येँ महानगरपालिकाया मेयर विद्यासुन्दर शाक्यं बुद्ध बुगु देय् बुद्धया ज्ञान व सन्देशया प्रवर्धन याये कथं येँ महानगरपालिकां उकिया लागि ग्वाहालि यायेमाः धका धयादीगु दु।

येँ महानगरपालिकाया आर्थिक ग्वाहालिं निर्माण जुगु अन्तराष्ट्रिय बौद्ध भावना केन्द्रया न्हुगु धम्महल भवनया उलेज्या यानादीसे वयकलं अथे धयादीगु खः। ‘नेपाल बुद्ध जन्म जुगु देय् जुगु बुद्धया बारे अध्ययन यायेत व बुद्धया ज्ञान कायेत देश पिहावनेमाःगु बाध्यता आः न दु धासे यक्को सुझाव वल,’ मेयर शाक्यं धयादीगु दु, ‘थज्याउगु सुझावया सम्वोधन यासे येँ महानगरपालिकां बुद्ध जन्म जुगु देशय् बुद्धया ज्ञान व सन्देशया प्रवर्धन यायेमाः कथं ग्वाहालि याना वयाच्वनागु खः।’

अन्तराष्ट्रिय बौद्ध भावना केन्द्रया धम्महल भवन निर्माणया लागि महानगरपालिकां यानागु आर्थिक ग्वाहालि थुगु अभियान कथं जुगु धका वउकल धयादीगु खः। ‘येँ महानगरपालिकां करीब ३ करोड ७८ लाख आर्थिक ग्वाहालि याउगु खः।’

मेयर शाक्यं येँ महानगरपालिका दुने धर्म, संस्कृति, परम्परा बचे यायेगु दायित्व राज्यनाप महानगरपालिकाया न खः धासे अज्यागु ज्या येँ महानगरपालिका याना वयाच्वनागु दु धका धयादीगु खः।

नेवाः देय् दबू् येँ जिल्लाया स्वक्वःगु अधिबेसनं धनबहादुर तिमिलाया अध्यक्षताय् सर्वसम्मत न्हुगु कार्यसमित ल्यउगु दु।

अथेहे बरिष्ठ उपाध्यक्षय् श्रीजनमान श्रेष्ठ, उपाध्यक्षय् रामभोला श्रेष्ठ, रबिना श्रेष्ठयात ल्यउगु दु। सचिबपि धनबीर महर्जन, सुनिता महर्जन व कोषाक्ष्यक्षय् धर्मराज शाक्ययात ल्यउगु दु।

अथेहे दुजलय् सर्मिला जोशी, जितेन्द्र साय्मि, सुभाष शाही, बालकृष्ण श्रेष्ठ, निर्मला सिंह डंगोल, राजाराम, सुरेश शिल्पकार, सुनिल महर्जन,अमिता महर्जन, लक्ष्मी शाक्य, मायादेबि महर्जन बलामि, सुसान्त महर्जन, शम्भु मल्ल, श्यामकाजी श्रेष्ठ, कृष्णकुमार नकःमि, मन्दिरा श्रेष्ठ, धर्मेन्द्र महर्जन, सुरेन्द्र शाक्य, कमला महर्जनयात ल्यउगु खःसा संगठन बिभागया प्रमुखय् राकेश खड्गीयात ल्यगु खः।

मूपाहाँ येँ महानगरपालिकाया मेयर बिद्यासुन्दर शाक्य मूपाहाँ छगु ज्याझ्वः दथुइ येँ जिल्लाया स्वक्वःगु अधिबेसन उलेज्या यानादीगु खः।

प्रमुख प्रतिपक्ष दल नेकपा एमालेया अध्यक्ष केपी शर्मा ओली न नेपाली कांग्रेसनाप थपिन्स छलफल न्ह्याकल नेकपा माओवादी केन्द्र व नेकपा एकीकृत समाजवादी ग्याउगु दु धका धाउगु दु।

एमालेनाप छलफल न्ह्यने यकगुलि माओवादी अध्यक्ष पुष्पकमल दाहाल प्रचण्ड व एकीकृत समाजवादीया अध्यक्ष माधवकुमार नेपालं प्रधानमन्त्री शेरबहादुर देउवायात नाप लाना एमसीसी पास यायेगु वचं बिउगु दु धका थःत जानकारी वंगु दु धका ओलीं धाउगु दु।

शनिबाः येँ जुगु प्रगतिशील नाप पेशागत कानुन व्यवसायी संगठन, नेपालया निगु राष्ट्रिय सम्मेलनय् न्ववासे अध्यक्ष ओलीं एमसीसीबारे कांग्रेसं थःगु पार्टीनाप छलफल यायेव प्रचण्ड व नेपाल गठबन्धन त्वाधइ धका ग्याउगु दु धका दावी तक यानादीगु खः। अध्यक्ष ओलीं सत्तारुढ गठबन्धनं निलम्बित प्रधानन्यायाधीश चोलेन्द्रशमशेर जबराविरुद्ध तःगु महाअभियोग प्रस्ताव संसदय् निर्णयार्थ प्रस्तुत जुइ मखु धका न दावी यानादीगु दु।

उगु प्रस्ताव संसदय् निर्णयार्थ पेश यायेत मखु न्यायालययात अझ अस्तव्यस्त यायेत स्वंगु दु धका अध्यक्ष ओलीं तर्क यानादीगु दु। ओलीं न्यायालय सत्तारुढ दलया सेटिङय् न्ह्याउगु तर थःगु दलं सेटिङ याउगु धका मखुगु प्रचार यानाचवंगु दु धयादीगु खः।

नेकपा एमालेया उपाध्यक्ष रामबहादुर थापा बादलं नेपाली राजनीतिइ याकन हे न्हुगु ध्रुवीकरण जुइ धका धाउगु दु।

नेकपा एमाले न शनिबाः वीरेन्द्रनगरय् जुगु कर्णाली प्रदेश स्तरीय प्रशिक्षण ज्याझ्वलयर््  सम्बोधन यासे बादलं अमेरिकी सहयोग परियोजना एमसीसीया कारण राष्ट्रिय राजनीतिइ न्हुगु ध्रुवीकरण जुइगु दावी याउगु दु।

‘थ्व स्वार्थ न दयकूगु अवसरवादीपिनिगु गठबन्धन खः, अवसरवादीपिन्स एमालेयात याकचा यायेत स्वल। एमसीसीया कारण आः छन्हु निन्हुया दुने गठबन्धन त्वाधलि व, राष्ट्रिय राजनीतिइ ध्रुवीकरण जुइ’ उपाध्यक्ष बादलं धाउगु दु।

बादलं आः सत्ता गठबन्धनयात प्रतिक्रियावादी व अवसरवादीया संज्ञा बिउगु दु। एमालेया नेतृत्वय् जक समृद्धि सम्भव दुगु धासे वयकलं निर्वाचनय् बहुमत हयेगु तयारी यायेत कार्यकर्तापिन्त निर्देशन बिउगु दु।

सत्तारुढ नेपाली कांग्रेस व प्रमुख विपक्षी दल नेकपा एमाले दथुइ छलफल सुरु जुगु दु।

एमाले नेतापि छलफलया लागि नेपाली कांग्रेसया नेतापि एमाले अध्यक्ष केपी शर्मा ओलीया निवास बालकोट वंगु दु। बालकोटय् शीर्ष नेतापि बैठक कांग्रेस व एमालेया निगु तहया नेतापि दथुइ छलफल जुगु दु।

अमेरिकी सहयोग परियोजना एमसीसी सम्झौता अनुमोदनया लागि नेपाली कांग्रेसं प्रमुख विपक्षी दल एमालेया साथ फ्वंगु खः। तर एमाले न थःपिन्स वंगु साउनय् १४ सांसदपिन्त कारबाही यायेत संसदं मान्यता बिइमाःगु नाप सभामुखयात हे हटे यायेमाःगु अडान कयावयाच्वंगु खः।

सत्तारुढ गठबन्धनय् दुगु दल नेकपा माओवादी केन्द्र व नेकपा एकीकृत समाजवादी एमसीसी सम्झौता अनुमोदन यायेत तयार मजुगुलि कांग्रेसं एमालेनाप छलफल न्ह्याकूगु खः।