Display Style:
Column Style
पत्रकार दबु चितवन शाखां हिंदान ज्याझ्वःयात
लहनान्युज | थिंलागा दशमी ११४२, पुष १४ बुधवाः
नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया १०६ क्वःगु बुदिंया लसताय् नेवाः पत्रकार राष्ट्रिय दबु चितवन शाखां हिंदान ज्याझ्वः याउगु दु।
उगु ज्याझ्वलय् नीन्याम्हेयिा हिंदान याउगु धका पत्रकार दबु चितवनया दुजः नाप ज्याझ्वःया कजि अनुज श्रेष्ठं जानकारी बिउगु दु। नेपाल पत्रकार महासंघ चितवनकया संस्थापक महेन्द्र श्रेष्ठया मूपाहासूइ जुगु खः।
थज्याउगु ज्याझ्वः न हिंया अभाव मजुइगु ग्वाहालि जुइ धका वयकलं धयादीगु खः । अथेहे पत्रकार दबु चितवनया अध्यक्ष कमलमान श्रेष्ठं जिल्लाय् हिंया अभाव जुयाच्वंगुलि महासंघया संस्थापक अध्यक्ष श्रेष्ठया बुदिंया लसताय् थथे हिंदान यानागु धका जानकारी बियादीगु खः।आः लिपा लिपा न थज्यागु ज्यायात निरन्तरता बिया वनिइगु जुइ धका धयादीगु खः।
ज्याझ्वलय् भरतपुर महानगरपालिका वडा नं. २ या अध्यक्ष पूर्ण बहादुर श्रेष्ठ, नेपाल पत्रकार महासंघ चितवनया अध्यक्ष नारायण प्रसाद अधिकारी, तामाङ्ग पत्रकार संघया केन्द्रीय सचिव उर्गेन तामाङ्ग, तामाङ्ग पत्रकार संघ चितवनया अध्यक्ष बबीलाल तामाङ्ग लगायतपिनिगु न उपस्थिति दुगु खः।
सत्यनारायण बहादुर श्रेष्ठयात पत्रकार महासंघया संस्थापक अध्यक्ष घोषणा यायेत माग
लहनान्युज | थिंलागा दशमी ११४२, पुष १४ बुधवाः
सत्यनारायण बहादुर श्रेष्ठयात नेपाल पत्रकार महासंघया संस्थापक अध्यक्ष घोषणा यायेत माग याःगु दु ।
मदुम्ह श्रेष्ठया १०६ क्वःगु जन्मजयन्ती हनेगु नितिं नेवाः पत्रकार राष्ट्रिय दबूलिं गौशाला, सञ्चारग्रामय् च्वंगु नेपाल पत्रकार महासंघया सभाहलय् ग्वसाः ग्वःगु समारोहय् न्वंवासें थीथी खलःपुचःया प्रतिनिधिपिन्सं थुगु माग तःगु खः । थौंकन्हे नेपाल पत्रकार महासंघया संस्थापक नायःकथं कृष्णप्रसाद भट्टराईया नां कायेगु याः । भट्टराई नेपाली कांग्रेसया संस्थापक व नेपाःया न्हापांम्ह सभामुख नं खः ।
२००८ सालय् श्रेष्ठया अध्यक्षताय् नेपाल पत्रकार संघया स्थापना जूगु जुयाः श्रेष्ठयात पत्रकार महासंघया संस्थापक अध्यक्ष घोषणा यायेमाःगु नेवाः पत्रकार राष्ट्रिय दबूया माग खः । २००८ सालय् न्हापांगुखुसी नेपाल टुडेया सम्पादक श्रेष्ठया सभापतित्व, तरंगया सम्पादक भोजबहादुर सिंह न्यौपाने सचिव जुयादीगु नेपाल पत्रकार संघ गठन जूगु खः । २००८ सालया थुगु ऐतिहासिक तथ्यया ल्याखं म्हिगःया नेपाल पत्रकार संघ गुगु नेपाल पत्रकार महासंघय् हिल, उगु महासंघया न्हापांम्ह सभापति सत्यनारायण बहादुर श्रेष्ठ नै रहेको तर्क गर्ने गरिएको छ ।
वय्कःया सभापतित्वय् गठन जूगु नेपाल पत्रकार संघया निक्वःगु सभा २००९ साल वैशाख २८ गते भोटाहिटीया आर्य समाजया सभाकक्षय् जूगु खः । उगु सभां नं सत्यनारायण बहादुर श्रेष्ठया हे सभापतित्वय् नेपाल पत्रकार संघ पुनर्गठन याःगु खः । थुकिया स्वदँ लिपा २०१२ साल चैत्र १६ गते पत्रकारपिनिगु बैठकं नेपाल पत्रकार संघया पुर्नगठन यासें नेपाल पुकारका तत्कालीन सम्पादक कृष्णप्रसाद उपाध्याय भट्टराई सभापति जुयादीगु खः । सत्यनारायणबहादुर श्रेष्ठं पत्रकार संघ स्वनादीगु प्यदँ लिपा तिनि नेपाल पत्रकार संघया अध्यक्ष जूम्ह कृष्णप्रसाद भट्टराईयात संस्थापक सभापति धायेगु यानाः वयाच्वंगु दु ।
समारोहय् न्वंवासें वक्तापिन्सं २०१२ चैत्र १६ गते स्वर्गीय कृष्णप्रसाद भट्टराईया नेतृत्वय् स्थापित नेपाल पत्रकार महासंघ उगु हे पत्रकार संघया पुनःगठनं दयेकूगु न्ह्यथंसें स्वर्गीय श्रेष्ठयात नेपाल पत्रकार महासंघया संस्थापक अध्यक्षकथं सम्मान बीमाःगु माग याःगु खः ।
उगु समारोहय् नेपाल प्रेस काउन्सिलका अध्यक्ष बालकृष्ण बस्नेतं पत्रकार महासंघया संस्थापक बहसबारे महासंघया सम्बद्ध पक्ष पन्छे जुइमज्यूगु न्ह्यथनादिल । ‘नेपाःया सञ्चारवृतय् थ्वयाच्वंगु महासंघया संस्थापक अध्यक्ष बारेया बहसय् सम्बद्ध पक्षं जवाफ बीत आलटाल यायेगु मखु । थुकिया बारे गम्भीर वहस व छलफल यायेमा” अध्यक्ष बस्नेतं धयादिल।
समारोहय् नेपाल आदिवासी जनजाति पत्रकार महासंघया वरिष्ठ उपाध्यक्ष गजुरधन राईं संस्थापक अध्यक्षया बहसया उद्देश्य २०१२ सालय् महासंघया नेतृत्व यानादीम्ह स्वर्गीय भट्टराईयात अनादर बाय् अवमूल्यन यायेगु मखःसे इतिहास हिलेगु कुतःयात पनेगु, व सत्य स्थापित यायेत खः” धयादिल । नेपाल पत्रकार महासंघं थः संस्थापक अध्यक्षया खँय् पुनःविचार मयाःसें मगाः” वरिष्ठ उपाध्यक्ष राईं धयादिल।
उगु ज्याझ्वलय् पत्रकार राष्ट्रिय दबूया सल्लाहकार वरिष्ठ पत्रकार सुरेशकिरण मानन्धरं सत्य व तथ्यया नितिं सः तइपिं पत्रकारतय्सं ऐतिहासिक तथ्यया सम्मान यायेमाःगु खँ न्ह्यथनादिल।
मधेसी पत्रकार समाजया अध्यक्ष मोहन सिँहं सत्यतथ्य सकसिनं स्यूसां सुनां च्यूताः मतःगु, सम्बोधन मयाःगु धयादिसेें ‘महासंघया आः धयातःम्ह संस्थापक अध्यक्ष देशया प्रभावशाली व्यक्तित्व जूगु हुनिं नं स्वर्गीय श्रेष्ठया योगदानया इतिहास बिस्मृतिइ लाःगु खः ।’
स्वर्गीय श्रेष्ठया म्ह्याय् सुजिता मानन्धरं थुगु खँय् थप अध्ययन व प्रमाण मुंकाः सकारात्मक रुपं न्ह्यांवनेमाःगु न्ह्यथनादिल।
ज्याझ्वलय् न्वंवासें नेवाः पत्रकार राष्ट्रिय दबूया अध्यक्ष सुरजवीर बज्राचार्यं “इतिहासया थुगु तथ्ययात हुइगु, न्हंकेगु कुतः जुयाच्वंगु जुयाः पत्रकार महासंघया संस्थापक अध्यक्षया मुद्दा न्यायया नितिं संघर्ष खः” धयादिल । वयकलं थुगु संचारग्रामय् हे संस्थापक अध्यक्षया मान बियाः सत्यनारायण बहादुर श्रेष्ठया प्रतिमा नीस्वनेमाःगु कनादिसें जन्मजयन्ती समारोह हनाज्याया भाला नं पत्रकार महासंघं थःगु जिम्मेवारी नालाः कायेमाःगु न्ह्यथनादिल।
ज्याझ्वलय् पत्रकार राष्ट्रिय दबूका निर्वतमान अध्यक्ष श्रीकृष्ण महर्जनं इतिहासया अपव्याख्या यायेमज्यूगु धयादिसें “२००७ सालय् देशय् प्रजातन्त्र वल । २००८ सालय् हे श्रेष्ठं पत्रकारपिनिगु संगठन दयेकादिल । थ्व वयकःया दुरदर्शीताया प्रमाण खः । इतिहासया थुगु कालखण्डया अपव्याख्या जुइमज्यू” धयादिल।
वयकःया किपातय् विषेश अतिथि, अतिथिनापं उपस्थिति सकलसिनं स्वां देछाःसें समारोह उलेज्या जूगु खःसा ज्याझ्वलय् मूपाहांया रुपय् सुं व्यक्ति विशेषयात मखःसे वयकः श्रेष्ठयात हे प्रतिकात्मक रुपं ज्याझ्वःया मू ब्यक्तित्वकथं सम्बोधन याःगु खः ।
नेपाःया सञ्चारवृतय् गृष्मबहादुर देवकोटाया नेपाली छापाखानाको इतिहास नांगु सफू व मेमेगु थीथी दस्तावेजया आधारय् महासंघया संस्थापक अध्यक्षबारे बहस जुयाः वयाच्वंगु छगू दशक थुखेनिसें पत्रकार राष्ट्रिय दबूलिं ‘न्यायया नितिं संघर्ष’ कथं कयाः थुगु अभियानयात मद्दिक्क न्ह्याकाः वयाच्वंगु जुलसा वंगु ३ दँ न्ह्यःनिसें पुस १३ गते वयकःया जन्मजयन्ती समारोह न्यायेकेगु यानाः वयाच्वंगु खः।
राष्ट्रिय सभा निर्वाचनया लागिं १२ दल दर्ता जुल
थिंलागा अष्टमी ११४२, पुष १२ सोमवाः
थ्व हे माघ १२ गते जुइगु राष्ट्रिय सभा निर्वाचनय् १२ दलया ब्वति निश्चित जूगु दु ।
राष्ट्रिय सभा दुजः निर्वाचनया लागिं आयोगं दल दर्ताया लागिं ब्यूगु १० पुसया ई सीमा दुने १२ दलं दर्ता याकूगु खः । आयोगया कथं नेपाली कांग्रेस, नेकपा एमाले, नेकपा माओवादी केन्द्र, नेकपा एकीकृत समाजवादी, नेपाल लोकतान्त्रिक पार्टी, जनता समाजवादी पार्टी नेपाल, राप्रपा, राष्ट्रिय जनमोर्चा व नेपाल परिवार दलं न्हय्गुलिं प्रदेशय् ब्वति कायेगु धासें दल दर्ता याकूगु दु ।
अथे हे, लोकतान्त्रिक समाजवादी पार्टीं प्रदेश २ व सुदूरपश्चिम प्रदेश, नेमकिपां बाग्मती प्रदेश व ऐतिहासिक प्रजातान्त्रिक जनता पार्टी नेपालं प्रदेश २ लय् जक ब्वति कायेगु कथं दल दर्ता याकूगु दु ।
आयोगं राष्ट्रिय सभा निर्वाचनया लागिं ८ मतदान स्थलय् १४ मतदान केन्द्र क्वःछ्यूगु दु । उगु मतदान केन्द्र व स्थलय् २द्वः व २५ मतदातां मतदान याइ । राष्ट्रिय सभाया १९ दुजःया पदावधि थ्व हे फागुन २० गते फुइत्यंगु दु ।
आयोगया कथं एमालेया ८, एकीकृत समाजवादीया ४, माओवादी केन्द्रया ४ व कांग्रेसया ३ दुजःया पदावधि फुइत्यंगु खः । राष्ट्रपतिं मनोनीत याःम्ह रामनारायण बिडारीया कार्यकाल नं व हे मितिइ पूवनेत्यंगु दु ।
५९ दुजःया राष्ट्रिय सभाया एक तिहाइ दुजःया प्रत्येक निदँय् पदावधि फुइगु संवैधानिक व्यवस्था दु ।
माओवादी केन्द्रया थौं बन्दसत्र जुइगु
लहनान्युज | थिंलागा अष्टमी ११४२, पुष १२ सोमवाः
नेकपा (माओवादी केन्द्र) या च्याक्वःगु महाधिवेशन अन्तर्गत थौंनिसे बन्दसत्र सुरु जुइत्यंगु दु।
येँया प्रज्ञा भवन कमलादीइ ११ बजेनिसे थौं बन्दसत्र सुरु जुइ धका माओवादीं धाउगु दु। बन्दसत्रय् अध्यक्ष पुष्पकमल दाहाल ‘प्रचण्ड’ या राजनीतिक प्रतिवेदन, विधान लगायतया प्रतिवेदन पेस याइ।
बन्दसत्रय् १ हजार ६३१ म्ह प्रतिनिधि व पर्यवेक्षकपि सहभागी जुइ धका माओवादीं धाउगु दु। बन्दसत्रय् अध्यक्ष प्रचण्डया राजनीतिक प्रतिवेदनय् सामूहिक छलफल जुइगु ज्याझ्वः दु।
माओवादीं १५ म्ह पदाधिकारी नाप २९९ म्ह सदस्यीय केन्द्रीय समिति निर्वाचन यायेगु निर्णय याये धुकुगु दु।
देयन्यक थप २१९ म्ह कोरोना संक्रमण पुष्टि
लहनान्युज | थिंलागा सप्तमी ११४२, पुष ११ आईतवाः
वंगु २४ घण्टाय् देयन्यक थप २१९ म्ह कोरोना भाइरस संक्रमण पुष्टि जूगु दु।
७ हजार १ सय ८० म्हेसिगु पीसीआर परीक्षण याउगुलि २१३ म्ह व २ हजार ४ सय ९७ म्हेसिगु एन्टिजेन परीक्षण याउगुलि खुम्ह याना २१९ म्हेसित कोरोना भाइरसया संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।
वंगु २४ घण्टाया दुने कोरोना संक्रमणं निम्ह सीउगु दु सा २८३ म्ह कोरोनामुक्त जुगु दु।
