वंगु २४ घण्टाया दुने देयन्यक थप ४७६ म्हेसित कोरोना भाइरस संक्रमण पुष्टि जुगु दु।

अथेहे स्वम्हेसिगु ज्यान वंगु दु।

स्वास्थ्य तथा जनसंख्या मन्त्रालयया कथं ६ हजार ६०४ म्हेसिगु पीसीआर परीक्षण याउगुलि २९९ म्ह व २ हजार ८२० म्हेसिगु एन्टिजेन परीक्षण याउगुलि १७७ म्ह याना ४७६ म्हेसित संक्रमण पुष्टि जुगु दु।

वंगु २४ घण्टाय् देयन्यक ८३१ म्ह कोरोना संक्रमणमुक्त जुगु दु।

शेयर बजार परिसूचक नेप्से थौं मङ्गलवाः १७ अङ्क स्वया अप्पो थहावंगु दु।

नेप्से थौं १७ दशमलव ४२ अङ्कं थहावना २ हजार ७ सय ३५ दशमलव ४२ विन्दुइ थ्यंगु दु।

थौं उत्पादन व लगानी समूह बाहेक दक्को समूहया शेयर थहावंगु दु। दकलय् अप्पो निर्जीवन बीमा समूहया शेयर १ सय २८ अङ्क स्वया अप्पो थहावंगु दु।

थौं २ सय २८ कम्पनीया ६० लाख ८१ हजार कित्ता शेयर ३ अर्ब २१ करोड रुपैयाँ कारोबार जुगु दु। दकलय् अप्पो नेपाल दूरसञ्चार कम्पनीया २१ करोड ४९ लाख रुपैयाँया शेयर किनबेच जुगु दु।

मैलुङ खोला जलविद्युत् कम्पनी व युनाइटेड मर्दी जलविद्युत् कम्पनीया शेयर १० प्रतिशतं थहावना सकारात्मक सर्किट थ्यंगु दु। बजाः बढे जूसा सभिल लघुवित्त वित्तीय संस्थाया शेयर २ प्रतिशतं घटे जुगु दु।

लुँ तोलां थौं च्यासः थहावंगु दु।

थौ तोलां च्यासः थहावना ९७ हजार रुपैयाँ थ्यंगु दु धका नेपाल सुनचाँदी व्यवसायी महासङ्घ धाउगु दु।

अथेहे वहः तोलां न थौं झीन्यातका थहावंगु दु।

थौं झीन्यातका थहावना वहः तोलां १३ सय १५ रुपैयाँ थ्यंगु दु धका महासङ्घं धागु दु।

नेपाली कांग्रेसया महामन्त्री गगन थापां अमेरिकी सहयोग परियोजना एमसीसीया पक्षय् मतदान मयासा नेकपा माओवादी केन्द्र व एकीकृत समाजवादीं सरकार त्वतेमाः धका धाउगु दु।

भरतपुर विमानस्थलय् मंगलबाः महामन्त्री थापां सत्तारुढ दलं हे सरकारं संसदय् पेश याउगु एमसीसी सम्झौताया विपक्षय् मतदान यासा गठबन्धनया औचित्य व हे दिं क्वचाइ धका धाउगु दु।

सरकारं हःगु प्रस्तावया विपक्षय् मतदान यायेगु, अले सरकारय् च्वनेगु धायेगुु अनैतिक जुइ धका कांग्रेस महामन्त्री थापा धाउगु खः।

मतदानया इलय् प्वाःस्यात धका छेँ च्वनिइगु, मेगु दिं ठीक जुल धका गठबन्धनय् लिहावयेगु खँ मिले मज्य्र धका थापां धाउगु खः।

कम्युनिष्टया नेतृत्वय् दुगु व कम्युनिष्ट सहभागी जुगु सरकारं थीथी इलय् एमसीसी सम्झौता न्ह्यने वंगु ज्याय् विरोध यायेगु औचित्य मदु धका धाउगु खः

यलय् गाडी दुर्घटना जुया छम्हेसिगु ज्यान वंगु दु।

यल महानगरपालिका–१५ एन्फा न्ह्यने थौं सुथय् ४ बजेति डेलिभरी भ्यान दुर्घटना जुगु इलय् महाङ्काल गाउँपालिका–३ गोटीखेलया ६६ दँ दुम्ह सन्तप्रसाद तिमल्सिनाया ज्यान वंगु दु धका प्रहरीं धाउगु दु।

प्रदेश नम्बर ३–०१०२४ च ४१४७ नम्बरया भ्यान अनियन्त्रित जुया पल्टे जुगु धका प्रहरीं धाउगु दु। भ्यानया चालकयात प्रहरीं ज्वनातःगु दु।