नेपाली कांग्रेसया सभापति शेरबहादुर देउवां नेता रामचन्द्र पौडेलनाप झीम्हेसित केन्द्रीय समितिइ मनोनीत याउगु दु।

कांग्रेस पार्टी कार्यालयया मुख्य सचिव कृष्णप्रसाद पौडेलया कथं देउवां पौडेलनाप विमलेन्द्र निधि, विजयकुमार गच्छदार, प्रकाशमान सिंह, कृष्णप्रसाद सिटौला, डा. प्रकाशशरण महत, डा. नारायण खड्का, सुजाता कोइराला, उमा रेग्मी व मीनबहादुर विश्वकर्मापिन्त केन्द्रीय सदस्यय् मनोनीत याउगु दु।

नेता पौडेल, सिटौला, खड्का, रेग्मी व विश्वकर्मा न महाधिवेशनय् छु न पदय् उम्मेदवारी बिउगस मदस। निधि व सिंह सभापातिया उम्मेदवार जूपि खः। निगु चरणया निर्वाचनय् निम्हेसिया देउवायात समर्थन याउगु खः। गच्छदार व कोइराला उपसभापतिइ पराजित जूम्ह खःसा महत महामन्त्रीइ पराजित जूम्ह खः। कांग्रेसमा विधानय् ३३ म्ह केन्द्रीय सदस्य सभापतिं मनोनित यायेगु प्रावधान दु।

महाधिवेशनय् १३४ म्ह निर्वाचित जुगु खःसा सभापतिया निकटम प्रतिस्पर्धी स्वतः केन्द्रीय सदस्य जुइगु विधानय् व्यवस्था दु।

नेकपा माओवादी केन्द्रया च्याक्वःगु महाधिवेशनया निर्वाचन कार्यक्रम सार्वजनिक याउगु दु।

निर्वाचन समितिं थौं शनिबाः न्हिनय् सार्वजनिक याउगु कथं उम्मेदवारी दर्ताया ई बहनि ८ बजेनिसे साढे ८ बजे तकया ई बिउगु दु। अथेहे ८ः३५ तक उम्मेदवारया विरोधय् उजुरी बिइगु, ८ः४० निसे ९ बजेतक उजुरीउपर छानबिन व निर्णय, ९ः१० बजे उम्मेदवारया नां हाकन प्रकाशन, ९ः३० निसे ११ बजेतक उम्मेदवारपिन्स नां लितकायेगु ई बिउगु दु।

केन्द्रीय निर्वाचन आयोगया संयोजक विष्णुपुकार श्रेष्ठं सार्वजनिक याउगु निर्वाचन कार्यक्रमय् ११ः१५ बजे उम्मेदवारपिनिगु अन्तिम नामावली प्रकाशन व ११ः३० निसे चान्ह्य ४ बजे तक मतदानया ई क्वछिउगु दु।

राष्ट्रिय सभामा सदस्यया लागि थौनिसे निर्वाचन प्रक्रिया शुरू जुइगु दु। १९ म्ह सदस्यया लागि वइगु माघ १२ गते जुइगु मतदानया लागि थौंनिसे निर्वाचन प्रक्रिया शुरु जुइ धका निर्वाचन आयोगं धाउगु दु।

थौंनिसे शुरु जुइगु निर्वाचन प्रक्रिया अन्तर्गत पुस २० निसे २५ गते तक उम्मेदवारपिनिगु अन्तिम नामावली, निर्वाचन चिं बिइगु कार्यक्रम व निर्वाचन आचारसंहिता लागू जुइधका आयोगं धाउगु दु।

राष्ट्रियसभा निर्वाचनय् स्थानीय तहया १४९३ म्ह व प्रदेश सभाय् ५३२ म्ह याना २ हजार २५ मतदाता दु धका आयोगं धाउगु दु।

वंगु २४ घण्टाया दुने देयन्यक थप २३५ म्हेसित कोरोना भाइरस पुष्टि जूगु दु।

७ हजार ८८५ म्हेसिगु पीसीआर परीक्षण याउगुलि २२४ म्ह व १ हजार १९९ म्हेसिगु एन्टीजेन परीक्षण याउगुलि ६ म्ह याना २३५ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् प्यम्ह सीउगु दु सा २१२ म्ह संक्रमणमुक्त जुगु दु।

अज्ञात समूह न हनुमानध्वाकाय् मल्लकालीन शिलालेखय् तोडफोड याउगु दु।

बिहीबाः कृष्ण देगलय् पिन तयातःगु प्रताप मल्लकालीन शिलालेख तोडफोड जुगु दु धका हनुमानढोका दरबार हेरचाह अड्डाया प्रमुख सन्दीप खनालं जानकारी बिउगु दु।

अड्डाया प्रमुख खनालया कथं उगु अभिलेख जुजु प्रताप मल्लया इलय् वि.सं. १७०५ य् तयातःगु खः। अभिलेख तोडफोड जुगु जानकारी वयेवं दक्को टुक्रा मुना हेरचाह अड्डाय् सुरक्षित तयातःगु दु धका खनालं जानकारी बिउगु दु।

अभिलेख तोडफोड जुगु बारेय् महानगरीय प्रहरी वृत्त हनुमानढोका व पुरातत्व विभागयात न जानकारी बिइ धुकुगु दु।