भेषनारायण दाहालं बतास समूह न नारायणहिटी दरबार संग्रहालय क्याफ्टेरिया दयकयेगु निति जग्गा भाडाया बिषय विवाद जुइवं राजीनामा बिउगु दु।

संस्कृति, पर्यटन तथा नागरिक उड्डयन मन्त्रालयं छानबीन समिति न कारबाहीया सिफारिश यायेवं दाहालं मंगलबाः राजीनामा बुझे याउगु खः।

कोरोना भाइरसया तेस्रो लहर फैलै जुगु कारण काभ्रेया पनौति नगरपालिका–७ त्रिवेणीघाटय् झीनिदँय् जुइगु मकर मेला स्थगित जुगु दु।

थौं जिल्ला कोभिड व्यवस्थापन समिति(डीसीएमसी)या बैठकं माघ लच्छियकं जुइगु मेला मयायेगु निर्णय याउगु दु।

डीसीएमसीया संयोजक नाप प्रमुख जिल्ला अधिकारी उद्धव केसीया अध्यक्षताय् च्वंगु बैठकं जिल्ला दुने छु न सार्वजनिक थासय् जुइगु भेला नाप महोत्सव मयायेत मेला आयोजक समितिं इनाप याउगु दु।

सरकारं छु न किसिमया मेला नाप महोत्सव मयायेत व २५ म्ह स्वया अप्पो भेला मजुइत इनाप याउगुलि स्नानया लागि भीडभाड मयायेत व स्नानय् सहभागी जुइत स्वास्थ्य मापदण्ड पूर्ण पालना यायेगु कथं व्यवस्था मिले यायेगु निर्णय जुगु दु धका डीसीएमसीं धाउगु दु।

शेयर कारोबार मापक नेप्से परिसूचक ४९ अंकं थहावंगु दु। थौं ४९ अंकं थहावना २८ सय ३४ अंकय् थ्यंगु दु।

थौं न्हिच्छियकं १ करोड १९ लाख ७० हजार २१५ कित्ता शेयर किनबेच जुगुलि ६ अर्ब ७२ करोड ४५ लाख २६ हजार १ सय ९७ रुपैयाँया शेयर कारोबार जूगु दु।

थौं मंगलबाः दकलय् अप्पो शेयर भाः कुहावंगुलि माउन्टेन इनर्जी न्हापागु थासय् दु। माउन्टेन इनर्जीया शेयर भाः ४३ रुपैयाँ घटे जुया १ हजार १ सय ७७ अंकय् कुहावंगु खःसा नेपाल एसबीआई बैंक ७ रुपैयाँ ९० पैसा घटे जुया ३८६ रुपैयाँ कुहावंगु खः।

वंगु २४ घण्टाया दुने देयन्यक थप २,४४४ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं पीसीआर व एन्टिजेन याना १० हजार ६४८ म्हेसित पीसीआर परीक्षणय् १ हजार ९८१ म्ह व ४ हजार ३८५ म्हेसिगु पीसीआर याउगुलि ४६३ म्ह याना २,४४४ म्हेसित कोरोना संक्रमण पुष्टि जूगु दु।

वंगु २४ घण्टाय् छम्ह सीउगु दु सा ३१३ म्ह कोरोना संक्रमणमुक्त जूगु दु। मन्त्रालयया कथं दकलय् अप्पो ९८०, यलय् २२१, कास्कीइ ८७, ख्वपय् ८५, मोरङय् ६२ व रुपन्देहीइ ५३ म्हेसित कोरोना संक्रमण खनेदुगु दु।

अथेहे चितवनय् ४७, काभ्रेपलाञ्चोकय् ४०, कञ्चनपुरय् ३८, कैलालीइ ३०, झापाय् २६, मकवानपुरय् २४, पर्साय् २२, सुनसरीइ २१, धनुषाय् १९, दाङय् १७, गोरखा बागलुङ व बाँकेय् १४÷१४ म्ह, धादिङय् ११ नाप सर्लाही व नवलपरासी पश्चिमय् १०÷१० म्ह कोरोना संक्रमित थपे जुगु दु धका मन्त्रालयं धाउगु दु।

स्वनिगलय् थप १,२८६ म्हेसित कोरोना संक्रमितपि थपे जूगु दु।

मन्त्रालयया कथं थौं येँ जक ९८०म्ह, यलय् २२१ म्ह व ख्वपय् ८५ म्हेसित कोरोना संक्रमण पुष्टि जूगु दु।

अथेहे लिपागु २४ घण्टाय् देयन्यक २,४४४ म्हेसित कोरोना भाइरस संक्रमण पुष्टि जूगु दु।