थौ नेवाः एकता दिवस किपूलिइ तःजिक न्यायकेगु ज्याझ्वः दु।

वंगु ने सं ११३० (२०६६)  साल पोहेलाथ्व नवमी कुन्हु नेवाः स्वायत्त राज्य मंका समितिया ग्वसालय् नेवाः स्वायत्त राज्य घोषणा यागु दिंया लुमन्तिइ दँय् दँय पोहेलाथ्व नवमी खुन्हु एकता दिवस हना वयाच्वंगु दु।

१२ क्वःगु नेवाः एकता दिवसया लसताय् थौ नेवाः देय दबुया संयोजनय् किपूलिइ ज्याझ्वः जुइत्यगु खः।

नेपालगञ्ज नाकाय् परीक्षण याउगुलि सोमबाः ३७ म्हेसित कोरोना भाइरस पुष्टि जूगु दु।

नेपालगञ्जया जमुनाहा नाकाय् भारतं लिहावःपि ६६० म्हेसिगु एन्टिजेन परीक्षण याउगुलि ३७ म्हेसित कोभिड संक्रमण खनेुगु दु धका जिल्ला कोभिड व्यवस्थापन केन्द्र बाँकेया फोकल पर्सन तेजबहादुर वलीं जानकारी बिउगु दु।

भारतया थीथी सहरं लिहावःपिन्त कोरोना भाइरस संक्रमण खनेदुगु धका धाउगु दु। शनिबाः ४९ म्ह व आइतबाः नाकाय् ३९ म्हेसित संक्रमण पुष्टी जुगु दु।

वयकःया कथं नाकाय् आःतक ५ सय ९२ म्हेसित कोभिड संक्रमण खनेदुगु धका धाउगु दु। नाकाय् न्हि करिब च्यासःम्हेसित एन्टिजेन जाँच यानाच्वंगु दु।

नेगेटिभ प्रधानमन्त्री शेरबहादुर देउवाया पीसीआर रिपोर्ट नेगेटिभ वंगु दु।

सोमबाः पीसीआर परीक्षण याउगुलि प्रधानमन्त्री देउवाया रिपोर्ट नेगेटिभ वंगु दु धका वयकःया सचिवालयं धाउगु दु।

प्रधानमन्त्री नाप न्यागु दलीय समन्वय समितिया बैठकय् सहभागी नेकपा माओवादी केन्द्रया अध्यक्ष पुष्पकमल दाहाल प्रचण्डयात कोरोना संक्रमण पुष्टि जुइवं प्रधानमन्त्री देउवां न परीक्षण याउगु खः।

शिक्षा, विज्ञान तथा प्रविधिमन्त्री देवेन्द्र पौडेल न कोरोना संक्रमण पुष्टि जूगु दु।

सेँखंचाया व सामान्य मूसु वयेवं मन्त्री पौडेलं थौं सोमबाः सुथय् पीसीआर परीक्षण याउगुलि संक्रमण पुष्टि जूगु दु।

मन्त्री पौडेलया स्वास्थ्य अवस्था सामान्य दू सा सेल्फ आइशोलेसनय् च्वना च्वंगु दु धकावयकःया प्रेस संयोजक बिमल खड्कां धाउगु दु।

नेप्से ८ सय अंक थहावंन शेयर बजार सकारात्मक दिशाय् वःगु दु।

न्हिच्छियकं उचारचढाव खनेदुगु बजाः मध्यान्हय् पाखे २८ सय अंक थहावंगु खः। २८ सय च्वय् थ्यका नेप्से परिसूचक कारोबार बन्द जुगुलि १९ अंकं थहावना २७ सय ८४ अंकय् थ्यका बन्द जूगु खः। कारोबार रकम धासा ७ अर्ब १२ करोड नाघे जूगु दु।

यक्को शेयर भाः थहावंगुलि मध्य भोटेकोशी जलविद्युत् आयोजना १० प्रतिशतं थहावना २८५ रुपैयाँ थ्यःगु खः। अथेहे युनियन हाइड्रोपावरया शेयर भाः ९.९९ प्रतिशतं थहावना २८५ रुपैयाँ ३० पैसा, कर्पोरेट डेभलपमेन्ट बैंकया ९.९८ प्रतिशतं थहाना ५५ रुपैयाँ थ्यःगु खः।

अथेहे खानीखोला हाइड्रोपावर ८ प्रतिशतं थहावना ३३० रुपैयाँ, हिमालय उर्जा विकास कम्पनी ८ प्रतिशतं थहावना ४९८ रुपैयाँ, गोर्खाज फाइनान्स ७ प्रतिशतं थहावना ८२९ रुपैयाँ, रुरु जलविद्युत करिब ७ प्रतिशतं थहावना १०४० रुपैयाँ, नेशनल लाइफ करिब ७ प्रतिशतं थहावना १०८० रुपैयाँ, जोशी हाइड्रोपावर कम्पनीया शेयर भाः ६.५८ प्रतिशतं थहावना ३४० रुपैयाँ थ्यःगु दु। एनएमबी म्युचअल फण्डया शेयर ६ प्रतिशतं थहावना १२ रुपैयाँ ९७ पैसा थ्यःगु दु।