येँया मरुस्थित शाक्यकेतु महाविहारया पुननिर्माण सम्पन्न जुगु दु। पुननिर्मित महाविहार येँ महानगरया मेयर विद्यासुन्दर शाक्यं उलेज्या यानादीगु खः।

०७२ सालया भुखाचं जीर्ण जुगु उगु महाविहार पुननिर्माणया लागि मेयर शाक्यं ०७६ माघ महिनाय् शिलान्यास यानादीगु खः। करीब ४६ लाख ६९ हजार रुपैयाँ महाविहार पुननिर्माण सम्पन्न जुइवं आः आँगः छेँ पुननिर्माणया लागि क्षमा पूजा याउगु दु।

महाविहार उलेज्या लिपा न्ववानादीसे मेयर शाक्यं, गुठी संस्थानं व्यापारिक प्रयोजनया लागि जग्गा बिउगु तर महानगरं भाडां कया पार्क व खुल्ला दयकेगु स्वयागु इलय् दयका मबिगु धका धयादीसे, जग्गाया भाडा महानगरं पुलेगु कथं खाली फ्वनागु खः।

मनू तयेस व्यापारिक प्रयोजनय् छ्यगुलि उमिस समस्या मखं तर महानगरयात बिइ चाहे मजू। जग्गा जक मखु, गुठीया स्वामित्व दुगु यक्को सांस्कृतिक संरचना जीर्ण जुइ धुकुगु दु।

शाक्यपिनिगु गु प्रमुख वहि मध्ये थ्व न छगु खः। थुगु महाविहार गणबहिल (गणवहाः, खिचापूखु व ओमवहाः दथुइ, खुशीबहिल (ताहाचाल) या शाक्य व भिक्षुपिनिगु चुडा कर्म यायेगु थाय् खः।

दँय् छन्हू जक चालिगु हनुमानध्वाखा स्थित तलेजु भवानीया द्यगः थौं चायेकुगु दु ।

कोरोनाया हुनिं थगुने बन्द याःगु थुगु द्यगः थुगुसिइ धाःसा चायेकुगु खः । द्यगःलय् भक्तजनया सुथय्निसें म्वःम्वः जूगु दु । तलेजु भवानीयात धाःसा फूलपातीया हे दिं हनुुमानध्वाखा लायेकुुया मूलचोकय् हःगु दु ।

तलेजु भवानीयात विजयादशमीया दिं सुथय् जक मू द्यगःलय् लितयंकेगु न्ह्यथंगु दु । मूलचोकय् हे महाअष्टमीया चान्हय् कालरात्री पूजा याना ५४ म्ह दूकु व ५४म्ह म्येँया बलि तकं बिउगु दु ।

राज्य सञ्चालनया नितिं शक्ति चूलायेमा धइगु संकल्पं बुधबाः चान्हय् तान्त्रिक विधिं कालरात्रि पूजा याःगु खः ।

विश्व सम्पदा सूचीकृत पाटन दरबार क्षेत्रय् च्वंगु भिंद्यः भिमसेन मन्दिर पुनःनिर्माणया अगुवा नाप उद्यमी कृष्णलाल महर्जनयात पितृशोक जुगु दु।

ललितपुर उद्योग वाणिज्य संघया निर्वतमान अध्यक्ष महर्जनया अबु रत्नलाल महर्जन (नायचा) आईतबाः सथय् ८ः४० बजे सानेपास्थित स्टार हस्पिटलय् मदुगु खः। ८२ दँ दुम्ह महर्जन स्वँय् समस्या जुया उपचार यायेगु झ्वलय् मदुगु खः।

मदुम्ह महर्जनया जहान लक्ष्मीमाया महर्जन, काय्पि कृष्णलाल महर्जन, सुनीललाल महर्जन, सुशील महर्जन व सुमन महर्जन व म्ह्याय्पि नानीमाया महर्जन, लक्ष्मीदेवी महर्जन, मैया महर्जनपि दी।

मोहनी न्ह्यःया लिपागु दिं थौं सोमबाः सेयर बजाः परिसूचक नेप्से २३.१९ अंकं घटे जुगु दु।

शेयर कारोबार जुगु कम्पनी व रकम निगुलि हे गिरावट वंगुलि नेप्से परिसूचक २६३९ अंकय् कुहावंगु खः। सोमबाः समूहिक लगानी कोष व लगानी सूचकबाहेक दक्को परिसूचक घटे जुगु खः।

न्हिच्छियकं २१९ कम्पनीया सेयर दोस्रो बजारय् खरीद बिक्री जुगुलि मुक्कं कारोबार रकम ३ अर्ब ६३ करोड रुपैयाँय् जक सीमित जुगु दु।

कन्ह्य मंगलबाः निसे आः न्यान्हु तक मोहनीया बिदा जुगु कारण बजार बन्द जुइ।