वाःया लिपागु दिं शेयर बजाः घटे जूगु दु। म्हिगः बुधवाः सामान्य थहावंगु नेप्से थौं बिहीवाः ५० दशमलव १३ अङ्कं घटे जुया २ हजार ९ सय २६ दशमलव ८९ विन्दुइ कुहावंगु दु।

थौं दक्को समूहया शेयर घटे जुगु दु। बैंकिङ समूहया शेयर १६ अङ्क, विकास बैंकया १ सय ८६ अङ्क, जलविद्युतं १ सय १६, फाइनान्सय् १ सय १४ व माइक्रोफाइनान्स समूहया शेयर साढे २३ अङ्कं घटे जुगु दु।

अथेहे जीवन बीमा समूहया शेयर ३ सय ४२, निर्जीवन बीमा समूहया २ सय ३३, उत्पादनया १ सय २७, मेमेगु समूहया ३७ व लगानी समूहया शेयर साढे ३ अङ्कं घटे जुगु दु। थौं नारायणी विकास बैंक, कर्णाली विकास बैंक, अरुण काबेली पावर कम्पनीया शेयर ६ प्रतिशत स्वया यक्को घटे जुगु दु।

समग्र बजार घटे जूसा सानिमा लाइफ इन्सोेरेन्स व मनकामना स्मार्ट लघुवित्तया शेयर १० प्रतिशतं थहावंगु दु। थौं २ सय ३० कम्पनीया १ करोड ८१ लाख कित्ता शेयर ९ अर्ब ५० करोड ५९ लाख रुपैयाँ कारोबार जुगु खः। दकलय् अप्वो अरुण भ्याली हाइड्रोया ५७ करोड ४० लाख रुपैयाँया शेयर किनबेच जुगु दु।

बौद्ध संस्कृति व संस्कारया जर्गेना यायेगु कथं यल महानगरपालिका– १६ वडा न बज्राचार्य पुजाविधि अध्ययन समितियात ५ लाख लल्हागु खः।

बज्राचार्य गुरुजुपिन्स विहीबाः धार्मिक पुजा याना वडा अध्यक्ष निर्मलरत्न शाक्य, वडापि पञ्चबज्र बज्राचार्य, सुप्रभा शाक्यं मंकाः कथं समितिया अध्यक्ष दीपक बज्राचार्ययात उगु चेक लल्हागु खः।

चेक हस्तान्तरणया झ्वलय् बज्राचार्य गुरुजुपिन्स मंगलास्तोत्र पाठ याउगु खः। उगु ज्याझ्वलय् वडाअध्यक्ष शाक्यं नेवाः बौद्ध समाजया प्रत्येक संस्कृति, परम्परा, संस्कारय् पुजा नाप स्वाउगु खँ कनादीसेँ पुजा यायेगु धार्मिक विधि, पद्धतिया संरक्षण व आधुनिक पुस्ताया गुरुजुपिन्स उत्पादन यायेत नीस्वनातःगु अक्षय कोषया लागि उगु रकम लल्हानागु खः धका धयादीगु खः।

भौतिक पूर्वाधारया नाप संस्कृति, संस्कार न मानवीय विकासया नाप स्वापू दुगुलि थुकिया संरक्षण यायेगु स्थानीय तहया दायित्व खः धका वडाअध्यक्ष शाक्य धयादीगु खः। उगु ज्याझ्वलय् समितिया अध्यक्ष दीपक बज्राचार्य ने धार्मिक पुजाविधिं सैद्धान्तिक ज्ञान, विधि व थुकिया महत्व पुस्तान्तरण मजुया छगु इलय् लोप जुइत्यंगु धका धयादीगु खः।

समिति स्थापना जुइगु स्वया निदँ न्ह्यः २०५२ सालय् बौद्ध संस्कृति विद्यार्थी संघय् च्याम्ह गुरुजुपि पाखे पुजा यायेगु विधिबारे औपचारिक रुपं प्रशिक्षण बिउगु ज्या शुरु याउगु खःसा आः सच्छिम्ह स्वया अप्वो गुरुजुपि उत्पादन जुइ धुकुगु दु धका समितिं धागु दु।

येँ महानगरपालिकां मेगु वाःनिसे विद्यालय खोले यायेगु तयारी याउगु दु। स्मार्ट–लकडाउन कार्यविधि कथं येँ जिल्ला कोभिड–१९ संकट व्यवस्थापन केन्द्र (डीसीसीएमसी) न विद्यालय खोले यायेगु धका धायेवं महानगरं तयारी याउगु दु।

महानगर शिक्षा शाखा प्रमुख रामप्रसाद सुवेदीं शिक्षा समितिया पदाधिकारीपि नाप छलफल याना मेगु वाःनिसे खोले यायेगु तयारी याउगु दु।

‘प्रशासन कार्यलयं स्थानीय विद्यालय खोले याये फइ धका धाउगु दु। उगु कथं शिक्षा समितिया पदाधिकारीपन नापे छलफल याना च्वनागु दु। मेगु वाःनिसे खोले यायेगु कुतः यानाच्वंनागु दु।’

जिल्ला प्रशासन कार्यालयं बुधबाः जारी याउगु आदेशय् भौतिक उपस्थितिइ पठन पाठन सञ्चालन यायेगु जूसा स्मार्ट लकडाउनया प्रावधान दुने च्वना स्थानीय तहपिन्स जिल्ला कोभिड १९ संकट व्यवस्थापन केन्द्र नाप समन्वय याना विद्यालय सञ्चालन याये फइगु निर्णय याउगु खः।

सानिमा लाइफ इन्स्योरेन्सं साधारण शेयर (आईपीओ) नेपाल स्टक एक्सचेन्जय् सूचीकृत जुगु दु।

सूचीकृत जुइ धुका शुक्रबाः निसे दोस्रो बजारय् सानिमा लाइफया शेयर कारोबार खुला जुइ।

कम्पनीया २ करोड कित्ता शेयर बुधवाः नेपाल स्टक एक्सचेञ्ज(नेप्से) य् सूचीकृत जुगु खः। न्हापागु कारोबारया लागि नेप्से न कम्पनी शेयर भाः दोस्रो बजारय् प्रतिकित्ता ३०९ रुपैयाँ खुला जुइ धका धागु दु।