नेकपा एमालेया अध्यक्ष नाप पूर्वप्रधानमन्त्री केपी शर्मा ओली थौं पोखरा वनिइगु जुगु दु।

पार्टी प्रवेश कार्यक्रमय् सहभागी जुइत अध्यक्ष ओली थौं ११ बजे पोखरा वइगु दु धका एमाले गण्डकीया उपसचिव रश्मि आचार्य न जानकारी बिउगु दु।

अध्यक्ष ओली ११ बजे पोखरा वना २ः३० बजे लिहा वइगु ज्याझ्वः दु। थीथी पार्टी परित्याग याना वःपि नेता, कार्यकर्तापिन्त एमालय् दुकायेगु ज्याझ्वः दु।

जनता समाजवादी पार्टीया स्थायी कमिटी सदस्य नाप गण्डकी प्रदेश इन्चार्ज तक जुयादीम्ह गुरुङ एमाले प्रवेश यायेत्यःगु दु।

स्थानीय तह चुनावया लागि निर्वाचन आयोगय् आःतक २९ दल दर्ता जुगु दु।

लिपागु इलय् थप १९ राजनीतिक दलं आयोगय् निवेदन बिउगु दु धका आयोगया सहायक प्रवक्ता सूर्यप्रसाद अर्यालं जानकारी बिउगु दु। थ्व स्वया न्ह्यः झीगु राजनीतिक दलं निवेदन बिउगु खः।

आयोगय् नेपाल कम्युनिष्ट पार्टी (एकीकृत समाजवादी), राष्ट्रिय प्रजातन्त्र पार्टी, राष्ट्रिय जनमोर्चा, बहुजन एकता पार्टी नेपाल, नेपाल सद्भावना पार्टी, विवेकशील पार्टी लगायतं निवेदन बिउगु दु।

आयोगं वइगु वैशाख ३० गते जुइगु स्थानीय तहया चुनावया लागि फागुन ५ गते सूचं पिकाउगु दु। थ्व हे १६ गते दुने दल दर्ता यायेत आह्वान याउगु खः।

सङ्घीय संसदय् प्रतिनिधित्व जुगु व दलीय चुनाव चिह्न कायेत नेपाली कांग्रेस, नेकपा एमाले, माओवादी केन्द्र लगायतं स्थानीय तह चुनावया लागि आःतक दल दर्ताया निवेदन बिउगु मदुनि।

प्रतिनिधिसभाया बैठक थौं च्वनेत्यंगु दु। अमेरिकी सहयोग परियोजना एमसीसीबारे छलफलया लागि थौं बैठक च्वनेत्यंगु दु।

एमसीसी सम्झौताबारे छलफल यायेत म्हिगः बिहीबाः सःतूगु खःसा बैठक स्थगित जुगु खः। बैठक थौं १ बजे च्वनेत्यःगु खः। बिहीबाः बैठकया कार्यसूची तय यायेत कार्य व्यवस्था परामर्श समितिया बैठक च्वने धुकुगु दु।

एमसीसीबारे संसदय् प्रतिनिधित्व याइपि दल दथुइ अझै न सहमति जुगु मदुनि। बिहीबाः न्हिच्छियक प्रधानमन्त्री शेरबहादुर देउवा व सरकार सक्रिय जुपि दथुइ सहमति जुइफुगु मदुनि। सत्तारुढ दलपि विभाजित जुगु दु सा, गठबन्धन कायम जुइगु वा  मजुइगु अनिश्चित जुुगु दु। सत्ताय् दुपि माओवादी केन्द्र व नेकपा एकीकृत समाजवादी एमसीसीया विरुद्धय् दु।

जनता समाजवादीया उपेन्द्र यादव पक्ष न विपक्षय् न खनेदुगुलि प्रधानमन्त्री देउवां गठबन्धन त्वःता एमाले नाप छलफल न्ह्यने यकूगु खः।

लुँया भाः थौं विहीबाः तोलां २,५०० थहा वंगु दु।

थौं तोलां २५०० थहावनाः तोलाया ९९ हजार थ्यंगु दु का नेपाल सुनचाँदी व्यवसायी महासंघं धाउगु दु।

अथेहे छापावाल लुँ तोलाया ९६,५०० तकाय् कारोबार जूगु दु। वहःया भाः नं थौं तोलां ३५ रुपैयाँ थहावंगु दु।

वहः तोलाया ३५ रुपैयाँ थहावना १,३५५ रुपैया थ्यंगु दु धका महासंघं धाउगु दु।

नेकपा एमालेया अध्यक्ष केपी शर्मा ओली व माओवादी केन्द्रया अध्यक्ष पुष्पकमल दाहाल ’प्रचण्ड’ दथुइ छलफल क्वचाःगु दु।

न्हुगु बानेश्वरय् थौं बिहीवाः बहनि जुगु  छलफल सकारात्मक जुगु दु धका एमाले नेता सुवास नेम्वाङं जानकारी बिउगु दु।

ताःईलिपा निगु पार्टीया शीर्ष नेतापि नाप सकारात्मक छलफल जुगु दु धका नेता नेम्वाङं धाउगु दु। ‘वंगु घटनाया समीक्षाया रूपं खँ जुगु दु धका धाउगु दु।

छलफल सकारात्मक जुगु दु। संसदया गतिरोध विषय व विगतया विषय न समीक्षा जुगु दु। यक्को ई लिपा गम्भीर रूपं छलफल जुगु दु, थ्व लसताया खँ खः’, नेम्वाङं धाउगु दु।