कान्तिपुर टेलिभिजनं मिँ न्वया क्षतिग्रस्त भवन हे प्रसारण सुरू जूगु दु। पूर्णरूपं मच्याःगु छगू स्टुडियोपाखे प्रसारण सुरू जूगु धका टेलिभिजनया पत्रकार डिपी उपाध्यायं जानकारी ब्यूगु दु

वहे छगू स्टुडियोपाखे प्रसारणया व्यवस्था याःगु दु। तर ब्याकग्राउन्डय् धाःसा मिँच्याःगु संरचना नाप गाडी तया तःगु खः।वंगु भदौ २४ गते जेनजी आन्दोलनया झ्वलय् कान्तिपुर टिभीया भवनय् मिँ तया ब्यूगु खः।

मिँ न्वया टेलिभिजन प्रसारण बिनाच्वंगु खःसा थौ शुक्रवाः निसे न्ह्याकूगु खः।प्रसारण सुरू यायेगु इलय् सामाजिक सञ्जालं लाइभ याःगु खः।

राष्ट्रपति रामचन्द्र पौडेलं संविधानया धारा–६१ या कथं, पूर्व प्रधानन्यायाधीश सुशीला कार्कीयात प्रधानमन्त्रीइ नियुक्त याःगु दु।

न्हुगु संविधान जारी जुइ धुका दक्को सरकार संविधानया धारा ७६ कथं गठन जूगु खः।तर, युवा (जेन–जी) आन्दोलनया बलं प्रधानमन्त्री जूम्ह कार्की न संविधानया धारा–६१ कथं नियुक्तिपत्र ब्यूगु खः।

नेपाःया संविधान याःगु धारा–६१ या राष्ट्रपति सम्बन्धी व्यवस्था दु, उकिइ प्रधानमन्त्रीया पद, अधिकार व नियुक्ति नाप छु न प्रसंग उल्लेख मदु।संविधानया धारा ६१ (१ व २)य् राष्ट्रपति नेपाःया राष्ट्राध्यक्ष जुइगु व्यवस्थाया नापं राष्ट्रपतिं संविधान व संघीय कानून बमोजिम कथं थःगु ज्याया सम्पादन यायेगु व्यवस्था दु।राष्ट्रपतिया थःगु ज्या, कर्तव्य व क्षेत्राधिकारया विषय उल्लेख जूगु धारा कथं प्रधानमन्त्री नियुक्त याःगु खः।

अन्तरिम सरकारया न्हुम्ह प्रधानमन्त्री सुशीला कार्की न थौ हे शपथ याइगु जूगु दु।

राष्ट्रपतिं थौ बहनि हे राष्ट्रपति भवन शीतल निवासय् ९ बजे न्हुम्ह प्रधानमन्त्री सुशीला कार्कीयात शपथ याकिइगु जूगु दु धका राष्ट्रपतिया प्रेस सल्लाहकार किरण पोखरले न धका धाःगु दु।

पूर्वप्रधानन्यायाधीश सुशीला कार्कीयात थौ बहनि सरकार प्रमुख दयकेगु सहमति जूगु दु। थौ न्हिच्छियक सहलह याये धुका प्रतिनिधिसभा विघटन यायेगु सहमति जूगु दु।

शीतलनिवास सम्वद्ध स्रोतया कथं, कार्कीयात सरकारया नेतृत्व लःल्हायेगु व प्रतिनिधिसभा विघटन यायेगु सहमति जूगु खः।

हामी नेपालया अध्यक्ष सुदन गुरुङं संविधान खारेज मखु पुनर्लेखन यायेमाःगु माग जेन–जीया खः धका धाःगु दु।जेन–जेकीया भावना प्रतिनिधित्व जुइगु कथं आः यागु संसद विघटन याना अन्तरिम सरकार दयकेमाःगु धका धाःगु दु।

‘अन्तरिम सरकार खः। संविधान माः, खारेज यायेगु मखु। मेपिन्स हस्तक्षेप याइ। तर संविधान संशोधन यायेमाः,’ गुरुङं धाःगु दु। पूर्वप्रधानन्यायाधीश सुशीला कार्कीया नेतृत्वय् अन्तरिम सरकार दयकेगु व बालापि मनू मन्त्री दयकेगु खः धका धाःगु दु गुरुङ दु।

‘न्हापाम्ह मिसाम्ह प्रधानमन्त्री । नेपाःया न्हापागु इतिहास जुइ,’ धका गुरुङं धाःगु दु।जेनजीया आन्दोलनय् दमन यापिन्त त्वःत्ये मखु धका न धाःगु दु।