वंगु २४ घण्टाया दुने देयन्यक थप १५५ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं २ हजार २३९ म्हेसिगु पीसीआर परीक्षणय् १०१ म्ह व २ हजार ९१३ एन्टिजेन परीक्षणमा ५४ याना १५५ म्हेसित संक्रमण पुष्टि जुगु दु।

कोरोना संक्रमणया कारण वंगु २४ घण्टाय् निम्ह सीउगु दु। अथेहे ५४० म्ह संक्रमणमुक्त जुगु दु।

जनता समाजवादी पार्टी (जसपा) न अमेरिकी सहयोग परियोजना (एमसीसी) सम्झौताबारे थौं निर्णय याइगु जुगु दु।

केन्द्रीय कार्यकारिणी समितिं थौंया बैठकं एमसीसी सम्झौताबारे निर्णय काइगु धका प्रचार विभाग प्रमुख डम्बर खतिवडां धाउगु दु।

शुक्रबाःया बैठकं एमसीसी सम्झौता अध्ययन यायेत कार्यकारिणी सदस्यपिन्त वितरण याउगु खः। थौंया बैठकय् सदस्यपिन्स थःथःगु धारणा तइगु व पार्टीया आधिकारिक धारणा तय याइगु धका धाउगु दु।

संघीय परिषद अध्यक्ष डा. बाबुराम भट्टराई न एमसीसी सम्झौता अनुमोदन यायेमाः धया वयाच्वंगु दु सा पार्टी अध्यक्ष उपेन्द्र यादव थुगु विषय थःगु धारणा तःगु मदुनि।

एमसीसी सम्झौता संसदपाखे अनुमोदन यायेगु कि मयायेगु धइगु विषय राष्ट्रिय राजनीति हे तरंगित जुगु इलय् सत्ता साझेदार दल जसपा अनिर्णित दु।

नेकपा माओवादी केन्द्रया नेता नारायणकाजी श्रेष्ठं अमेरिकी सहयोग परियोजना एमसीसी अनुमोदनया लागि सहज यायेगु कथं थःगु दलं संसद बैठक बहिस्कार याना मवनेगु दाबी याउगु दु।

एमसीसीबारे एकीकृत समाजवादी पार्टी सम्वद्ध भ्रातृ संगठनं याउगु ज्याझ्वलय् श्रेष्ठं थःपि यथास्थितिइ एमसीसी अस्वीकार यायेत न्ह्या वनेगु जुइ धका धाउगु खः।

मतदानया इलय् संसदया बैठकय् अनुपस्थित जूया वा बैठक बहिस्कार याना एमसीसी पारित यायेत ग्वाहालि जुइगु छु सहमति याये मफु धका दाबी यासे विपक्षय् मत बिइ धका धाउगु दु।

लुँ तोलां थौं द्धःति क्वहावंगु दु।

थौं तोलां द्धःछि क्वहावया ९८ हजार रुपैयाँ कारोबार जुगु दु धका नेपाल सुनचाँदी व्यवसायी महासंघं धाउगु दु।

अथेहे, तेजाबी लुँ तोला ९७ हजार ५०० रुपैया कारोबार जुगु दु।

वंगु २४ घण्टाय् दुने देयन्यक नेपालय् २ सय ७५ म्हेसित कोरोना भाइरसया सङ्क्रमण पुष्टि जुगु दु।

पीसीआर व एन्टिजेन याना ८ हजार ६ सय २८ म्हेसित नमुना परीक्षण याउगुलि २ सय ७५ म्ह सङ्क्रमण पुष्टि जुगु दु धका स्वास्थ्य तथा जनसङ्ख्या मन्त्रालयं धाउगु दु।

अथेहे ५ सय ५५ म्ह कोरोनामुक्त जुगु दु। थ्व नाप कोरोना सङ्क्रमणमुक्त जुगु दु धका ९ लाख ५५ हजार ४ सय ५८ म्ह थ्यंगु दु।