सर्वोच्च अदालत परिसरय् कानून व्यवसयी व प्रहरी दथुइ घम्साघम्सी जुगु दु।

प्रहरीं धर्नास्थलय् कानून व्यवसयीपिन्त दुहावनेत रोके यायेत स्वायेगुलि निगु पक्ष दथुइ घम्साघम्सी जुगु दु। नियमित रुपं कानून व्यवसायपि धर्ना च्वनाच्वं थाय् सर्वोच्च परिसरय् थौं सुरक्षाकर्मीपिन्स घेरा तउगु खः।

कानून व्यवसायपि उगु थासय् वनेत स्वंगु इलय् प्रहरीं रोके याउगु खः। आन्दोलित कानून व्यवसायपि थःपि शान्तिपूर्ण धर्ना बिइ धासा सुरक्षाकर्मीपिन्स रोके याउगु खः।

म्हिगः निसें बदली जूगु मौसम थौं नं देय्यंक कायम जुइगु जूगु दु ।

थौं देय्यंक छुं भचा निसें सामान्य बदली जुया छुं थासय् वाः वइगु व च्वापुं गायेफइगु संभावना दु । मौसम पूर्वानुमान महाशाखाया कथं बाग्मती, गण्डकी, लुम्बिनी, कर्णाली व सुदूरपश्चिम प्रदेशया छुं थासय् छुं भचा वाः वइगु संभावना खनेदु ।

अथेहे देय्या उच्च पहाडी लागाय् वाः लिसें च्वापुं गाइगु व हिमाली लागाय् छुं भचा च्वापुं गाये फइगु संभावना दूगु नं महाशाखां न्ह्यथंगु दु  । थांै चान्हय् सुदूरपश्चिम, कर्णाली, लुम्बिनी, गण्डकी प्रदेश व वाग्मती प्रदेशय् सामान्य बदली जुया ल्यं दूगु प्रदेशय् छुं भचा निसें सामान्य बदली जुया छुं भचा वाः वइगु संभावना दु ।

छक्वःलं मौसम बदली जुइधुंका स्वनिगःलिसें देय्यंक ख्वामूगु अप्वःगु दु ।

येँया माइतीघर मण्डलाय् मोटरसाइकल दुर्घटना जुगुलि छम्हेसिगु ज्यान वंगु खः। वंगु चान्ह्यसिया २ बजे वाग्मती प्रदेश ०२–०२४ प ६७७१ नम्बरया मोटरसाइकल माइतीघर मण्डलाया जेब्राक्रस नाप पल्टे जुगु खः।

दुर्घटनाय् मोटरसाइकलया लिउने च्वम्ह काभ्रेया २१ दँ दुम्ह रोमन मल्लिकारया ज्यान वंगु दु धका प्रहरीं धाउगु दु। प्रहरीया कथं मोटरसाइकल पल्टे जुया मल्लिकार सतकया पेटीइ न्याउगु खः।

माइतीघर मण्डलाय् नाप हे अन्नपूर्ण न्यूरो अस्पतालय् उपचार यायेगु झ्वलय् मदुगु खः। मोटरसाइकलया चालकयात प्रहरीं ज्वंनातःगु दु।

चालु आर्थिक वर्ष २०७८÷७९ या न्हापागु त्रैमासया दुने नेपाल स्टक एक्सचेञ्चय् ४१ अर्ब ६० करोड रुपैयाँ न्हुगु शेयर (डिबेन्चर तक) थपे जुगु दु।

स्वलाया दुने सर्वसाधारणया लागि जारी जुगु साधारण शेयर (आईपीओ) जक ३ अर्ब ५६ करोड बराबरया सूचीकृत जुगु दु धका नेप्सें धाउगु दु। न्हापागु त्रैमासया प्रतिवेदन कथं ३ महिनाया इलय् १ अर्ब २८ करोड बराबरया बोनस शेयर व १ अर्ब २३ करोड बराबरया हकप्रद शेयर सूचीकृत जुगु दु। थ्वनाप ३३ अर्ब ३ करोड बराबरया डिबेन्चर व अर्ब ५० करोड बराबरया म्युचुअल फण्डत सूचीकृत जूगु दु धका नेप्सें धाउगु दु।

नेपाल स्टक एक्सचेन्ज लिमिटेडय् २०७८ असोजतक सूचीकृत ५ अर्ब ९१ करोड शेयरया चुक्ता मूल्य ५८१ अर्ब २६ करोड दु। असोजय् नेप्से सूचीकृत कम्पनीया ल्याः २२२ थ्यंगु दु। सूचीकृत कम्पनीमध्ये १४५ बैंक व वित्तीय संस्था व बीमा कम्पनी दु सा ४१ जलविद्युत् कम्पनी, १९ उत्पादन व प्रशोधन उद्योग, पाँच होटल, न्यागू लगानी कम्पनी, प्यंगु व्यापारिक संस्था व स्वंगु मेमेगु समूहया खः।

२०७७ असोजय् तक सूचीकृत कम्पनी २०९ थ्यंगु खः।

योगगुरु नाप पतन्जली योगपीठया सञ्चालक बाबा रामदेव व आचार्य बालकृष्णं नेकपा माओवादी केन्द्रया अध्यक्ष पुष्पकमल दाहाल प्रचण्ड नापलाउगु दु।

रामदेव व आचार्य रामदेव प्रचण्डयात नापलायेगु निति बिहीबाः खुमलटारस्थित प्रचण्ड निवासय् वंगु खः।

उमिसं प्रचण्डया जहान सीता दाहालया स्वास्थ्य अवस्थाया जानकारी कायेगु निति वंगु धका प्रचण्डया स्वकीय सचिव रमेश मल्लं जानकारी बिउगु दु।