाप नेपालय् निन्हुया नितिं औपचारिक भ्रमणय् वम्ह साउदी अरबया विदेश मन्त्री राजकुमार फैसल बिन फहरान अल साउदं शिष्टाचार भेट याउगु दु।

राष्ट्रपति कार्यालय महाराजगञ्जय् थौं मङ्गलवाः न्हिनय् नेपाल व साउदी अरब दथुइ सम्बन्धया विविध पक्षय् नाप पारस्परिक हितया विषयय् विचार–विमर्श जुगु खः।

उगु भेटय् राष्ट्रपति कार्यालय व परराष्ट्र मन्त्रालयया उच्च अधिकारीपिनिगु न उपस्थिति दुगु खः।

थौं सेयर बजाः परिसूचक नेप्से दोहोरो अंक कुहावंगु दु। निन्हुया दुने कारोबारय् १५० अंकय् कुहावंगु खःसा थौं मंगलबाः धासा नेप्से १७.१५ अंकं कुहावंया २६५०.९७ अंकय् बन्द जुगु दु।

मंगलबाः नेप्से नाप कारोबार रकम न कुहावंगु दु। आइतबाः करिब ५ अर्ब न्ह्यने थ्यःगु कारोबार रकम थौं साढे ३ अर्ब स्वया कुहावंगु दु। थौं न्हिच्छि बजारय् ३ अर्ब ३६ करोड ४२ लाख २९ हजारया कारोबार जुगु खः।

मंगलबाःनेप्से कुहावगुलि होटेल तथा पर्यटन, बिमा व म्युचुअल फन्डबाहेक दक्को उपसूचक कुहावंगु खः। नेपाल दुरसञ्चार कम्पनीया सेयर भाः दकलयु अप्पो ५.१३ प्रतिशतं कुहावंगु खः।

अथेहे यता इमर्जिङ नेपालया सेयर भाः थहावना सर्किट लेभलय् बन्द जुया सगरमाथा इन्स्योरेन्सया ६.६४ प्रतिशतं थहावंगु दु।

नेपाल दुरसञ्चार कम्पनीया दकलय् अप्पो ३४ करोड कारोबार जुगु दु सा अप्पी पावरया १२ करोड नेपाल लाइफया ११ करोड ८४ लाखया कारोबार जुगु दु। बजारय् १९३ कम्पनीया सेयर कारोबार जुगुलि १३० कम्पनीया सेयर भाः कुहावंगु खःसा ५२ कम्पनीया सेयर भाः थहावःगु खः। ११ कम्पनीया सेयर भाः धासा स्थिर जुगु दु।

वंगु २४ घण्टाया दुने थप ८३ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ४ हजार ७३४ म्हेसिगु पीसीआर परीक्षण याउगुलि ५७ म्ह व ३ हजार १५० म्हेसिगु एन्टीजेन परीक्षण याउगुलि २६ म्ह याना ८३ म्हेसित कोरोना संक्रमण पुष्टि जुगु दु।

अथेहे २४ घण्टाय् १३० म्ह कोरोना सक्रमणमुक्त व जुगु दु।

जुल शेयर बजार परिसूचक नेप्से थौं बुधवाः न घटे जुगु दु।

नेप्से थौं ३० दशमलव २९ अङ्कं घटे जुया २ हजार ५ सय १४ दशमलव ६५ विन्दुइ कुहावंगु दु। थौं दक्को समूहया शेयर घटे जुगु दु।

विकास बैंक, बीमा, जलविद्युत् व व्यापार समूहया शेयर तसकं कुहावंगु दु। २२९ गु कम्पनीया ४९ लाख ५९ हजार कित्ता शेयर २ अर्ब ३५ करोड २३ लाख रुपैयाँ कारोबार जुगु दु।

दकलय् अप्पो नेपाल दूरसञ्चार कम्पनीया १० करोड ५२ लाख रुपैयाँया शेयर किनबेच जुगु खः।

थौं दकलय् अप्पो विशाल बजार कम्पनीया शेयर झन्डै ६ प्रतिशत व सामुदायिक लघुवित्तया शेयर साढे ५ प्रतिशतं घटे जुगु दु। समग्र बजाः घटे जूसा माउन्टेन इनर्जी नेपालया शेयर ८ प्रतिशत स्वया अप्पो थहावंगु दु।