नेकपा माओवादी केन्द्रया अध्यक्ष पुष्पकमल दाहाल प्रचण्डं थः अमेरिकी सहयोग परियोजना मिलेनियम च्यालेन्ज कम्याक्ट एमसीसीया विपक्षय् दु धका धाउगु दु।

आइतबाः सरकारं प्रतिनिधिसभा बैठकय् एमसीसी सम्झौता टेबल यायेवं थःगु सामाजिक संजाल फेसबुकय् प्रचण्डं विवाद व विरोधया दथुइ पेश याउगु धका टिप्पणी यागु खः। वयकलं फेसबुकय् च्वंगु दु, ‘विवाद व बिरोधया दथुइ सरकारं एमसीसी टेबल याउगु खः।

जिमिगु पार्टी व संसदीय दलं एमसीसीया विपक्षय् दनिइगु न्हापा हे थःपिनिगु मत तये धुकागु दु धका स्पष्ट याये धुकागु दु।’ प्रचण्डं एमसीसी टेबुल याये मज्यु धका विरोधय् कुहावःपि प्रदर्शनकारीपिन्त प्रहरीं याउगु दमनया न विरोध याउगु दु।

अमेरिकी सहयोग परियोजना एमसीसीया विरोधय् जुगु सतक आन्दोलनय् प्रहरीं गोली चले याउगु दु।

बानेश्वर क्षेत्रय् जुयाच्वंगु प्रदर्शनय् तच्वयवं प्रहरीं रबरया गोली चले याउगु दु। बानेश्वरय् तनावग्रस्त जुगु दु। एमसीसी सम्झौता संसदय् टेबल यायेत दलपि तयार जुइवं निर्णय उगु विरोधय् प्रदर्शनकारीपिन्स न्हुगु बानेश्वर क्षेत्रय् प्रदर्शन केन्द्रित जुगु खः।

प्रदर्शनकारीपिन्स निषेधित क्षेत्र त्वाथला संसद भवनपाखे न्ह्यने वनेव प्रहरीं लःया फोहरा व अश्रुग्यास प्रहार याउगु खः। वया लिपा प्रहरीं गोली पनि चले याउगु खः।

अमेरिकी सहयोग परियोजना एमसीसीया विषयमा छलफल यायेत सत्ता गठबन्धनया बैठक सुरु जुगु दु।

बैठक प्रधानमन्त्री निवास बालुवाटारय् न्ह्याउगु खः। एमसीसी संसदय् पेश यायेगु कि मयायेगु विषय सत्ता साझेदार दल दथुइ बिभाजित जुया कूटनीतिक क्षेत्रय् असर मजुइगु कथं एमसीसी उपयुक्त विकल्प मालेगु कुतः बैठकय् जुइ धका छम्ह नेतां धाउगु दु।

मंकाः धारणा दयकेगु कुतलय् तकमछि सत्ता गठबन्धनया बैठक निष्कर्षविहीन जुगु खः। वंगु शुक्रबाः च्वंगु गठबन्धनं बैठकलिपा सरकारया प्रवक्ता नाप सञ्चारमन्त्री ज्ञानेन्द्रबहादुर कार्की न आइतबाःया बैठक निर्णायक जुइ धका धाउगु खः।

कैलालीइ प्रहरीं लागुवासः नाप निम्हेसित ज्वंगु दु।

इलाका प्रहरी कार्यालय लम्की व इलाका प्रहरी कार्यालय चिसापानीपाखे खटे जुउगु टोली न लम्कीचुुहा नगरपालिका–३ या २२ दँ दुपि वीरेन्द्र बिष्ट व २८ दँ दुम्ह राजु सुनारयात प्रहरीं ज्वंगु दु।

जिल्ला प्रहरी कार्यालयया प्रवक्ता प्रहरी नायब उपरीक्षक (डीएसपी) वेदप्रकाश जोशीं विशेष सूचंया आधारय् बिष्टया छेँय् खानतलासी याउगुलि निम्हेसित लागु वासः दयकाच्वंगु अवस्थाय् ज्वनागु धका जानकारी बिउगु खः।

उपिपाखे प्लाष्टिक, सूका नाप १२ ग्राम ९८० मिलिग्राम हिरोइन बरामद याना माःगु अनुसन्धान जुयाच्वंगु दु धका प्रहरीं धाउगु दु।

अमेरिकी सहयोग परियोजना एमसीसीया विषयमा छलफल यायेत सत्ता गठबन्धनया बैठक च्वनेत्यःगु दु।

बैठक थौं सुथय् १० बजे प्रधानमन्त्री निवास बालुवाटारय् च्वनेत्यःगु दु। थुगु बैठकं एमसीसी संसदय् पेस यायेगु कि मयायेगु विषय मंकाः धारणा क्वछिइगु त्यंगु खः।

मंकाः धारणा दयकेगु कुतलय् तकःमछि सत्ता गठबन्धनया बैठक च्वंसा निष्कर्षविहीन जुयाच्वंगु खः। वंगु शुक्रबाः च्व.गु गठबन्धनया बैठक लिपा सरकारया प्रवक्ता नाप सञ्चारमन्त्री ज्ञानेन्द्रबहादुर कार्की न आइतबाःया बैठक निर्णायक जुइ धका धाउगु खः।

अमेरिकी सरकारं नेपाःया संसदपाखे एमसीसी पास यायेत थ्व हे फागुन १६ गते तक ई बिउगु खः।