प्रधानमन्त्री सुशीला कार्की न जेनजी आन्दोलनया झ्वलय् मिँ च्याना व तोडफोडया घटना सुनियोजित जुइफु धका धाःगु दु।

पदभार ग्रहण समारोहय् सम्बोधन यायेगु झ्वलय् अथे धयादीगु खः। ‘मनूतयेगु स्यायेगु, भवनय् लुटे यायेगु, थुनेगु बिस्कं खँ खः। तर थुगु घटना थ्व जितः न्हापागु थे च्वं,’ प्रधानमन्त्री कार्की धाःगु दु्, ‘थुगु किसिमं झिगु संस्थाय्, थज्यागु ख्वाः क्यनेत थाकूगु अवस्थाय् थ्यःगु दु।जितः गने तक लगे जुगु षडयन्त्र हे खः धइगु लगे जू।’

वयकलं थुकिया बारे अनुसन्धान जुइ नाप कारबाही न जुइ धका धाःगु दु। प्रधानमन्त्री कार्कीं सिंहदरबार, संसद भवन, सर्वोच्च अदालत, व्यापारिक कम्प्लेक्स लगायतया सरकारी कार्यालय मिँ च्यागु मछालेपुगु ज्या जुगु धका धयादीगु खः।

राष्ट्रिय स्वतन्त्र पार्टी (रास्वपा)या नेता पूर्वशिक्षामन्त्री सुमना श्रेष्ठं पार्टी त्वःतूगु दु। रास्वपा त्वः तागु  जानकारी ब्यूसे श्रेष्ठं,’ आः खुल्ला कथं आक्रमण यायेगुलि अपूका ब्यूगु दु।

जि पार्टी त्वःतागु दु।’पार्टी केन्द्रीय समितियात जानकारी ब्यूसे श्रेष्ठं पार्टी नेतृत्व न गल्ती यागुलि गल्ती गुवलय् स्वीकार मयागु धका धाःगु दु। थःत थुगु ज्या स्वीकार मजुगुलि पार्टी त्वःतागु जानकारी याउगु खः।

सुमना थ्व स्वया न्ह्यः रास्वपाया सह–महामन्त्रीपाखे राजीनामा ब्यूगु दु। समानुपातिपाखे सांसद जुम्ह श्रेष्ठ प्रचण्ड प्रधानमन्त्री जुगु इलय् शिक्षामन्त्री जुगु खः।

नवनियुक्त जुयादीम्ह प्रधानमन्त्री सुशीला कार्कीं लैन्चौर व सहिदगेटय् च्वंगु सहिदपिनिगु झ्वाताय् माल्यार्पण यानादीगु दु।

वय्कलं थौं सुथय् लैनचौर व सहिलगेट झायाः सहिदया झ्वाताय् स्वा देछाउगु दु। प्रधानमन्त्री कार्की न स्वां देछाय् धुका थःगु पदबहादलीया निंतिं सिंहदरबार झायादीगु दु।

राष्ट्रपति रामचन्द्र पौडेलं वय्कःयात वंगु भदौ २७ गते अन्तरिम सरकारया प्रधानमन्त्रीइ नियुक्त यानादीगु खः।

राष्ट्रपति रामचन्द्र पौडेलं राष्ट्रिय बाल दिवसया लसताय् सकल नेपाःमि मस्तय्त लिसें हामापिंत भिंतुना देछानादीगु दु। नेपालं बाल अधिकार सम्बन्धी महासन्धी अनुमोदन याःगु दिंयात लिधंसा कयाः दँय् दसं भदौ २९ गते राष्ट्रिय बाल दिवस हनाः वयाच्वंगु दु।

थुगुसिइया बालदिवसया नारा ‘बालबालिकामा लगानी ः सुनिश्चित भविष्यको थालनी’ तयातःगु दु। राष्ट्रपति पौडेलं सन्देशय् बाल दिवसं मस्तय्गु निंतिं शिक्षा, स्वास्थ्य, सुरक्षा लिसें विकासय् ध्यान तसें माःगु लगानीया सुनिश्चितता बिइगु अपेक्षा यानागु धयादीगु दु।सन्देशय् धयातःगु दु, “नेपाःया संविधानं मौलिक हकया कथं मस्तय्गु हकयात सुनिश्चित याःगु दु ।

मस्तय्गु सम्बन्धय् व्यवस्था यानातःगु राष्ट्रिय व अन्तरराष्ट्रिय प्रतिबद्धता लिसें संवैधानिक कानुनी प्रावधानपिनिगु प्रभावकारी कार्यान्वयन यायेत सरकारी लिसें गैरसरकारी निकाय, नागरिक समाज, हामा, ब्वनेकुथि लिसें मेमेगु सरोकारवाला निकायपिनिगु एकीकृत व समन्वायत्मक भूमिका आवश्यक जुइ ।

मस्तय्गु हितयात न्ह्यपलाखय् तयाः समाज व राज्ययात सचेत रुपं कार्यसम्पादन यायेत थ्व दिवसं हःपाः बिइ धइगु विश्वास याये फइ।”वय्कलं अझं नं गुलिखे मस्त थःगु अधिकारपाखें तापाना च्वंगु न्यने दु, अथे जुयाः थीथी हुनिं मस्तय्त लाःवनीगु लिच्वःपाखे सकसिया ध्यान वनेमाःगु दु धयादिसें मस्तय्त जइगु फुक्कं कथंया अमानवीय व्यवहार, हिंसा लिसें दुव्र्यवहार पनेगु सम्बन्धित सरोकारवालापिनिगु दायित्व खः धयादिल।

सन्देशय् धयातःगु दु, “मस्तय्गु भविष्य सुनिश्चित यायेत सृजनात्मक, व्यावहारिक, निःशुल्क व गुणस्तरीय शिक्षाया व्यवस्था, पोषणयुक्त नसात्वँसा, सुरक्षित त्वनेगु लः व सुचुकुचु, माःगु खोप लिसें बालमैत्री स्वास्थ्य संस्था नापनापं नीतिगत, कानुनी व बालमैत्री कार्यसम्पादनया प्रबन्ध यायेमाःगु जुइ।

मस्तय्त छेँ, ब्वनेकुथि व समुदायय् सुरक्षित वातावरण सृजना यानाः सकलें पुचः व समुदायया मस्तय्त समन्यायिक ह्वःताः चूलाकेत थ्व दिवसं ग्वाहालि याइ धइगु अपेक्षा यानाच्वना।”मस्तय्गु संरक्षण, विकास व ब्वतिया निंतिं थःथःगु थासं भूमिका म्हितेत सम्बद्ध सकलें पक्षया ध्यान सालाकाइ धइगु विश्वासं थ्व दिवसं मस्तय्गु सर्वाङ्गीण विकासया निंतिं सम्बद्ध सकसितं थप हःपाः दयेमा धकाः राष्ट्रपति पौडेलं मनंतुनादीगु दु।

प्रधानमन्त्री सुशीला कार्कीं ‘जेनजी’ आन्दोलनय् घाःपाः जूपिं युवातय्त नापलानाः इमिगु स्वास्थ्य अवस्थाबारे जानकारी कयादीगु दु।

प्रधानमन्त्री कार्कीं थौं न्हिनय् वीर अस्पतालया ट्रमा सेन्टरय् वासः याकाच्वंपिं घाःपाः जूपिनिगु स्वास्थ्य अवस्थाबारे जानकारी कयादीगु खः।सेन्टरया प्रमुख डा बद्री रिजालया कथं सेन्टरय् भर्ना जूपिं ३६ म्ह घाःपाः जूपिं मध्ये खुम्हसिगु सघन उपचार कक्षय् उपचार जुयाच्वंगु दु।

वय्कलं निम्हेसिगु अवस्था गम्भीर दूगु जानकारी प्रधानमन्त्रीयात बियादिल। प्रमुख डा रिजालं प्रधानमन्त्रीयात छम्ह निम्ह बिरामीतयेगु शल्यक्रिया यायेमाःगु तर गम्भीर घाःपाः जूगुलिं थत्थें शल्यक्रिया याये मफूगु जानकारी ब्यूगु दु।