नेकपा एमालेया उपमहासचिव प्रदीप ज्ञवालीं अमेरिकी सहयोग परियोजना एमसीसीं प्रचण्ड व माधव नेपालया अवसरवाद बालाक्क खनेदुगु दु धका धाउगु दु।

प्रेस चौतारी नेपाल, कैलालीं थौं धनगढीइ ग्वसाः ग्वंगु पत्रकार सम्मेलनय् न्ववानादीसे उपमहासचिव ज्ञवालीं प्रचण्ड व नेपाल सत्ताया लागि न्ह्याउगु न यायेत तयार जुगु दु धका एमसीसीं पुष्टि याउगु दु।

‘वयकःपि (प्रचण्ड व नेपाल) एमसीसी ठीक खः धका स्वीकार याउगु दु। कांग्रेसं एमालेनाप मिले जुया सभामुुख हटे यायेगु व एमाले कारबाही यापि १४ म्ह सांसदपिन्त पदच्युुत यायेगु जुुगुलि समर्थन याउगु खः’ ज्ञवालीं धाउगु दु, ‘निम्ह नेताया कारण थौं एमसीसी अमेरिका व चीन आमनेसामने जुइगु अवस्था वंगु दु।

थ्व झीगु लागि दुुर्भाग्यपूर्ण खः।’ एमालेया दबाब कारण सरकार स्थानीय तहया चुुनाव याउगु मिति घोषणा यायेत बाध्य जुगु  धका धाउगु खः।सिल्लागा द्धादशी ११४२, फागुन १६ सोमवाः

अमेरिकी सहयोग सम्बन्धी परियोजना मिलेनियम च्यालेन्ज कम्प्याक्ट (एमसीसी) सम्झौता म्हिगः आइतबाः व्याख्यात्मक घोषणा नाप प्रतिनिधिसभाय् बहुमतं अनुमोदन याउगु दु।

नेपालं सम्झौताय् ल्हाचिं तःगु ४ वर्ष ६ महिना व दर्ता जुगु २ वर्ष ८ महिनालिपा प्रतिनिधिसभां एमसीसी सम्झौता अनुमोदन याउगु दु। सम्झौताय् ल्हाचिं तःगु २०७४ भदौ २९ गते व अनुमोदन याउगु २०७८ फागुन १५ गते निकल हे प्रधानमन्त्री शेरबहादुर देउवा खःसा ल्हाचिंपि अर्थमन्त्री ज्ञानेन्द्रबहादुर कार्की व प्रतिनिधिसभाय् जनार्दन शर्मा अर्थमन्त्री खः।

२०७५ माघ २५ गते तत्कालीन अर्थमन्त्री युवराज खतिवडां मन्त्रिपरिषदय् एमसीसी संसदपाखे अनुमोदन यायेगु प्रस्ताव तःगु खः। उगु हे दिं मन्त्रिपरिषदं स्वीकृति याउगु खः। मन्त्रिपरिषदया उगु निर्णय लिपा तत्कालीन अर्थमन्त्री युवराज खतिवडां २०७६ असार ३० गते प्रतिनिधिसभाय् सम्झौता दर्ता याउगु खः।

१२ बुँदे व्याख्यात्मक घोषणा संसदं नेपाल, अमेरिकाया छु न सैन्य गठबन्धन सामेल जुइमखु, नेपालया संविधान कम्प्याक्ट व कम्प्याक्टनाप सम्बन्धित मेगु सम्झौता स्वया च्वयेलाः, एमसीए–नेपालया दक्को क्रियाकलाप नाप कोष लेखा परीक्षण महालेखा परीक्षकपाखे यायेगु व बौद्धिक सम्पत्ति नेपाःया स्वामित्व दुगु घोषणा याउगु खः।

नाप, एमसीसीया क्रियाकलाप÷कार्यक्रम सञ्चालन यायेगु इलय् नेपाःया कानून वा नीति उल्लंघन जुगु ठहर जुगुलि ३० दिं न्ह्यः पूर्व लिखित पूर्वसूचना बिया कम्प्याक्ट अन्त्य याये दइगु अधिकार दुगु घोषणा याउगु खः।

लोकतान्त्रिक समाजवादी पार्टीया अध्यक्ष महन्थ ठाकुरं अमेरिकी सहयोग परियोजना एमसीसी नेपाःया हितय् दु धका धाउगु दु।

आइतबाः प्रतिनिधिसभाय् एमसीसी सम्झौता छलफलय् भाग कासे वयकलं नेपाः गरिबी निवारण व सर्वसाधारणया जीवनस्तरय् सुधार यायेगु उद्देश्यं एमसीसी वंगु खः धका धाउगु दु।

वयकलं एमसीसीपाखे अमेरिकां छु न लादे याउगु मदु। ‘थुकिइ नेपाःया स्वतन्त्रताय् छु न आघात याइ मखु, अमेरिका याउगु उद्देश्य छु खः सकारात्मक दु।’ अध्यक्ष ठाकुरं थःगु दल एमसीसीया पक्षय् दु धका धाउगु दु।

आइतबाः न सेयर बजाः घटे जुगु दु। सेयर कारोबार मापक नेप्से परिसूचक ७.७३ अंकं घटे जुया २ हजार ६ सय ५३ दशमलव ७० अंकय् कुहावंगु दु।

समग्र कारोबार मापन याइगु नेप्से परिसूचकनाप  ‘क’ वर्गया कम्पनीपि कारोबार मापन याइगु सेन्सेटिभ इन्डेक्स न ०.७३ अंकय् घटे जुगु खः। कारोबार रकम न आइतबाः उल्लास खनेदुगु दु।

न्हिच्छियक ४९ हजार ६ सय ७० कारोबारपाखे २२४ कम्पनीया ७० लाख ४० हजार ५६३ कित्ता सेयर किनबेच जुगु खः। उकिपाखे कारोबार रकम ३ अर्ब २७ करोड ३० लाख ६५ हजार ९१० रुपैयाँ जुगु दु।

बजाः घटे जुया हाइड्रोपावर कम्पनीपि व मेमेगु समूहपाखे छु कम्पनीपिनिगु सेयर भाः बालागु दु। यक्को बढे जुगु एभरेष्ट इन्स्योरेन्सया संस्थापक समूहया सेयर न्हापागु खनेदु।

थुगु कम्पनीया सेयर भाः २० रुपैयाँ १० पैसा थहावंगु दु। अथेहे नेसनल हाइड्रोपावर कम्पनीया सेयर भाः १५ रुपैयाँ ८६ पैसां थहावना ३ सय ६६ रुपैयाँ थ्यंगु दु।

थ्व बाहेक चिलिमे, बरुण, आरएचपीएल, एचपीपीएल लगायतया कम्पनीपिनिगु सेयरया भाः थहावंगु दु।

अमेरिकी सहयोग परियोजना एमसीसीया विरोधय् माओवादी केन्द्रया कार्यकर्तापिन्स थौं न नयाँ बानेश्वर संसद भवन पिने प्रदर्शन याउगु दु।

युवा संगठन वाईसीएलया ध्वाँय् ज्वना उमिसं ‘एमसीसी राष्ट्रघाती’ धासे नाराबाजी यानाच्वंगु दु। तर उमिगु हे पार्टी नेकपा माओवादी केन्द्रया केन्द्रीय कार्यालयको विस्तारित बैठक एमसीसीया ब्याख्यात्मक घोषणा नाप संसदं अनुमोदन यासे निर्णय याउगु खः।

माओवादी केन्द्रया न्याम्ह नेतापि नारायणकाजी श्रेष्ठ, कृष्णबहादुर महरा, देव गुरुङ, गिरिराजमणि पोखरेल व लिलामणि पोखरेलं विरोध याउगु खः।

माओवादी बैठक लिपा च्वंगु सत्ता गठबन्धनं बैठकय् न एमसीसीयात थौं हे संसदपाखे अनुमोदन यायेगु निर्णय याउगु खः। एमसीसीया विरोधय् नयाँबानेश्वरय् प्रदर्शन याना हे वयाच्वंगु खः।

एमसीसी विरुद्धया प्रदर्शनय् एकीकृत समाजवादी, विप्लव नेतृत्वया नेकपा, राप्रपाया कार्यकर्तापिनिगु न सहभागी दुगु दु।