सत्ता गठबन्धनया प्यंगु दलया शीर्ष नेतापिन्स मन्त्रालय भागबण्डा टुङ्गे जुइवं मन्त्रिपरिषदयात पूर्णता बिइगु तयारी दु। बालुवाटारय् म्हिगः च्वंगु गठबन्धनया बैठक थ्व स्वया न्ह्यः याउगु मन्त्रालय बाँडफाँटया हेरफेर यायेगु सहमति याउगु दु।

सहमति कथं नेपाली कांग्रेसं प्रधानमन्त्रीनाप च्यागु, माओवादी केन्द्रं न्यागु, नेकपा एकीकृत समाजवादी व जनता समाजवादीं प्यंगु प्यंगु मन्त्रालय काइगु जुगु दु। कांग्रेस, माओवादी व एकीकृत समाजवादीं छम्ह छम्ह राज्य मन्त्री कायेगु सहमति जुगु दु।

गुगु मन्त्रालय कायेगु टुङ्गे जुइवं म्हिगः मन्त्रिपरिषद् विस्तार यायेगु तयारी जुगु खःसा माधव नेपाल नेतृत्वया एकीकृत समाजवादीं मन्त्रालय भागबण्डाय् असन्तुष्टि जुइवं म्हिगः मन्त्रिपरिषद् विस्तार मजुगु खः। म्हिगः जुगु छलफल कथं एकीकृत समाजवादीयात स्वास्थ्य तथा जनसङ्ख्या, सहरी विकास, संस्कृति पर्यटन तथा नागरिक उड्डयन व श्रम तथा रोजगार मन्त्रालय बिइगु सहमति जुगु खः।

एकीकृत समाजवादीयात कानुन मन्त्रालय सता स्वास्थ्य मन्त्रालय बिइगु व प्रदेश–१ नाप वाग्मती प्रदेशया मुख्यमन्त्री बिइगु सहमति जुगु खः। भागबण्डा मिले जुइवं एकीकृत समाजवादीं मन्त्रीपिनिगु नां क्वटिइत थौं ११ बजे स्थायी कमिटी बैठक सःतूगु दु।

अथेहे, नेपाली कांग्रेसं प्रधानमन्त्रीनाप गृह, रक्षा, परराष्ट्र, सञ्चार तथा सूचना प्रविधि, कानुन न्याय तथा संसदीय मामिला, महिला बालबालिका तथा ज्येष्ठ नागरिक व युवा तथा खेलकुद मन्त्रालय काइगु जुगु दु।

माओवादी केन्द्रपाखे अर्थ, उर्जा, शिक्षा, विज्ञान तथा प्रविधि, जलस्रोत तथा सिँचाइ, भूमि व्यवस्था, सहकारी तथा गरिबी निवारण मन्त्रालय काइगु जुगु दु। अथेतु, जनता समाजवादी पार्टी न भौतिक पूर्वाधार तथा यातायात, सङ्घीय मामिला तथा सामान्य प्रशासन, कृषि तथा पशुपक्षी व वन तथा वातावरण मन्त्रालय काइगु जुगु दु। जसपां मन्त्री जुइपिनिगु नां क्वछिइ फुगु मदुनि।

नेपाल संवत् ११४२ न्हूदँ तःजिक हनेगु नितिं न्हूदँ समारोह समिति नीस्वनीगु दु ।

येँया नेपाः ब्याकेटय् थीथी संघ सस्थाया मंका मुज्यां ११४२ न्हूदँ समारोह समिति निस्वंगु खः।

उगु समितिया मुज्यां भाषासेवी निरञ्जन रत्न शाक्ययात सर्वसहमतीं न्हूदँ समारोह समिति ११४२ या अध्यक्षय् ल्यःगु खः। ११४१ न्हूदँ समारोह समितिया नायः रमेश महर्जनया सभापतित्वय् जुगु उगु मुज्याय् नेपालभाषा मंकाः खलःया दुजः गणेश सायमी व नेवाः देय् दवूया नायः नरेश ताम्रकार पाँहा कथं झायादिगु खः।

११४२ न्हूदँ तःजिक हनेगु नितिं ८० म्ह दुजः दुथ्याःगु समारोह समिति निस्वंगु खः ।समितिया न्हपांगु मुज्या थौं च्वनेत्यंगु दुसा उगु मुज्यां थीथी उप समितित निंस्वने निंस्वने त्यंगु खः।

प्रदेश १ व बागमतीया मुख्यमन्त्री नेकपा एकीकृत समाजवादीं काइगु जुगु दु।

सत्तारुढ प्यंगु दलया शीर्ष नेतापिनिगु दथुए थौं बिहीबाः जुगु छलफलय् निगु हे प्रदेशया मुख्यमन्त्री एकीकृत समाजवादीयात बिउगु सहमति जुगु दु धका छम्ह नेतां जानकारी बिउगु दु।

आः प्रदेश १ य् राजेन्द्र राई व बागमतीइ राजेन्द्र पाण्डे मुख्यमन्त्री जुइगु दु। निगु हे प्रदेशय् नेकपा एमाले नेतृत्वया सरकार दु।

प्रदेश १ य् भीम आचार्य भदौ १० व बागमतीइ अष्टलक्ष्मी शाक्य २ भदौय् मुख्यमन्त्री जुगु खः।

स्वास्थ्य तथा जनसंख्या मन्त्रालयं वंगु २४ घण्टाय स्वनिगलय् जक २९४ म्ह कोरोना सक्रमित जुगु दु।

उकिइ मध्ये येँ जक २०७ म्हेसित कोरोना सक्रमित जुगु दु। अथेहे यलय् ५३ म्ह व ख्वपय् ३४ म्हेसित कोरोना सक्रमित जुगु दु।

मन्त्रालयया कथं प्रदेश १ य् १३६, प्रदेश २ य् ११ व बागमती प्रदेशय् ३३५ म्हेसित संक्रमित जुगु दु। अथेतु गण्डकीइ ८८, लुम्बिनीइ ६४, कर्णालीइ १६ व सुदूरपश्चिम प्रदेशय् थप १७ म्ह कोरोना संक्रमण पुष्टि जूगु दु।

वंगु २४ घण्टाया दुने देयन्यक ८०५ म्हेसित कोरोना भाइरस संक्रमण पुष्टि जुगु दु।

७ हजार २६४ म्हेसिगु नमुना पीसीआर परीक्षणय् ६६७ म्ह व ३ हजार ४०८ म्हेसिगु एन्टिजेन परीक्षण याउगुलि १३८ म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धाउगु दु।

वंगु २४ घण्टाय् कोरोना संक्रमणं च्याम्ह सीउगु दु सा ९११ म्ह कोरोनामुक्त जुगु दु।

न्हुपि थपे जुगु नाप आःतक नेपालय् कोरोना संक्रमित जुपि ८ लाख ९३ हजार ७२ म्ह थ्यंगु दु सा आःतक ११ हजार २ सय म्ह सी धुकुगु दु।

अथेहे ७ लाख ७३ हजार १४० म्ह संक्रमणमुक्त जुइ धुकुगु दु।