जनबहाःद्यःयां न्हवं क्वचागु दु।

जनबहाःद्यःयात पोहेलाथ्व अष्टमी कुन्हु जनबहालय न्हवं याइ। जनबहाःया न्हवं दबुलिइ जनबहाःद्यःलिसें सप्तलोचन ताराया मूर्तियात बिज्याकाः न्हवं याउगु खः।

न्हवं यायेगु निति छन्हु न्ह्यः येँया निर्मलतीर्थय् वनाः जल काःवनेगु चलन दु।

येँया प्रमुख जिल्ला अधिकारी (सीडीओ) गोविन्दप्रसाद रिजाल कोरोना संक्रमण पुष्टि जूगु दु।

सीडीओयात कोरोना खनेदुगु धका येँेया सहायक प्रमुख जिल्ला अधिकारी उमाकान्त अधिकारीं जानकारी बिउगु दु।

थौं स्वनिगःया स्वम्ह जिल्ला येँं, ख्वप व यलया सीडीओपिनिगु कोभिड–१९ संकट व्यवस्थापन समन्वय केन्द्र (सीसीएमसीसी) न याइगु निर्णययात कार्यान्वयन यायेगु निति मंकाः बैठक दुगु खः।

सरकारं बालुवाटारस्थित ललिता निवास परिसरया सरकारी जग्गा त्यगु व त्यलेगु प्रक्रियाय् दुथ्यापिं विरुद्ध मुद्धा दर्ता यायेत पंगु दु ।

नेपाल प्रहरीया केन्द्रीय अनुसन्धान ब्युरो (सीआईबीं) ३दँया अनुसन्धानलिपा तयार याःगु प्रतिवेदनयात सरकारी वकिलया ज्याकुथिं हाकनं सीआइबीइ हे लितछ्वके बिया सरकारं मुद्धा न्ह्याकेत पंगु खः ।

महान्यायाधीवक्ता खम्बहादुर खातीया  निर्देशनय् सरकारी वकिलया ज्याकुथिं सीआइबीया प्रतिवेदन लितछ्वगु सीदूगु दु । मुद्दा दायर यायेधुंकेमाःगु हदम्यादया छन्हू न्ह्यः म्हिगः सरकारी वकिलया ज्याकु येँ नं प्रतिवेदन सीआईबीयात लितछ्वगुलिं आः मुद्दा प्रक्रिया न्ह्याकेत असहज जूगु दु ।

राजनीतिक लिसें आर्थिक स्वार्थया हुनिं सीआइबीया प्रतिवेदन दिकुगु धका सरकोरवाला व कानुनविद्तयेसं सरकारया कुँख्यंगु दु । सीआइबीलं ३दँया अनुसन्धानलिपा ३सःम्ह विरुद्ध मुद्धा न्ह्याकेमाःगु लिच्वः लिसें मुद्धा प्रक्रिया न्ह्याकेत स्वःगु खः । सीआइबीया प्रतिवेदनय् पूर्व प्रधानमन्त्री लिसें मन्त्रीतये नाँ तकं दूगु सीदूगु दु ।

ललिता निवास जग्गा हिनामिनाय् दुथ्यापिं राजनीतिक मनूत, सरकारी कर्मचारी, ब्यापारी व विचौलियात विरुद्ध अख्तियार दुरुपयोग अनुसन्धान आयोगं दायर याःगु मुद्दा विशेष अदालतय् विचाराधीन दु ।

जग्गा त्यलेत सरकार भ्वँ गायब यायेगु, भ्वँ केरमेट यायेगु व थी थी इलय् जूगु नीतिगत निर्णयया अपब्याख्या यायेगु ज्या जूगु नं सीआइबीया प्रतिवेदनय् उल्लेख यानातःगु दु ।

प्रधानमन्त्री, प्रधानन्यायाधीश व सभामुखया निवास दूगु परिसरया त्यःगु जग्गाया आःया न्यूनतम बजाः मू थ्यंमथ्यं १४ गू अर्ब ध्यबा कामय याना सीआइबीं उगु ध्यबायात विगोया रुपये तःगु दु ।

३दँ दुने ५०म्ह सिवें अप्वः अधिकृत व विशेषज्ञ खटे जुया तयार जूगु प्रतिवेदनय् ९१ दँ पुलांगु तथ्ययात दसिया रुपय् प्रस्तुत याःगु दु ।

सीआईबीं उगु प्रकरणया मू अभियुक्त मध्येया छम्ह रामकुमार सुवेदी व वयेकया तिरि माधवीयात थगुनेया पुस ७ गते ज्वंगु खः  ।

देय्या अपराध संहिता २०७४ कथं कीर्ते मुद्दाय् सीदूगु २ दँ दुने मुद्दा न्ह्याकेमाःगु व्यवस्था दु ।

येँ व यलय् थौंनिसे १२ दँ निसे १८ दँ दुपिन्त छवाः तक फाइजर खोप बिइगु जुगु दु।

ख्वपय् धासा वंगु शुक्रबाःनिसे हे खोप अभियान सन्चालन जुइ धुकुगु दु।

येँ महानगरपालिकाया स्वास्थ्य विभाग प्रमुख हरिबहादुर कुँवरं महानगरपालिकाय् ३२ गु वडाय् तोके याउगु विद्यालय वना खोप काये फइ धका धाउगु दु

किपू नगरपालिका वडा नं.४ य् चम्पादेवीइ बौद्ध राष्ट्र थाइल्याण्डया छगू संस्थाया ग्वाहालिइ बुद्ध मूर्ति पलिस्थालिसें विहार निर्माण याइगु जूगु दु।

उगु भगवान गौतम बुद्धया १०८ फिट तजाःगु मूर्ति थापनालिसें विहार दयेकेत्यंगु खः ।थाइ संस्था थम्मचोटमँखोल फाउण्डेशनया ग्वाहालिइ ‘बुद्ध उद्यान फ्रासाई थाई नेपाल’ नांया विहारया निंतिं आवश्यक जग्गा किपू नगरपालिकां उपलब्ध याइगु जूगु दु।

किपू नगरपालिका व थम्मचोटमँखोल फाउण्डेशन निगू पक्षया दथुइ जूगु सम्झौता नगरपालिकापाखें नगर प्रमुख रमेश महर्जन व फाउण्डेसनपाखें प्रमुख कार्यकारी अधिकृत प्लोयथोनग्लोम्पेच थम्मचोटमँखोलं ल्हाःचिं तयादीगु खः ।सम्झौता पती ल्हाःचिं तयेगु ज्याझ्वलय् नगर उपप्रमुख सरस्वती खढ्का रिजाल, ४ वडा सदस्य सुरेन्द्र खनाल, नगरपालिका व फाउण्डेसनया नेपाल प्रतिनिधिया उपस्थिति दुगु खः ।