अन्नपूर्ण देवी (असं भलु अजिमा) या द्यःछेँ पुननिर्माणया लागि शिलान्यास जुगु दु। येँ महानगर वडा २७ भोटाहिटीइ निर्माण जुगु थौं छगु ज्याझ्वः दथुइ महानगरया मेयर विद्यासुन्दर शाक्यं शिलान्यास यानादीग खः।

उगु द्यः छेँय् अन्नपूर्ण अजिमाया तिसाः, द्यः जात्राया मूर्ति नाप सम्बन्धित बाजं तयातइगु थाय् ख। शिलान्यास लिपा न्ववासे मेयर शाक्यं, सांस्कृतिक सम्पदाया मर्मत सम्भार व पुननिर्माणया लागि गुठीयारपिनिगु स्रोत मगाउगुलि राज्यपाखे महानगरं ग्वाहालि यानागु उल्लेख याउगु खः।

‘जिमिसं सम्पदा पुननिर्माणय् लगानी याये धका कार्यकालया सुरुनिसे धया वयाच्वनागु खः। उगु इलय् महानगरं लगानी यातकि सांस्कृतिक संरचना लितका वइ धका भ्रम फैलै याउगु खः। पुननिर्माण याना सञ्चालन व्यवस्थापनया लागि सम्बन्धित गुठीयारपिन्त जिम्मा बिइ धका धया वयाच्वनागु दु। गुठीयारपिन्स आः खँ थुइ धुकुगु दु। आः काःवःपि यक्को दत।’

‘सम्पदा पुननिर्माणय् जिमिगु कार्यकाल गुलि जुल मेगु इलय् जुगु मदुनि। दुने व पिने सहरी बस्तीया अवस्था, सामाजिक परिवेश कथं नवनिर्माण व पुननिर्माणय् ज्या यानागु दु।’ शाक्यं धयादीगु दु, ‘येँया इतिहास सम्पदानाप स्वाउगु दु। थुकियात बचे याना पर्यटन व्यवस्थापननाप अन्तरसम्बन्धित याये।’ तहगत सरकारया जिम्मेवारीमध्ये संस्कृति, सम्पदा, भाषा, कला, साहित्य बचे यायेगु जिम्मा स्थानीय सरकार याः खः।

उपमेयर हरिप्रभा खड्गी श्रेष्ठं धयादीगु दु, ‘जिमिसं सम्पदा बचे यायेगु नीति कार्यान्वयन यानागु दु। थुकिया लिच्वः वयाच्व.गु दु।’ द्यः छेँया पुननिर्माण अन्नपूर्ण द्यः छेँ उपभोक्ता समितिं दयकिइ।

समितिया अध्यक्ष रमेश महर्जनया कथं द्यः छेँय् पुननिर्माण २०७९ पुस मसान्त तक यायेगु लक्ष्य दु

२ आना २ दाम जग्गाय् निर्माण जुइगु भवन ४ तल्लाया जुइ। थुकिया पुननिर्माणया लागि महानगरं करिब ७६ लाख रुपैयाँ उपलब्ध याउगु खः।  महर्जनया कथं नेपाल संवत ९३१ य् द्यः छेँ पुननिर्माण जुगु शिलापत्र लुगु दु। तर गुवलय् द्यःछेँ दयकूगु धका सिइमदुनि। 

वंगु २४ घण्टाया दुने देयन्यक थप १२६ म्हेसित कोरोना भाइरस संक्रमण पुष्टि जुगु दु।

अथेहे छम्ह सीउगु दु। स्वास्थ्य तथा जनसंख्या मन्त्रालयया कथं ७ हजार ९१ म्हेसित पीसीआर परीक्षण याउगुलि १११ म्ह व १ हजार ८४२ म्ह एन्टीजेन परीक्षण याउगुलि १५ म्ह याना १२६ म्हेसित संक्रमण पुष्टि जुगु दु।

वंगु २४ घण्टाय् ३८५ म्ह कोरोना संक्रमणमुक्त जुगु दु।

समाजय् शान्ति व विकासया लागि मिसापिनिगु क्षमता अभिवृद्धि परियोजना अन्तर्गत निन्हुया नेतृत्व विकास तालिम क्वचाःगु दु।

किपू नगरपालिकाया समन्वय व ब्रोट (Brot) या ग्वाहालिं परिवर्तनका लागि सहकार्य नेपाल(CAN)या ग्वसालय् जूगु खः।

होटल हिल साइडय् जूगुु तालिमय् राजबहादुर गिरीं प्रशिक्षण बियादीगु खः।

किपू नगरपालिका वडा नं. ९ या ग्वसालय् लेखा व्यवस्थापन सम्बन्धी स्वन्हुयंकंया तालिम वंगु क्वचाःगु दु।

न्हापांगु चरणय् थ्वहे फागुन ३ गतनिसें ५ गतेतक नगांया सामुदायिक भवनय् जूगु उगु तालिम निगूगु पुचःया लागि फागुन १० गतेनिसें बादेगाः सामुदायिक भवनय् जूगु खः।

वडाया महिला सञ्जालया दुजःपिंत लेखा व्यवस्थापनय् ग्वाहालि जुइमा धकाः न्ह्याकूगु प्रशिक्षणय् सुभाष शर्मा व उमेशभक्त जोशीं प्रशिक्षण बियादीगु खः।

समापन ज्याझ्वलय् किपू नगरपालिकाया मेयर रमेश महर्जन, उप– मेयर सरस्वती खड्कालगायतं प्रशिक्षणय् ब्वतिकयादीपिंत दसि पौ लःल्हानादीगु खः।

किपू नगरपालिकाया मेयर रमेश महर्जनं किपू नगरपालिका वडा नं. ३ ससः रेष्टुरेण्टंनिसें सल्यानस्थान वनेगु लँया स्थलगत निरीक्षण यानादीगु दु।

उगु लँय् आः जवं खवं रिटेनिङ्ग वाल दयेकाच्वंगु खःसा आः याकनं हे ढलान व आसपाल पीच यायेगु जानकारी बियादीगु दु।

निरीक्षणय् वडा नं. ३ या अध्यक्ष राजेन्द्र महर्जन, वरिष्ठ इञ्जिनियर बालकृष्ण महर्जनपिं दुथ्याःगु खः।