कन्ह्यनिसे स्वनिगः दुने फोहोर उठे याइगु जुगु दु। कन्ह्य सुथय् ६ बजे निसे येँं महानगर नाप स्वनिगः दुनेया सतकय् फोहोर उठे यायेत्यंगु खः।

थौं येँ महानगरपालिकाया मेयर विद्यासुन्दर शाक्यया अध्यक्षताय् येँ प्रमुख जिल्ला अधिकारी कालीप्रसाद पराजुली, सतक विभागया महानिर्देशक अर्जुनजङ्ग थापा, प्रहरी वरिष्ठ उपरीक्षक अशोक सिंह लगायत अधिकारीपिनिगु बैठकं थज्यागु निर्णय यागु खः। सतक भाँसे जुया फोहोर यकेत थाकूगुलि भदौ ६ गते ककनी गाउँपालिका वडा १ या छम्ह ७० दँ दुम्ह सीगु खः।

वयकः हैजाया कारण मदुगु धासे स्थानीयपिन्स भदौ १० गतेनिसे साइटय् फोहोर वांछ्वयेत पंगः थंगु खः। हैजा जूगु खःलाः? धका महानगरपाखे सम्भावित थासय् च्वपि न्याम्हेसित व प्यंगु परिवारं त्वनेगु लःया नमुना सङ्कलन यासे राष्ट्रिय जनस्वास्थ्य प्रयोगशालाय् परीक्षण यागु खः। प्रयोगशालापाखे वंगु रिपोर्ट कथे उगु थासय् हैजाया जीवाणु खनेमदुगु धका धागु खः।

‘‘ताःईनिसे फोहोर उठे याये मफया महानगर नाप स्वनिगलय् प्रदूषण अप्वो वंगुलि सरोकारवाला निकाय नाप छलफललिपा फोहोर उठे यायेगु निर्णय यानागु खः,” महानगरपालिकाया मेयर शाक्यं धयादीगु दु, ‘‘स्थानीय समस्या समाधान यायेगु ज्याय् निरन्तर जुगु दु। जिमिसं समाधान यायेत मफुसा समस्या जूसा सम्बन्धित निकाय नाप समाधानया लागि कुतः याये।

तर, ताः ईतक न फोहोर रोके जुया समस्या थपे यायेगु ज्या जुइमखु। स्थानीय जीवन व वातावरणयात असर मजुइगु कथं कन्ह्यनिसे फोहोर संकलन, ढुवानी व अन्तिम व्यवस्थापनया ज्यायात नियमित याये। जिपि स्थानीयपिनिगु जायज माग पूरा यायेत तयार दु।”

उगु बैठकय् काठमाडौँया प्रमुख जिल्ला अधिकारी कालीप्रसाद पराजुलीं, फोहोर व्यवस्थापन ज्याय् अत्यावश्यक सेवा जुगुलि अवरोध जुइ मखु धका धयादीगु खः। फोहोर व्यवस्थापनय् सुरक्षा चुनौती खनेदतकि गृह प्रशासनं समन्वय याना सुरक्षा व्यवस्था मिले याये धका धयादीगु खः।

स्वास्थ्य तथा जनसंख्या मन्त्रालयया कथं दकलय् अप्वो येँ ४१३ म्हेसित कोरोना सक्रमित पुष्टि जुगु दु धका धागु दु।

अथेहे झापाय् १३६, कास्कीइ १२६, सुनसरीइ ९५, यलय् ८७ व चितवनय् ८२ म्हेसित कोरोना संक्रमण पुष्टि जुगु दु। अथेतु, मोरङय् ७८, ख्वपय् ६४, काभ्रेपलाञ्चोकय् ५३, मकवानपुरय् ४०, पर्वतय् ३७, गोर्खाय् ३५ व रुपन्देहीइ ३१ म्हेसित कोरोना पुष्टि जुगु दु।

सिन्धुपाल्चोकय् २७, सुर्खेतय् २२, नवलपरासी पुर्व व बागलुङय् १८÷१८ म्ह, जुम्लाय् १४, कैलालीइ १३ व इलामय् १० म्हेसित कोरोना संक्रमण पुष्टि जुगु दु धका मन्त्रालयं धागु दु।

वंगु २४ घण्टाया दुने देयन्यक थप १,६६४ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं ९,११७ म्हेसिगु पीसीआर परीक्षणय् १,५२३ म्ह व ३,१०५ म्हेसिगु एन्टीजेन परीक्षणय् १४१ म्ह याना १६६४ म्हेसित संक्रमण पुष्टि जूगु दु। व

गु २४ घण्टाय् १७८६ म्ह संक्रमणमुक्त जुगु दु सा कोरोना संक्रमणया कारण २० म्ह सीगु दु। मंगलबाः थपे नाप याना आःतक नेपालय् कोरोना संक्रमितपि ७ लाख ६२ हजार ६४७ म्ह थ्यंगु दु।

अथेहे नेपालय् सीपि १० हजार ७५० म्ह थ्यंगु दु सा ७ लाख १६ हजार ३०६ म्ह संक्रमणमुक्त जुइ धुकुगु दु।

शेयर बजाःया परिसूचक नेप्से थौं मङ्गलवाः ६९ अङ्कं घटे जुगु दु। दक्को समूहया शेयर कुहावंगु दु।

नेप्सेय् ६९ दशमलव शून्य ५अङ्कं घटे जुया २ हजार ९ सय ७५ दशमलव ८४ विन्दुइ कुहावंगु दु। थौं बैंकिङ समूहया शेयर २३ अङ्कं, विकास बैंक समूहय् २ सय ५ अङ्क, व्यापारय् १ सय ६ अङ्क, होटलय् ४६ अङ्क व जलविद्युत् समूहं शेयर १ सय २४ अङ्क घटे जुगु दु।

अथेहे फाइनान्सय् १ सय १ अङ्क, माइक्रोफाइनान्सया १ सय ६४ अङ्क, बीमा समूहया ४ सय ४७ अङ्क, निर्जीवन बीमा समूह ३ सय ७२ अङ्क, उत्पादनय् १ सय ९८ अङ्कं व मेमेगु समूहया शेयर ६२ अङ्कं घटे जुगु दु। थौं दकलय् अप्वो रुरु जलविद्युत् कम्पनीया शेयर १० प्रतिशतं घटे जुगु दु।

समग्र बजा जुगुलि कर्णाली विकास बैंकया साढे ७ व मनकामना स्मार्ट लघुवित्त कम्पनीया शेयर ६ प्रतिशतं थहावंगु दु। थौं २ सय २७ कम्पनीया २ करोड ३१ लाख कित्ता शेयर १३ अर्ब २५ करोड रुपैयाँ किनबेच जुगु दु।

दकलय् अप्वो अरुण भ्याली हाइड्रोया १ अर्ब १ करोड रुपैयाँया शेयर किनबेच जुगु खः।

नेकपा एकीकृत समाजवादीं वाग्मती प्रदेशया मुख्यमन्त्री दाबी याःगु दु। नेकपा एमालेया १२ म्ह सांसदपिन्स एकीकृत समाजवादी ल्ययेगु दु सा मुख्यमन्त्री अष्टलक्ष्मी शाक्य अल्पमतय् लागु दु।

१०९ म्ह सदस्यीय प्रदेशसभाय् एमालेया ५६म्ह सांसदपि दु। एकल बहुमत जुगुलि २ भदाय् डोरमणि पौडेलं राजीनामा बिया शाक्ययात मुख्यमन्त्री दयकूगु खः। तर उगु हे दिं एमाले तछ्याना नेकपा समाजवादी एकीकृत बने जुगु खः।

राजनीतिक दलसम्बन्धी अध्यादेश कथं प्रदेश व स्थानीय तहया जनप्रतिनिधिपिन्त दल ल्ययेत निर्वाचन आयोगं २२ गते बहनि ५ बजे तक ई बिउगु खः।

मंगलबाः एमालेया १२ म्ह सांसदपिन्स निर्वाचन आयोगय् प्रदेश कार्यालय वना एकीकृत समाजवादी ल्यंगु जानकारी बिगु खः। मुख्यमन्त्रीया उम्मेदवार सु जुइ धका तःगु न्ह्यसलय् सांसद राजेन्द्र पाण्डे धागु दु, ‘पार्टी नं जितः न्ह्यः हःगु दु। सत्तारुढ गठबन्धनय् जिं सकसिगु सहमतिया उम्मेदवार खः।’