नेपाल मण्डल टेलिभिजनया नायः नाप नेपाल संवत ११४१ न्हुदँ समारोह समितिया अध्यक्ष रमेश महर्जन थौं सोमबाः आकाझाकां मन्त।

महर्जनयात कोरोना संक्रमण जुयाच्वंगु खःसा वय्कः निमोनिया जुयाः थौं सोमवाः मदूगु खः। मदुम्ह महर्जन छम्ह उद्योगपति लिसें समाजसेवी खःसा वय्कः रत्न आभूषण महासंघया अध्यक्ष न ख। वयकया असामयिक निधनं नेवाः सन्चारख्यलय् तच्वयेक घाःलागु दु ।अथेहे, मदुम्ह महर्जन विवेकशील साझा पार्टीया केन्द्रीय दुजः नं खः।

कोरोनाया हुनिं मदुगुलिं अन्तिम श्रद्धाञ्जलि व शवयात्रा मयाःसे सेनापाखें तप्यंक पशुपति दीपय् यंकाः विद्युत शव दाहगृहय् अन्तिम संस्कार याइगु व अन्तिम संस्कार याये न्ह्यः सुथसिया १०ः३० ता इलय् अन्तिम श्रद्धाञ्जलि ज्याझ्वः जुइगु जानकारी मदुम्ह रमेश महर्जनया छेँजः स्रोतं जानकारी ब्यूगु दु । स्रोतया जानकारी कथं, रमेश महर्जनया म्हिगः दुने ल्वचं थियाच्वंसां नं ज्या व्यस्तताया हुनिं उगु ल्वय् अनभिज्ञ अवस्थाय् लानाच्वंगु व आकाझाकां उगु ल्वय् च्यापेजुइधुंकाः तिनि रमेश महर्जन अस्पताल भर्ना जुयादीगु खः धकाः धाःगु दु ।

थथे आकाझाकां ल्वचं च्यापेजुइधुंकाः अस्पताल भर्ना जुइधुंकाः इमर्जेन्सी रुपं उपचार यायेमाःगु व उपचारया झ्वलय् मदुगु लिसें कोरोना पुष्टि जूगु जानकारी छेँजः स्रोतं ब्यूगु दु ।

५६ दँया उमेरय् मत्यवं मदुम्ह रमेश महर्जन यल महानगरपालिका ७ वडा पिलाछेँया बासिन्दा खःसा वय्कःया जहान लिसें निम्ह म्ह्याय् व छम्ह काय् दी ।

नेपाल मण्डल टेलिभिजनया नायः नाप नेपाल संवत ११४१ न्हुदँ समारोह समितिया अध्यक्ष रमेश महर्जन थौं सोमबाः आकाझाकां मन्त।

महर्जनयात कोरोना संक्रमण जुयाच्वंगु खःसा वय्कः निमोनिया जुयाः थौं सोमवाः मदूगु खः। मदुम्ह महर्जन छम्ह उद्योगपति लिसें समाजसेवी खःसा वय्कः रत्न आभूषण महासंघया अध्यक्ष न ख। वयकया असामयिक निधनं नेवाः सन्चारख्यलय् तच्वयेक घाःलागु दु ।अथेहे, मदुम्ह महर्जन विवेकशील साझा पार्टीया केन्द्रीय दुजः नं खः।

कोरोनाया हुनिं मदुगुलिं अन्तिम श्रद्धाञ्जलि व शवयात्रा मयाःसे सेनापाखें तप्यंक पशुपति दीपय् यंकाः विद्युत शव दाहगृहय् अन्तिम संस्कार याइगु व अन्तिम संस्कार याये न्ह्यः सुथसिया १०ः३० ता इलय् अन्तिम श्रद्धाञ्जलि ज्याझ्वः जुइगु जानकारी मदुम्ह रमेश महर्जनया छेँजः स्रोतं जानकारी ब्यूगु दु । स्रोतया जानकारी कथं, रमेश महर्जनया म्हिगः दुने ल्वचं थियाच्वंसां नं ज्या व्यस्तताया हुनिं उगु ल्वय् अनभिज्ञ अवस्थाय् लानाच्वंगु व आकाझाकां उगु ल्वय् च्यापेजुइधुंकाः तिनि रमेश महर्जन अस्पताल भर्ना जुयादीगु खः धकाः धाःगु दु ।

थथे आकाझाकां ल्वचं च्यापेजुइधुंकाः अस्पताल भर्ना जुइधुंकाः इमर्जेन्सी रुपं उपचार यायेमाःगु व उपचारया झ्वलय् मदुगु लिसें कोरोना पुष्टि जूगु जानकारी छेँजः स्रोतं ब्यूगु दु ।

५६ दँया उमेरय् मत्यवं मदुम्ह रमेश महर्जन यल महानगरपालिका ७ वडा पिलाछेँया बासिन्दा खःसा वय्कःया जहान लिसें निम्ह म्ह्याय् व छम्ह काय् दी ।

नेकपा माओवादी केन्द्रया अध्यक्ष पुष्पकमल दाहाल प्रचण्ड थः राजनीतिक गुरु नाप क्रान्तिकारी माओवादीया महासचिव मोहन वैद्य किरणयात नापलायेगु निति नर्भिक अस्पताल वंगु दु।

प्रचण्द वैद्यया स्वास्थ्य अवस्थाया विषय जानकारी कायेगु निति अन वंगु खः। अथेहे नर्भिक अस्पतालया चिकित्सक नाप स्वास्थ्यकर्मीन्सि वैद्यया स्वास्थ्य अवस्थाया विषयमा प्रचण्डयात जानकारी बिउगु खः।

वैद्यया स्वास्थ्य अवस्थाय् सुधार जुया वयाच्वंगु दु धका उपचारय् संलग्न चिकित्सकपिन्स धाउगु दु। नेता प्रचण्डं वैद्यया भिंउसाँय्या कामना न यानादीगु दु।

प्रचण्डनापं नेता वैद्ययात नापलायेगु निति माओवादी केन्द्रया नेतापि कृष्णबहादुर महरा, मातृकाप्रसाद यादव लगायतपि न अस्पताल वंगु खः।

नेपाल संवतया प्रवद्र्धक शंखधर साख्वाया थ्यंमथ्य प्यगू फिट कदया मूर्ति थीथी ज्याझ्वलय् ब्वज्या याइगु जुगु दु।

नेपाल संवत न्हूदँ राट्रिय समारोह समिति ११४२ थ्व दँ निसें नेपाल संवत व शंखधर साख्वायात कया जुइगु गुगु नं कथंया ज्याझ्वलय् नेपाल संवतया प्रवद्र्धक शंखधर साख्वाया सम्मानय् वयकःया मूर्ति ब्वया सम्मान यायेगु खँ धाःगु दु।

११४२ न्हूदँ समारोह समितिया नायः निरञ्जन रत्न शाक्यं थुगु मूर्ति दयेकेगु ज्या क्वचायेत्यंगु व याकनं हे छगू ज्याझ्वःया दथुइ पितब्वज्या यायेगु जानकारी ब्यूगु दु।

लिसें वयकलं न्हूदँ ११४२ या लसताय्  जुइगु सकतां ज्याझ्वलय् शंखरया मूर्ति ब्वज्या यायेगु जानकारी नं बियादिगु दु। थुगु मूर्ति दयेकेगु व थुकिया ब्यबस्थापन यायेगु नितिं समारोह समितिया दुजः सत्यनारायण डगोलया संयोजकत्वय् उप समिति निस्वंना तःगु खः।

जातीय स्वतन्त्रतायात क्वत्यलाः राष्टया उत्थान जुइ फइमखु धइगु नारा थ्वयेकाः ख्वीक्वःगु बिराट नेपालभाषा साहित्य सम्मेलन जुगु दु।

कवयित्री प्रतिसरा साय्मिं त्वाःदेवाय् मत च्याकाः सम्मेलनया उलेज्या यानादीगु खःसा बिराटया नायः महेन्द्रगोपाल कर्माचार्यया सभापतित्वय् उगु जूगु सम्मेलनय् येँ देय् म्हसीका पाठ्य सामग्री तयार यानाः येँ महानगरपालिकां नेपालभाषाया माध्यमं थःपिनि लागाय् अनिवार्य रुपं नेपालभाषा विषय पठन पाठनया ब्यवस्था याःगु ज्वःमदुगु योगदानया निंतिं येँ महानगरपालिकाया मेयर बिद्यासुन्दर शाक्ययात सम्मान याःगु दु।

येँ महानगरया मेयर शाक्ययात बिराटया पुलांम्ह नायः व सल्लाहकार डा. योगेन्द्र प्रधानं दोसल्लां न्ययेकाः नायः महेन्द्रगोपाल कर्माचार्य व मूपाहां प्रतिसरा साय्मिं हनापौ लःल्हानादिगु खः। उगु ज्याझ्वलय् सम्मानित ब्यक्तित्व येँ महानगरपालिकाया मेयर शाक्यं राज्यं हे यायेमाःगु चिकिचाधंगु ज्या जकं थःपिसं यानागु खँ कनादिसें भाषा, जातिया सवालय् सुरुं छुं यायेत तसकं हे थाकुइगु तर बुलुहुँ लँ चाला वनेवं धाःसा अज्याःगु ज्या स्वर्तस्फूर्त रुपं जूवनीगु धका धयादिगु खः।

वय्कलं नेपाल संवतया आन्दोलन थःपिसं पार्टीगत रुपं सुरु यानागु इलय् छुं नं मखुथें खःथें मखुथें च्वंगु तर थौं राष्टपति भवन सितल निवास, मन्त्री क्वाटर व बालुवाटार नापं थीथी पार्टी व निकायय् तकं नेपाल संवतयात कयाः जलपान लगायतया ज्या जुयाच्वंगु दसु न्ह्यब्वयादिगु खः। नेपालभाषा विषय कयाः एम.ए.तगिमय् उत्कृष्ट ल्याः हयाः पास यानादीम्ह प्रजित शाक्य व एसइइ परीक्षाय् नेपालभाषाय् दक्कलय् अप्वः ल्याः हयाः पास यानादीम्ह सदीक्षा महर्जनयात मध्यपुर थिमि नगरपालिकाया मेयर मदनसुन्दर श्रेष्ठं दोसल्लां न्ययेकाः हनेज्या याउगु खः।

उगु हे ज्याझ्वलय् बिराटया भवन दनेत तुल्सीराम श्रेष्ठपाखें स्वंगू लाख तका व संघरत्न शाक्यपाखें छगू लाख तका दां लःल्हाःगु खः। मूपाहां थःम्हं च्वयादीगु पुलांगु कविता लुमन्तिया अगिंमथ ब्वना न्यंकादीगु सम्मेलनय् जजुकाजी रंजित व सत्यनारायण मानन्धरपिसं म्ये न्यंकादीगु खःसा गायक अमरराज शर्मा, बद्री बेदना, रिना तुलातर, बुद्धिकुमार घों, अगिब बनेपाली, सुरेन्द्रलाल भुजू लगायतं थः थःगु रचना ब्वना न्यंकादीगु खः । बिराटया ख्वाःपौ ह्याउँबालाया न्हूगु ल्याः नं विमोचन जूगु ज्याझ्वलय् बिराटया ज्यासना पुचःया दुजः बाबुकाजी सुवालया गांगु सिमा नांगु चिबाखं मुनाः नं विमोचन याःगु खः ।