संयुक्त अधिराज्य बेलायतं नेपालय् वंगु वाःया घटनाक्रम लिपा सुशिला कार्की प्रधानमन्त्री पदय् नियुक्त जूगु बिषय महत्वपूर्ण पलाः धकाः न्ह्यथंगु दु।

पूर्वप्रधानन्यायाधीश सुशिला कार्कीं शुक्रबाः अन्तरिम प्रधानमन्त्रीया भाला कःघानादी धुंकाः थनच्वंगु बेलायती दूतावासं सामाजिक सञ्जाल फेसबुकपाखें उगु प्रतिक्रिया ब्यूगु खः।

बेलायतं दकसिबे पुलांम्ह पासाकथं वइगु हाथ्यातय्त स्वीकार यानाः जवाफदेहीता व समावेशी शासनया निंतिं नेपाली आकाङ्क्षायात समर्थन यायेगु धाःगु खः।

नेपालय् न्हूगु अन्तरिम सरकार गठन जूगुलिं छिमेकी मुलुक भारतं लसकुस याःगु दु।

पूर्व प्रधानन्यायाधीश सुशिला कार्कीं शुक्रबाः अन्तरिम प्रधानमन्त्रीया भाला कःघानादी धुंकाः भारतीय विदेश मन्त्रालयं विज्ञप्तिपाखें लसकुस याःगु खः।

विज्ञप्तिइ धयातःगु दु, “जिमिसं सुशिला कार्कीया नेतृत्वय् नेपालय् न्हूगु अन्तरिम सरकार गठन जूगुलिं लसकुस यानाच्वना। जिमित आशा याना कि थुकिं शान्ति व स्थिरतायात प्रवद्र्धन यायेत ग्वाहालि याइ।”भारतं लिक्कच्वंगु जःलाखःला, लोकतान्त्रिक पासा व दीर्घकालीन विकास साझेदार कथं निगू देय् व जनताया कल्याण व समृद्धिया निंतिं नेपाःलिसे मिले जुयाः मद्दिक ज्या यानाच्वनेगु धाःगु खः।

‘करप्सन’ च्वया तःगु कलेजया सर्टय् राष्ट्रिय ध्वाँय् तया आन्दोलनय् ब्बति कावम्ह छम्ह बिद्यार्थी न भाटभटेनी सुपर मार्केटं सामान खुयायकूगु किपा सामाजिक सञ्जालय् भाइरल जूगु दु।

मौका मिले जुल धाःसा उमिसं न नइगु धइगु पुष्टि जूगु दु। उम्ह मिसां भाटभटेनीपाखे खेलौना, मेकअपलगायतया सामान खुया यकूगु खः। नेतातय्स देश लुटे यायेगु विरोध यागु आन्दोलनय् न्हुगु पुस्तायया आनीबानी न छर्लङ्ग जूगु दु।

मौका वल धाःसा उमिस न लुटे याना नइगु धइगु पुष्टि जूगु दु। देश अशान्त जुगु फाइदा कायेगुलि थुगु आन्दोनलं यक्को स्वया पसः लुटे याःगु दु।

थ्व हे वइगु खुलाया दुने प्रतिनिधिसभाया न्हुगु निर्वाचन जुइगु दु। राष्ट्रपति रामचन्द्र पौडेलं वइगु खुलाया दुने प्रतिनिधिसभाया न्हुगु निर्वाचन यायेगु कथं पूर्वप्रधानन्यायाधीश सुशीला कार्कीयात प्रधानमन्त्रीमा नियुक्त याःगु खः।

प्रधानमन्त्री कार्कीयात न्हुगु जनादेशया निति खुलाया दुने प्रतिनिधिसभाया न्हुगु निर्वाचन यायेमाःगु  जिम्मेवारी ब्यूगु दु।न्हुगु गठन जुगु सरकारं थ्वहे वइगु फागुन दुने न्हुगु जनादेशया निति प्रतिनिधिसभाया निर्वाचन यायेमाः।

नवनियुक्त प्रधानमन्त्री सुशीला कार्की न शपथ ग्रहण याःगु दु। पूर्व प्रधानन्यायाधीश तक जुयादीम्ह कार्कीयात राष्ट्रपति रामचन्द्र पौडेलं कार्कीयात पद व गोपनीयताया शपथ याकूगु खः।

थ्व स्वया न्ह्यः, संविधानया धारा ६१ कथं राष्ट्रपति पौडेलं कार्कीयात प्रधानमन्त्री पदय् नियुक्त याःगु खः।

शपथग्रहण समारोहय् उपराष्ट्रपति रामसहायप्रसाद यादव, प्रधानन्यायाधीश प्रकाशमान सिंह राउत, पूर्वप्रधानमन्त्री बाबुराम भट्टराईपिनिगु न ब्बति दुगु खः।