नेकपा माओवादी केन्द्रया च्याक्वः महाधिवेशनया बन्दसत्र आइतबाः न्हिनय् १ बजे तकया लागि स्थगित याउगु दु।

शनिबाः चान्ह्यया लागि निर्वाचन कार्यक्रम तोके याउगु खःसा आः दक्को कार्यक्रम आइतबाः न्हिनय् १ बजे तकया लागि स्थगित जूगु दु धका अध्यक्ष पुष्पकमल दाहाल प्रचण्डं जानकारी बिउगु दु।

सभामुख अग्निप्रसाद सापकोटां कार्यव्यवस्था परामर्श समितिया बैठक आह्वान याउगु दु।

कन्ह्य न्हिनय् १ बजे प्रतिनिधिसभाया बैठक च्वनेत्यंगु दु। व स्वया न्ह्यः आइतबाः सुथय् ११ः३० बजे लागि कार्यव्यवस्था परामर्श समितिया बैठक च्वनेत्यःगु दु।

बैठक संघीय संसद् भवन न्हुगु बानेश्वरस्थित शंकर हलय् च्वनिगु धका सभामुखया सचिवालयं जानकारी बिउगु दु

नेकपा माओवादी केन्द्रं केन्द्रीय समितिइ समानुपातिक पद्धतिपाखे निर्वाचित जुइपिनिगु सदस्यपि ल्ययेगु जिम्मा प्रदेश समितियात बिउगु दु।

माओवादीया महाधिवेशनं पारित विधान कथं केन्द्रीय समितिइ १५४ म्ह सदस्य समानुपातिक पद्धतिपाखे ल्यइगु जुगु दु।

समानुपातिक पद्धतिपाखे थीथी क्लस्टर कथं केन्द्रीय समितिइ नेतापिनिगु नां क्वछिउगु जिम्मा प्रदेश समितियात बिउगु धका छम्ह नेतां जानकारी बिउगु दु।

समानुपातिक पद्धतिपाखे प्रदेश १ य् २१म्ह, प्रदेश २ पाखे २५म्ह, वागमतीपाखे ३०म्ह, गण्डकीपाखे १४म्ह, लुम्बिनीपाखे २३म्ह कर्णालीपाखे १७म्ह, सुदूरपश्चिमपाखे १६ म्ह व विशेष क्षेत्रपाखे च्याम्हयाना १५४ म्ह ल्ययेत्यंगु दु।

केन्द्रीय सदस्यया बाँकी सदस्य धासा खुला प्रतिस्पर्धापाखे ल्यइगु जगु दु।

वंगु २४ घण्टाया दुने देयन्यक ३८२ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं ५ हजार ७ पीसीआर परीक्षणय् ३४२म्ह व १५ हजार ९५२ एन्टिजेन परीक्षणय् ४० म्ह याना ३८२ म्हेसित संक्रमण पुष्टि जूगु दु।

कोरोना संक्रमितपि थौं लच्छि लिपा यक्को जुगु दु। शुक्रबाः जम्मा २३५ म्ह जक संक्रमित जुगु खः। अथेहे २४ घण्टाय् २५२ म्ह कोरोना संक्रमणमुक्त जुगु दु।

नेकपा माओवादी केन्द्रया च्याक्वःगु महाधिवेशन अन्तर्गत न्हुगु नेतृत्वया लागि निर्वाचन प्रक्रिया सुरु जुगु दु।

थौं शनिबाः न्हिनय् निर्वाचन समितिं मतदाता नामावली प्रकाशन याउगु दु।

महाधिवेशन आयोजनास्थल कमलादीस्थित नेपाल प्रज्ञा प्रतिष्ठानमा समितिं १७४२ म्हेसिगु महाधिवेशन प्रतिनिधिपिनिगु नां प्रकाशन याउगु दु।