राष्ट्रिय जनमोर्चा न न्यागु दलीय गठबन्धनपाखे अलग जुइगु घोषणा याउगु दु।

जनमोर्चाया सोमबाः च्वंगु केन्द्रीय सचिवालय बैठकं गठबन्धनपाखे अलग जुइगु निर्णय याउगु दु।

कञ्चनपुरया शुक्लाफाँटा नगरपालिका ८ नम्बर वडाध्यक्ष बहादुरसिंह महरां एमसीसी सम्झौता अनुमोदन यायेत ग्वाहालि याउगु पार्टी नेकपा माओवादी केन्द्रया सदस्यता त्याग याउगु दु।

वयकलं थौं सुथय् १० बजे जनतानाप माफी फ्वसे वडाध्यक्ष पदपाखे न राजीनामा बिइगु घोषणा याउगु दु। वयकलं थःगु फेसबूकय् च्वंगु दु, ‘थौंनिसे नेकपा माओवादी केन्द्रं राष्ट्रघाती एमसीसी सम्झौता पारित यायेत थीथी बहानाय् ग्वाहालि याउगुलि थौनिसे माओवादी केन्द्रया सदस्यता त्याग यासे राष्ट्रिय स्वाधीनता रक्षाया लडाइँ थःगु अमूल्य जीवन समर्पित यायेगु संकल्प याये।

नाप देश मिइपिनिगु वडाध्यक्ष पदपाखे जनता नाप माफी फ्वना राजीनामा यायेगु घोषणा यानाच्वना।’

नेकपा माओवादी केन्द्रया अध्यक्ष पुष्पकमल दाहाल प्रचण्डं पत्रकार सम्मेलन याइगु जुगु दु।

थौं न्हिनय् छगु पत्रकार सम्मेलन याइगु जुगु दु धका वयकःया सचिवालय धाउगु दु।

अमेरिकी सहायता सम्झौता (एमसीसी) या सन्दर्भय् प्रचण्ड थःगु धारणा तयेत्यंगु दु। आइतबाः प्रतिनिधिसभाया बैठकं व्याख्यात्मक घोषणा नाप एमसीसी पारित याउगु खः।

एमसीसीया सन्दर्भय् माओवादीया तसकं आलोचना जुगु खः।

नयाँ बानेश्वरय् संसद भवन न्ह्यने मुख्य सतकय् शंकास्पद वस्तु खनेदुगु दु।

येँ प्रहरी परिसरया प्रवक्ता एसपी दिनेशराज मैनाली संसद भवन न्ह्यने बम थे याउगु शंकास्पद वस्तु खनेदुगु धका जानकारी बिउगु दु।

शंकास्पद वस्तु खनेदुगुलि अन सुरक्षा बिउगु दु। मुख्य सतक बन्द याउगु दु । उगु वस्तु निष्क्रिय यायेगु लागि नेपाली सेनाया डिस्पोजल टोलीयात खबर बियागु दु धका एसपी मैनालीं धाउगु दु।

प्रेसर कुकुर थे जागु शंकास्पद वस्तुइ नो एमसीसी च्वयातःगु खः।

लुँ तोलां म्हिगः १४ सय रुपैयाँ घटे जुगु थौं तोलां थौं १६ सय रुपैयाँ थहावंगु दु।

थौं तोला ९८ हजार २ सय रुपैयाँ थ्यंगु दु धका नेपाल सुनचाँदी व्यवसायी महासङ्घ न धाउगु दु।

अथेहे वहः तोलां ४५ रुपैयाँ थहावंगु दु। थौं वहः तोलाया १३ सय ४० रुपैयाँ थ्यंगु दु।