थौं मंसिर ३ गते सन् २०२१ या अन्तिम चन्द्र ग्रहण जुइगु दु।

थ्व वंगु ५ सय ८० दँ लिपा न्हापागु पटक ताः ई तक जुइत्यंगु खः। थौं जुइगु चन्द्र ग्रहण ३ घण्टा २८ मिनेट २४ सेकेन्ड तक जुइ।

थौं जुइगु चन्द्र ग्रहण चन्द्रमाय् ९७ प्रतिशत भाग ढाके जुइ। न्हिनय् करिब साढे १ बजे निसे ग्रहण उच्च बिन्दुइ थ्यनिइ। थ्व ५ सय ८० दँ लिपा ताः ई तक चन्द्र ग्रहणजुइत्यंगु खः। थ्व स्वया सन् १४४० या फेब्रुअरी १८ य् दकलय तहाकय्क चन्द्र ग्रहण जुगु खः।

आः थथे तहाकयक चन्द्र ग्रहण वइगु ८ फेब्रुअरी २६६९ य् जक जुइ। एसिया, अमेरिका, उत्तरी युरोप, अस्ट्रेलिया नाप प्रशान्त महासागरीय क्षेत्र लगायतपाखे थुगु ग्रहण न्हिनय् १ बजेर ३ मिनेटपाखे ४ बजे जुया ३२ मिनेट तक जुइ।

यलया कात्ती प्याखंया क्वचागु दु।

वंगु कात्तिक २४ गतेनिसे न्ह्याउगु खः।वि.सं. १६९७ य् यलया जुजु सिद्धिनरसिंह मल्लं देय् व जनताया कल्याणा जुइगु कथं थुगु प्याखं न्ह्याकूगु खः।

किपा मन्जित महर्जन 

किपू नगरपालिका वडा नं. ६, लनगोलय् श्री कृष्णेश्वर महाद्यःया देगः पुनर्निर्माणया लागि शिलान्यास जुगु दु।

कार्तिक २८ गते आइतबाः किपू नगरपालिकाया मेयर रमेश महर्जननाप उप–मेयर सरस्वती खड्का, वडा नं. ६ या अध्यक्ष न्हुच्छेबहादुर महर्जननाप वडा सदस्यपि उत्तम नेपाल, सुनिल डंगोल व मञ्जु बुढाथोकीपिन्स छगु ज्याझ्वः दथुइ मंकाः कथं शिलान्यास यानादीगु खः।

प्राकृतिक, धार्मिक, ऐतिहासिक नाप सांस्कृतिक महत्वया सम्पदा दुगु थुगु देगः चथा, शिलाह्रे व बालाह्रे कुन्हु मेला जुगु खः। कूल २९ लाख ५२ हजारया योजना दुगु थुगु देगः जिर्णाेद्धारया लागि थ्व हे कार्तिक २२ गते किपू नगरपालिकाय् सम्झौता जुइ धुकुगु खःसा चैत ३० गते तक ज्या क्वचायकेगु कथं सम्पन्न सम्झौता जुइ खः।

किपू नगरपालिकां किपूलिइ सञ्चालन जूयाच्वंगु सहकारी संस्थाच्वपिन्त छन्हुया तालिम सञ्चालन याउगु दु।

किपू नगरपालिका दुने च्वंगु सहकारी संस्थाया व्यवस्थापक व लेखा नाप कम्प्युटर अपरेटरपिन्त सम्पत्ति शुद्धिकरण निवारण व कोपोमिस सम्बन्धी तालिम आयोजना याउगु दु।कार्तिक २५ गते कीर्तिपुर बहुउद्देश्यीय सहकारी संस्थाया हलय् जुगु तालिम व कार्यशाला गोष्ठीइ कीर्तिपुर नगरपालिकाया मेयर रमेश महर्जनं उलेज्या यानादीगु खः।

नगरपालिकाया उप–मेयर सरस्वती खड्काया उपस्थितिइ जुगु उगु कार्यक्रमय् कीर्तिपुर सहकारी सञ्जालया अध्यक्ष नाप कीर्तिपुर बहुउद्देश्यीय सहकारी संस्थाया अध्यक्ष दिल बहादुर महर्जन लगायत थीथी सहकारी संस्थाया प्रतिनिधिपिनिगु न उपस्थिति दुगु खः।

कार्यक्रम इन्द्रबहादुर कार्कीं प्रशिक्षण यिादीगु खः।कीर्तिपुर नगरपालिका सहकारी शाखाया शाखा प्रमुख सुजिन्द्र महर्जनया सभाध्यक्षताय्जुगु खः।

थौं बिहीवाः शेयर बजाःया परिसूचक नेप्से घटे जुगु दु।

नेप्से थौं ३२ दशमलव ३९ अङ्कं घटे जुया २ हजार ७ सय ६९ दशमलव १३ विन्दुइ कुहावंगु दु। दक्को समूहया शेयर घटे जूसा विकास बैंक, जलविद्युत्, बीमा व उत्पादन समूहया शेयर यक्को कुहावंगु दु।

२ सय २४ कम्पनीया ९८ लाख ६२ हजार कित्ता शेयर ६ अर्ब २७ करोड रुपैयाँ कारोबार जुगु दु। दकलय् अप्वो नेपाल टेलिकमया ६० करोड रुपैयाँया शेयर किनबेच जुगु दु।

मैलुङ खोला जलविद्युत् कम्पनीयो शेयर दकलय् कम ५ प्रतिशतं घटे जुगु दु। समग्र बजार घटे जूसा मानुषी लघुवित्त व तेह्रथुम पावर कम्पनीया शेयर धासा १० प्रतिशतं थहावंगु दु।