प्रतिनिधिसभाया बैठक थौं न स्थगित जुगु दु। बैठक थ्व हे फागुन १५ गते तकया लागि स्थगित जुगु दु।

बैठक वइगु आइतबाः न्हिनसिया १ बजे च्वनिइगु सूचं जारी याउगु दु। बैठक म्हिगः बिहीबाः न लिपाउगु इलय् स्थगित जुगु खः। थौंया बैठकय् अमेरिकी सहयोग परियोजना (एमसीसी) सम्झौताय् सैद्धान्तिक छलफल यायेगु तयारी दुगु खः।

सत्तारूढ दल हे एमसीसीया विषय विमति दया वयाच्वंगु खः। एमसीसी अनुमोदन यायेगु विषय प्रधानमन्त्री शेरबहादुर देउवां प्रमुख प्रतिपक्ष दल नेकपा (एमाले) नाप न छलफल यानाच्वंगु खः।

सत्तारुढ नेकपा (माओवादी केन्द्र) व एकीकृत समाजवादी पार्टी न गठबन्धन बचे यायेगु व अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) नेपाल कम्प्याक्ट सम्झौता अनुमोदन न यायेगु लँ ल्यउगु दु।

एमसीसीया कारण गठबन्धन त्वाधलीइग अवस्था वउगुलि निगु हे दल विपक्षय् मत बिइगु अडानपाखे लिहावंगु खः। आः निगु हे दलं एमसीसी अनुमोदनया लागि निर्णयार्थ पेश यायेत पास जुइगु वातावरण दयकेगु कथं संसद बहिष्कार याइगु जुगु दु।

उमिसं थुगु जानकारी प्रधानमन्त्री शेरबहादुर देउवायात जानकारी बिउगु खः। आः गठबन्धन ल्यकेत जूसा एमसीसी अनुमोदनया लागि निर्णयार्थ प्रस्तुत जुलकि बहिष्कार याना ग्वाहालि यायेगु’ माओवादी केन्द्रया छम्ह नेतां धाउगु दु। माओवादी केन्द्रं शुक्रबाः च्वंगु पूर्वस्थायी कमिटी सदस्यपिनिगु बैठकं गठबन्धन ल्यकेगु निति मागु कथं ज्या यायेगु निर्णय याउगु खः।

आः माओवादी व एकीकृत समाजवादीं एमसीसीया विरुद्धय् भाषण याना बहिष्कार यायेगु जुइ’ छम्ह नेतां धाउगु दु, ‘कांग्रेस, जसपा व लोसपां पक्षय् मतदान याइ, एमाले न वेल घेरे याइ, अथे याना एमसीसी पास जुइ, गठबन्धन बचे जुइ।

बिहीबाः कांग्रेसनाप निगु चरण व माओवादी केन्द्रनाप जुगु छलफलय् एमाले न सभामुख अग्निप्रसाद सापकोटायात बहिर्गमन व १४ म्ह सांसदपिनिगु पद खारेजीया पूर्वशर्त तया न्ह्यने वनाच्वंगु खः। तर एमाले व कांग्रेस दथुइ छलफल जुइवं माओवादी केन्द्र व समाजवादी झस्के जुगु खः।

नेपाली कांग्रेस व नेकपा एमालेया शीर्ष नेतापि दथुइ थौं न छलफल जुइगु दु।

पोखरा वम्ह एमाले अध्यक्ष केपी शर्मा ओली थौं येँ थ्यनेवं निगु हे दलया नेतापि दथुइ छलफल जुइत्यःगु खः। ‘म्हिगः न छलफल जुगु खः, खँ मिले जुगु मदुनि।

थौं बहनि न छलफल जुइ,’ एमाले उपाध्यक्ष विष्णु पौडेलं धाउगु दु। अमेरिकी सहयोग परियोजना एमसीसी अनुमोदन यायेत सत्तारुढ गठबन्धनपाखे ग्वाहालि मजुगुलि प्रधानमन्त्री शेरबहादुर देउवां एमालेया ग्वाहालि कायेत स्वंगु खः।

जनता समाजवादी पार्टी (जसपा) नेपालया केन्द्रीय कार्यकारिणी समिति च्वनिइगु जुगु दु।

अमेरिकन सहयोग सम्बन्धी सम्झौता एमसिसीया विषय पार्टीया धारणा तय यायेत कार्यकारिणी समितिया बैठक च्वनेत्यmगु दु।

थौं न्हिनय् १२ बजे बैठक च्वनेत्यःगु दु। एमसीसीयात कया जसपा निगु धारय् दु। उपेन्द्र यादव पक्ष एमसीसीया विपक्षय् दु सा डा.बाबुराम भट्टराई एमसीसीया पक्षय् दु।

थुगु कारण पार्टी तज्याइगु आशंका जुगु इलय् कार्यकारिणी समितिया बैठक च्वनेत्यंगु खः। जसपाया प्रमुख सचेतक प्रमोद साहया कथं पार्टी न एमसीसीया विषय छगु हे निर्णय कायेत्यःगु खः।

थौं न्हिनय् १ बजे प्रतिनिधिसभाया बैठक च्वनेत्यःगु खः।

नेकपा (एमाले) न थौं स्थानीय निर्वाचन प्रयोजनया लागि निर्वाचन आयोगय् दल दर्ता यायेत्यःगु दु।

उकिया लागि महासचिव शंकर पोखरेलया नेतृत्वय् थौंन्हिनय् १२ः३० बजे पार्टीया प्रतिनिधिमण्डल आयोग वनेत्यःगु दु।

सरकारं वइगु वैशाख ३१ गते स्थानीय तहया चुनावया मिति घोषणा यायेवं निर्वाचन आयोगं थ्व हे फागुन ५ निसे १५ तक दल दर्ताया ई क्वछिनातःगु खः।