सत्तारुढ प्रमुख घटक नेपाली काँग्रेसया युवा नेता गगनकुमार थापां सरकारया याना च्वंगु ज्याय् असन्तुष्टि प्वकूगु दु।

पूर्वमन्त्री तक जुयादीम्ह नेता थापां सरकारं ज्यायात कया कूखिनादीगु दु। नेपाल विद्युत प्राधिकरण कर्मचारी संघं शुक्रबाः येँ जुगु ज्याझ्वलय् न्ववासे निगु छिमेकी देय् भारत व चीनपाखे फाईदा कायेगु मौका सिति छ्वये मज्य धका सरकारया ध्यानाकर्षण याकूगु दु।

काँग्रेस नेता थापां विद्युत खपत अप्वोकेगु विषय बिचाः यायेत प्रधानमन्त्री शेरबहादुर देउवायात इनाप याउगु दु। वयकलं विद्युत खपत अप्वोकेगु ई वःगु दु व उकिया लागि सरकारं योजनावद्ध सोच न्ह्यने हयेगुलि लिबाके मज्यू धका स्पष्ट याउगु दु।

नेता थापां नेपाल विद्युत प्राधिकरणं आर्जन याना तःगु प्रतिष्ठा ल्यकेगु ज्याय् यायेत प्राधिकरणया कर्मचारीपिन्त इनाप याउगु दु। देशय् थौंया बेरोजगारी समस्या समाधान यायेत ऊर्जा क्षेत्रं महत्वपूर्ण भूमिका निर्वाह याइगु भलसा काउगु दु।

प्रदेश १ या मुख्यमन्त्री भीम आचार्यं विश्वास मतसम्बन्धी प्रस्ताव आइतबाः जक मतदान जुइगु दु।

शुक्रबाः प्रदेश १ या प्रदेशसभाया कार्यव्यवस्था परामर्श समितिया बैठकय् विश्वास मतसम्बन्धी प्रस्ताव आइतबाः जक मतदान यायेगु सहमति जुगु दु।

नेपाली कांग्रेस संसदीय दलया प्रमुख सचेतक केदार कार्की न शुक्रबाः प्रदेशसभा बैठकय् विश्वासया मतसम्बन्धी प्रस्ताव पेश याइगु व आइतबाः मतदान जुइ धका धाउगु दु।

नेकपा एमालेपाखे मुख्यमन्त्री जूम्ह आचार्य न एमाले विभाजित जुया नेकपा एकीकृत समाजवादी निर्माण जुइवं प्रदेशसभाय् बहुमत गुमे याउगु खः।

थौं न देय्या थीथी थासय् वा वयाच्वंगु दु । वा वइगु झ्वः छुं दिंतक अझं मदीगु मौसम पूर्वानुमान महाशाखां धागु दु ।

महाशाखां ब्यूगु जानकारी कथं प्रदेश १ व वाग्मती प्रदेशया छुंछुं थासय् हल्का वा वयाःच्वंगु दु । थौं न्हिनय् प्रदेश १, प्रदेश २, वाग्मती प्रदेश व गण्डकी प्रदेशय् सामान्य बदली जुयाः वा वइ ।

ल्यंदुगु प्रदेशय् आंशिकनिसें सामान्य बदली जक जुइ । अथेहे थौं चान्हय् न प्रदेश १, वाग्मती व गण्डकी प्रदेशया छुंछुं थासय् अले ल्यंदुगु प्रदेशया छथाय् निथाय् नं न्यानाः वा वइगु सम्भावना दुगु धासें महाशाखां माःकथं सतर्क अवस्थाय् च्वनेत छ्याता ब्यूगु दु ।

स्वनिगलय् थौं न्हिच्छिं अले चान्हय् तक मौसमय् बदली जुइ । वइगु सोमवाःनिसें जक मौसमय् सुधार वयाः मज्जां निभाः त्वइगु मौसम पूर्वानुमान महाशाखां प्रक्षेपण याःगु दु ।

बागमती प्रदेश सरकारया नेतृत्वय् नेकपा एकीकृत समाजवादी व नेपाली कांग्रेसं पालंपाः यायेगु सहमति जुगु दु।

बिहीबाः प्रदेशसभाय् विपक्षी गठबन्धनदुपि नेकपा माओवादी केन्द्र, नेपाली कांग्रेस, नेकपा एकीकृत समाजवादी व जनता समाजवादी दलया बैठकं प्रदेशसभाया कार्यकालं बच्छि बच्छि ई सरकारया नेतृत्व यायेगु सहमति याउगु दु।

नेपाली कांग्रेस बागमती प्रदेश संसदीय दलया प्रमुख सचेतक राधा घले न प्रदेशसभाया ल्यःदनिइगु कार्यकाल एकीकृत समाजवादी पार्टीया राजेन्द्र पाण्डेयात मुख्यमन्त्रीइ समर्थन यायेगु बाँकीगु बच्छि कार्यकाल कांग्रेसया ईन्द्रबहादुर बानियाँ मुख्यमन्त्री जुईगु सहमति जुगु दु।

लुँया भाः थौं स्वसः थहावंगु दु।

थौं तोलां लुँया भाः ९१ हजार ७ सय रुपैयाँ तोके याउगु दु धका नेपाल सुनचाँदी व्यवसायी महासङ्घं धाउगु दु।

अथेहे वहः तोलां २५ रुपैयाँ थहावगु दु। थौं नीन्यातका थहावना तोलाया १२ सय ६० रुपैयाँ कारोबार जुगु दु धका नेपाल सुन चाँदी व्यवसायी महासङ्घं धाउगु दु।