छु दिंनिसे लगातार घटे जुयाच्वंगु शेयर बजाः थौं मङ्गलवाः थहावंगु दु।

शेयर बजाः परिसूचक नेप्से थौं ४१ दशमलव ८४ अङ्कं थहावना २ हजार ६ सय १२ दशमलव ६५ विन्दुइ थ्यंगु दु। थौं व्यापारबाहेक दक्को समूहया शेयर भाः थहावंगु दु।

बैंकिङ समूहया शेयर १८ अङ्कं, विकास बैंक समूहया १४० अङ्कं, जलविद्युतया ६० अङ्कं, फाइनान्सया ८७ अङ्कं व माइक्रोफाइनान्स समूहया शेयर १३६ अङ्कं थहावंगु दु। अथेहे होटलय् ३६, जीवन बीमा समूहय् ३०७, निर्जीवन बीमा समूहया २६५, उत्पादन समूहय् १०७ व मेमेगु समूहया शेयर ११ अङ्कं थहावंगु दु।

शेयर बजार थहावसां कारोबार रकम धासा घटे जुगु दु। म्हिगः ३ अर्ब ६२ करोड रुपैयाँ कारोबार जुगुलि थौं जम्मा २ अर्ब ९९ करोड ९६ लाख रुपैयाँया शेयर किनबेच जुगु दु। थौं २ सय २३ कम्पनीया ४१ हजार कारोबारपाखे ५८ लाख ४२ हजार कित्ता शेयर कारोबार जुगु दु।

दकलय् अप्वो शिखर इन्स्योरेन्सया १३ करोड ६६ लाख रुपैयाँया शेयर कारोबार जुगु खः। थौं मल्टिपर्पोज फाइनान्स, हिमालयन पावर पार्टनर व समता घरेलु लघुवित्तया शेयर १० प्रतिशतं थहावंगु दु। समग्र बजाः थहावसां एनआईसी एसिया लघुवित्तया शेयर १० प्रतिशतं थहावंगु दु।

मन्त्रिपरिषद् विस्तार कसं बिहीवाः तक यायेगु तयारी दु धका सत्तारुढ दलपिन्स धाउगु दु।

मंगलबाः सुथय् सत्तारुढ दलया शीर्ष नेतापि दथुइ मन्त्रालय भागवण्डाबारे छलफल जुगु खः। बालुवाटारय् जुगु प्रधानमन्त्री नाप छलफलय् कांग्रेस सभापति शेरबहादुर देउवा, माओवादी केन्द्रया अध्यक्ष पुष्पकमल दाहाल प्रचण्ड, एकीकृत समाजवादीया अध्यक्ष माधवकुमार नेपाल, जनता समाजवादीया अध्यक्ष उपेन्द्र यादव व कानूनमन्त्री ज्ञानेन्द्रबहादुर कार्कीपिनिगु सहभागी दुगु खः।

छम्ह नेता धाउगु कथं शीर्ष नेतापि सहमति न्ह्यने थ्यःगु दु । ‘थौं बहनि तक वा कन्ह्य हाकनं मेगु बैठक च्वनिइ व कसंतक मन्त्रिपरिषद् विस्तार जुइ’ धका छम्ह नेतां धाउगु दु।

प्रतिनिधि सभाय् थौं मङ्गलवाःया बैठक प्रमुख प्रतिपक्ष दल नेकपा एमाले न अवरोध याउगु दु।

एमाले न १४ म्ह सांसदपिन्त कारबाहीया सूचं सभामुख न टाँस मयासे पक्षपातपूर्ण व्यवहार याउगु धासे संसद् बैठक अवरोध याउगु दु। थौंया बैठकय् नाराबाजी नाप एमाले न विरोध प्रदर्शन याउगु खः।

एमाले सांसदपिन्स विरोधया दथुइ न प्रधानमन्त्री शेरबहादुर देउवाया पाखे कानुन, न्याय तथा संसदीय मामिला मन्त्री ज्ञानेन्द्रबहादुर कार्की न राष्ट्रिय दलित आयोगया वार्षिक प्रगति प्रतिवेदन २०७६÷०७७ प्रतिनिधि सभामा पेस याउगु खः।

एमाले सांसदपिन्स हाकू धन म्वाः, देश लुटे याये दइ मखु, संसदीय सर्वोच्चता कायम याः, पार्टी तछ्याइ षड्यन्त्र म्वाः, यथास्थितिय संसद न्ह्याइ मखु, गैरसांसदयात प्रवेश निषेध याः, पदीय मर्यादा कायम गर लगायतया नारा थ्वय्कूगु खः।

प्रतिनिधि सभा बैठक वइगु असोज २२ गते शुक्रवाः न्हिनय् १ बजेया लागि सःतूगु दु।

न्यादी हाइड्रोपावर कम्पनीया साधारण शेयर (आईपीओ) या लागि थौंतक आवेदन बिइगु ई दु।

कम्पनीं सर्वसाधारणया लागि जारी याउगु २२ लाख ५० हजार कित्ता अर्थात २२ करोड ५० लाख रुपैयाया लागि शुक्रबारः निसे आवेदन खुला याउगु खः। बिक्रीइ हःगु जम्मा शेयर मध्ये ४५ हजार कित्ता शेयर कर्मचारीपिन्त व १ लाख १२ हजार ५०० कित्ता शेयर सामुहिक लगानी कोषया लागि खः।

उकिइ बाँकी दुगु २० लाख ९२ हजार ५०० कित्ता शेयर सर्वसाधारणया लागि खः। लगानीकर्तापिन्त थौं असोजया १९ गते तक आवेदन बिइगु ई तयातःगु खः। आइपीओ निष्काशन व बिक्री प्रबन्धकय् ग्लोबल आइएमई बैंकइ याउगु खः। उकिइ प्रत्याभूतकर्ताया नागरिक लगानी कोष दु।

कम्पनीया चुक्ता पुँजी १ अर्ब ९ करोड ५० लाख दु। शेयर निष्काशन लिपा चुक्ता पुँजी १ अर्ब ५० करोड थ्यंगु खः।

रिलायन्स लाइफ इन्स्यारेन्सं वंगु आर्थिक वर्षया मूनाफापाखे बोनस शेयर मबिइगु जुगु दु।

सोमबाः च्वंगु कम्पनीया सञ्चालक समितिया बैठकं शेयरधनीपिन्त नगद लाभांश जक बिइगु निर्णय याउगु दु। कम्पनीं नेपाल स्टक एक्सचेञ्जयात बिउगु जानकारी कथं आःतक कायम जुगु चुक्ता पुँजीया ५.२६ प्रतिशत नगद लाभांश (कर नाप) वितरण याइ।

आः बिमा कम्पनीपिनिगु नियामक निकाय बिमा समितिपाखे स्वीकृति बिइ धुका साधारणसभां उगु प्रस्ताव पेश याउगु खः। साधारणसभापाखे पारित जुइ धुका कम्पनीं शेयरधनीपिन्त बोनस शेयर बिइ।